壹火鍋

朋友想食海鮮，於是搵左呢間任食。由於價錢唔算貴，所以冇乜期望。侍應姐姐應該係好忙，人未齊己經三返四次上食物。我地揀左海鮮粥底，上層係蒸海鮮。有帶子，生蠔、小鮑魚、蝦、蜆等，都算十分豐富，新鮮亦冇沙，正！粉絲吸收左海鮮精華，幾好食。前菜反而算浪費，因為食主食都飽，改成自助式會好啲。全部蒸點任叫，味道正常。不過海鮮比較少，可以加錢另外叫。最後啲粥非常鮮甜，好好食，可惜太飽食唔落。最後每人$218，正啊！下次會再試下其他湯底。