影片
更多
2019-10-21
410 瀏覽
大鄉里出城，性價比達人地點：灣仔食店：廉記冰室消費：$66 (包一杯凍檸茶)食品：男人最愛首先，先講個菠蘿包，而家出面好多茶餐廳偷工減料，個包細得黎，仲要勁少牛油 🤬 大家要知道，菠蘿包個核心價值就係舊牛油，所以最好有咁大舊得咁大舊，有咁多得咁多，“支飲管有咁粗得咁粗“ (好似唔多關事 😅) 幸好，呢間冰室無令我失望，包既 Size 正常，而牛油同我所想既一樣 😍 所以值得推介。然後到個奄列，本人係超級超級超級鍾意食奄列，所以對奄列係有一定既要求。會期望咬落去既時候會有蛋汁，同入面既餡料融為一體。而唔係蛋就 “乾曾曾“，火腿就還火腿，雖然兩樣野係放埋一齊，但食落口時就好似將兩樣野分開食咁，簡直係失敗 😡 而呢間冰室既奄列，我唔會話頂級，但算係合格，所以收貨。最後，主菜出場，“豬扒腸仔福麵“，豬扒好食，唔 “痴牙“ 唔 “鞋“ 不在話下，佢難得可以整到有少少似雞扒果份 “軟熟“，我相當欣賞，慢慢令我對豬扒呢樣野逐漸改觀，因為由細到大都認為 “生不入官門，食不死豬扒“ 😂環境：🌟🌟🌟🌟服務：🌟🌟🌟🌟價錢：🌟🌟🌟味道：🌟🌟🌟🌟性價比：⭐⭐⭐⭐今次性價比俾四粒星，主要係因為個菠蘿包同 “豬扒腸
地點：灣仔
食店：廉記冰室
消費：$66 (包一杯凍檸茶)
食品：男人最愛
首先，先講個菠蘿包，而家出面好多茶餐廳偷工減料，個包細得黎，仲要勁少牛油 🤬 大家要知道，菠蘿包個核心價值就係舊牛油，所以最好有咁大舊得咁大舊，有咁多得咁多，“支飲管有咁粗得咁粗“ (好似唔多關事 😅) 幸好，呢間冰室無令我失望，包既 Size 正常，而牛油同我所想既一樣 😍 所以值得推介。
然後到個奄列，本人係超級超級超級鍾意食奄列，所以對奄列係有一定既要求。會期望咬落去既時候會有蛋汁，同入面既餡料融為一體。而唔係蛋就 “乾曾曾“，火腿就還火腿，雖然兩樣野係放埋一齊，但食落口時就好似將兩樣野分開食咁，簡直係失敗 😡 而呢間冰室既奄列，我唔會話頂級，但算係合格，所以收貨。
最後，主菜出場，“豬扒腸仔福麵“，豬扒好食，唔 “痴牙“ 唔 “鞋“ 不在話下，佢難得可以整到有少少似雞扒果份 “軟熟“，我相當欣賞，慢慢令我對豬扒呢樣野逐漸改觀，因為由細到大都認為 “生不入官門，食不死豬扒“ 😂
環境：🌟🌟🌟🌟
服務：🌟🌟🌟🌟
價錢：🌟🌟🌟
味道：🌟🌟🌟🌟
性價比：⭐⭐⭐⭐
今次性價比俾四粒星，主要係因為個菠蘿包同 “豬扒腸仔福麵“。
先講菠蘿包，而家出去食過茶餐，菠蘿包 + 凍飲，閒閒地都廿到 “抆“ 至三十蚊，而佢而家無偷工減料，包既 Size 同牛油既份量令人滿意，所以我覺得佢佔總價錢既一半，係合理同公道。
“豬扒腸仔福麵“，本身好食唔在講，而我認為佢係令我多左一份回憶。細個時，父母都出外工作，所以最常食既就係公仔麵，但當時既我，每次煮麵時都十分忐忑，因為係我心目中，“出前一丁“ 同 “福麵“ 既地位係對等既 😡 所以每次都有選擇困難症，要諗好耐先決定到煮邊一樣。到大個後，自己較少煮食，而無論去食早餐，茶餐，甚至打邊爐都好，“福麵“ 好似買少見少。所以係我心目中 “豬扒腸仔福麵“，個 “福麵“ 先係重點，令我覺得佢將成件事加好多分。
所以最後我俾四星，第四粒星就係感情分。
#大鄉里出城 #性價比達人 #性價比 #灣仔
#童年回憶 #福麵
#吃喝玩樂 #向自己理想進發
張貼