影片
營業時間
星期一至日
07:00 - 22:30
以上資料只供參考, 請與餐廳確認詳情
招牌菜
早餐時間都有幾多街坊嚟呢間餐廳食早餐，今次食咗個香茅豬扒配檬粉豬扒份量大，煎到香味十足，而且肉質鬆軟，湯粉個湯底幾香甜好味，另外可以叫店員比一支魚露，落少少去個湯粉的湯底，令湯粉更加開胃好食。呢度嘅魚露，食得出係自家製，裏面嘅蒜頭同辣椒份量非常多，味道比超市買嘅普通魚露濃郁好多。整體來講，個香茅豬扒湯麵好味但跟餐配嘅咖啡，就一般啦，冇乜咖啡香濃嘅味道😅 但套餐只係$35 ，算係街坊價，豬扒嘅份量大而且湯底好食，所以性價比都唔錯。
繼續閱讀
啲野食真心唔錯，晚餐成日過去食，種類豐富。員工人品都幾唔錯，食得幾開心，而且餐廳空間多，位置比較充足，次次過去都係等一陣就可以入去啦，比起樓下嗰間川崎好好多呀。
繼續閱讀
我每個月都會嚟屯門做運動，經過餐廳，最初以為好高級，但係入到去其實都好平民化。一般茶餐廳的早餐， 都係ABC餐，火腿通粉、公仔麵、多士炒蛋等等。這一間餐廳統統都有，仲有我最鍾意食嘅河粉， 早餐有可粉 ，一定要試一下， 特別喜歡食「香茅雞翼湯河粉」，河粉質素非常好， 一句講曬 - 爽滑， 一條條好分明，唔會糊口。香茅雞翼炸得好脆，我唔鍾意浸在湯裡淋咗，所以每次都特意叫佢「分開上」， 老伯伯每次都話「盡量啦」，但每次都幫我做到。( 我個人都幾鍾意這種地道茶餐廳的「愛理不理」的人情味 ，這裏的夥記，都好似做咗好耐。)老公每次都叫「沙爹牛肉炒蛋河粉」水準穩定，沙爹夠香口、牛肉嫩滑。可能係屯門區，廿幾蚊一份早餐，真係 好抵食啊。
繼續閱讀
星期天晚上食飯時間我們非常肚餓，就落咗樓下嘅馬賽餐廳，聽聞這個餐廳的小菜非常美味，就想試一下，剛剛到餐廳門口都要等位，等了差不多10分鐘就有卡位了，即刻點菜先，門口水牌非常清晰，當下我們三個人就叫三個小菜了，第一個就是粟米斑塊跟住就叫了一個乾蔥雞煲，因為見到隔離枱叫咗一個香噴噴的這個餐廳小菜非常清晰很多款式😊呢個時間非常多人等了幾分鐘，雞煲也到了，香噴噴的豆豉味，同埋乾蔥的香味，我們立刻試味先粟米斑塊粟米斑塊用的魚塊非常大，粟米汁香濃魚肉滑口，味道啱啱好，雞煲就非常好食，用的雞非常有鮮味再叫咗呢個沙嗲牛肉粉絲煲，更加好食不得不提這個例湯，就是我們最喜歡飲的味道門口好多人排隊
繼續閱讀
嚟過呢度幾次，主要都係食早餐，今次試吓開個河粉，豬扒嘅水準就唔係好得，但估唔到個河粉唔錯，好少茶餐廳早餐有得叫河粉，奶茶水平一般，最好係埋單嘅時候話要收據，個收銀好醒就俾咗張可以做泊車嘅收據我，慳返兩個鐘嘅錢。
繼續閱讀