影片
更多
2023-11-21
284 瀏覽
大家有想過一晚內，可以同時間食雞煲，羊腩煲，打邊爐，風味小炒及生醃海鮮嗎？ 朋友多番遊說下，我終於克服遙遠車程，由市區遠達到屯門，一嚐朋友推介多次嘅火鍋店。到來前曾網上查一下這間「再來一煲」嘅底細，一間元朗，一間屯門。朋友係識途老馬，為我地一眾市區人打點好呢餐，更堅決要到屯門店，神神秘秘，原來有特別原因。火鍋店裝潢正正常常，無咩特別，光猛整潔冷氣夠已經合格。自選醬料九宮格好慷慨，芫茜生蒜XO醬都齊備，特別一提XO醬，足料有辣勁，自家炒製果然似模似樣。雖然食雞煲及羊腩煲未必用得著呢份醬料，但醬到用時方恨少，費事再問俾人小啦。原來屯門店同元朗店最大分別，就係前者有生醃海鮮供應，廣島蠔、阿根廷紅蝦、三文魚同帆立貝，以老闆秘製醬料生醃醃製，風味近乎泰式與潮式之間，酸辣帶點鮮香，每一口都食到停唔到口，尤其係廣島蠔，鮮爽夠蠔味，醬汁滿滿包裹蠔肉，食得非常過癮，極力推薦！如果唔係要留肚，呢份生醃前菜可以一個人食十份！友人叫左兩碟風味小炒，椒鹽粟米、蜜椒薯仔炒牛柳粒。前者水準以上，佐酒必點。後者特別強調想講，如果大家去愛文生果類大排檔都會點呢味，呢度嘅蜜椒薯仔炒牛柳粒絕對係我暫時食過最好，目標直指個薯
到來前曾網上查一下這間「再來一煲」嘅底細，一間元朗，一間屯門。朋友係識途老馬，為我地一眾市區人打點好呢餐，更堅決要到屯門店，神神秘秘，原來有特別原因。
火鍋店裝潢正正常常，無咩特別，光猛整潔冷氣夠已經合格。自選醬料九宮格好慷慨，芫茜生蒜XO醬都齊備，特別一提XO醬，足料有辣勁，自家炒製果然似模似樣。雖然食雞煲及羊腩煲未必用得著呢份醬料，但醬到用時方恨少，費事再問俾人小啦。
原來屯門店同元朗店最大分別，就係前者有生醃海鮮供應，廣島蠔、阿根廷紅蝦、三文魚同帆立貝，以老闆秘製醬料生醃醃製，風味近乎泰式與潮式之間，酸辣帶點鮮香，每一口都食到停唔到口，尤其係廣島蠔，鮮爽夠蠔味，醬汁滿滿包裹蠔肉，食得非常過癮，極力推薦！如果唔係要留肚，呢份生醃前菜可以一個人食十份！
友人叫左兩碟風味小炒，椒鹽粟米、蜜椒薯仔炒牛柳粒。前者水準以上，佐酒必點。後者特別強調想講，如果大家去愛文生果類大排檔都會點呢味，呢度嘅蜜椒薯仔炒牛柳粒絕對係我暫時食過最好，目標直指個薯仔粒，味道控制或者香脆程度，絕對係接近天花板級數。下次再來，我想只點「薯仔炒薯仔」，唔知老闆俾唔俾呢？
食過前菜，終於食煲，好彩我地人多細眾，否則無可能一晚同時食雞煲同羊腩煲。先試雞煲，聽聞辣度可達至「變態級」，不過我地成班垃圾，淺嚐小辣就算。雞煲醬甜度適中，濃稠度亦相當似樣。最特別係雞煲可以另加魚標、鵪鶉蛋、雞雜、鵝腸、鴨舌及鮑魚等邪惡配料，尤其係頭兩款配料，其他雞煲店唔算常見，索汁無比，惹味絕頂！怕膽固醇超標？數字嘅嘢唔好掃興啦！
另一煲同時上場嘅係限定嘅「清宮藥膳羊腩煲」，我以往食重口味嘅雙冬羊腩煲較多，藥膳入饌一直都唔係我首選，但呢個湯，令我最驚喜嘅係，用來打邊爐竟然可以減少滯膩感！以往雞煲打邊爐，邪惡又濃厚嘅醬汁都容易令人頂住個肚，依家用上藥膳湯，湯頭不單鮮甜無比，入口出奇地感覺清新，淥牛肉食都覺得相當匹配。
講返呢度嘅火鍋料，質素有返咁上下，價錢都合理，款式就大路野，驚喜度未必太大，但我地覺得新鮮好食就已足夠，反正主角我都係放眼返喺雞煲羊腩煲，同埋生醃海鮮身上。
最後有樣野值得一提，就係餐牌上有一系列特色沙冰飲品，大大杯芒果沙冰，仲有一款「扮啤酒」嘅小朋友綠茶飲品，搞到我地成班酒鬼竟然破例打邊爐無飲酒，試勻晒咁多款沙冰先滿足。個人私心推出，芒果沙冰，極級好飲！
總括來講，「再來一煲」係我非常喜歡及推介嘅特色火鍋店，老闆有花心思去做每一個細節，無論細路仔、少女定麻甩佬，總有一樣令你食得滋味開心。唯一可惜，屯門對我喺講好遠呀……
張貼
