SuperNormal (淘大商場2期)

營業中

休息中

之前放假唔想去咁遠, 就嚟淘大覓食。見到星期日都有tea set, 而且價錢唔貴, 就入去試試。試咗安格斯牛肉漢堡配薯條跟熱咖啡, 漢堡好香, 份量都好足夠, 薯條香口有薯味, 但咖啡就唔太香, 味道一般。店員有禮, 主動服務, 所以吸引咗再嚟多次。但係今日再嚟就唔係同一班店員, 服務有對比好大今次揀咗青口意粉, 吉列豬扒咖哩焗飯同脆皮豬手。意粉掛汁彈牙, 味道好好。焗飯就麻麻, 個汁好淡無咖哩味。脆皮豬手好抵食, 味道唔錯, 好大隻。食物正常發揮, 但員工態度就有待改善。入門口幾個店員已經面燶燶，只係掛住玩手機。當時只有3-4檯客, 想要兩杯水都要提兩次。上意粉又唔俾碟share, 又要問先有。