影片
更多
2019-08-11
550 瀏覽
同事話好食、食評人又話好正⋯⋯係咪咁正呀？但價錢唔平，有時行過舖面𥄫下，嫌好似貴咗啲就走。近月多事之夏，揾亮點開心下！好！會一會妳！點了花膠淮山豬骨湯底拼芹菜豬肉餃+豆漿=$56，點解要依個湯而唔揀重慶酸辣，咪又係貪飲埋個湯又補身又夠飽，無蝕底！哈哈！我真係飲哂！個湯底有濃濃花膠豬骨味，但唔太重膠質又「唔太張住個口」，隱約似食到茨實味多過淮山，餃子比超市大牌嘅size大1/4，芹菜同豬肉比例若4:6，好足料，煮熟後餃子皮都係黐住啲肉，無虛位，可見佢哋用心啦⋯⋯總之，女生一定飽肚！至於豆漿，一般啦！食落其實唔算貴，淨係個湯，叫你買料、浸發、汆水、睇火，講都已經一身大汗，仲未計日日落手去做喎！淨係個湯，都撼贏啲包包湯啦！依家又飲又食，都係$56，如果求其去門市買包預製花膠乜乜湯，walk-in 價應該都要$50以上，況且餃子又人手包，全部心機錢嚟㗎！其實，如果行開附近又想飲湯又要食，依個係幾好嘅選擇！
但價錢唔平，有時行過舖面𥄫下，嫌好似貴咗啲就走。
近月多事之夏，揾亮點開心下！好！會一會妳！
點了花膠淮山豬骨湯底拼芹菜豬肉餃+豆漿=$56，點解要依個湯而唔揀重慶酸辣，咪又係貪飲埋個湯又補身又夠飽，無蝕底！哈哈！我真係飲哂！
個湯底有濃濃花膠豬骨味，但唔太重膠質又「唔太張住個口」，隱約似食到茨實味多過淮山，餃子比超市大牌嘅size大1/4，芹菜同豬肉比例若4:6，好足料，煮熟後餃子皮都係黐住啲肉，無虛位，可見佢哋用心啦⋯⋯總之，女生一定飽肚！至於豆漿，一般啦！
食落其實唔算貴，淨係個湯，叫你買料、浸發、汆水、睇火，講都已經一身大汗，仲未計日日落手去做喎！淨係個湯，都撼贏啲包包湯啦！依家又飲又食，都係$56，如果求其去門市買包預製花膠乜乜湯，walk-in 價應該都要$50以上，況且餃子又人手包，全部心機錢嚟㗎！
其實，如果行開附近又想飲湯又要食，依個係幾好嘅選擇！
111 瀏覽
0 讚好
0 留言
張貼
