生原創(蛋包飯) (已結業)

間嘢好低調，如果唔係見到E App做promote都唔覺有間咁嘅嘢。Order咗兩個牛蛋包飯，一個流心一個regular。睇之前嘅評論，想像中嘅流心係溏心蛋爆漿嗰隻，點知上到嚟係類似炒滑蛋嗰隻。有少少失望，畢竟流心要加$22。整體嚟講味道幾天然，唔會太鹹或者重味精味。自家製幾溫馨嘅感覺。中午好少人，肆應都叫做有禮貌，正正常常。今次有半價優惠，埋單每人約$100，都算性價比正常。但如果正價嚟食會覺得有啲貴。