泓居酒屋

營業中

休息中

難得放假前夕，梗係想約朋友去食嘢放鬆吓啦，今次就決定同朋友去尖沙咀嘅居酒屋，可以慢慢傾吓計，舒緩下工作嘅壓力。今次揀咗呢間泓居酒屋，地點非常方便，位於中港中心頂樓，入面環境闊落，仲可以睇埋窗邊嘅景色。餐牌方面選擇好多，飲品亦都有唔同嘅款式。阿波尾雞肉雞肉好嫩口，而且調味調得好好，唔會過咸，雞肉亦都多汁彈牙，推介！牛舌心燒到啱啱好，而且口感非常煙靭，亦都好爽口，每一啖都都好多汁，非常惹味！脆皮原條白鰻第一次食脆皮嘅白鰻，話明原條，份量果然十足啦，食落嘅時候唔會太多骨，而且燒到外脆內軟，魚肉亦都好嫩滑。配上生椒粉，味道更加突出。泓卷好特別嘅飯卷，有三種唔同嘅魚類，飯卷兩邊微微煎過，食落好香，魚亦都唔腥重非常新鮮。魷魚糯米飯原隻魷魚包住糯米飯，魷魚唔算太厚身，每一啖都啱啱好，糯米飯好軟身，兩樣食物加埋口感好特別，加上佢用魷魚內臟作為醬汁，識落唔會太腥，反而會更加突出魷魚嘅鮮味，一流！