影片
以上資料只供參考, 請與餐廳確認詳情
話說經過上環 見到間野幾“骨址”咁就入去試下 48蚊2個餸仲有湯飲 豬頸肉好好味 仲有無骨海南雞 不過如果撞正12點lunch時間就會比較多人有時食完就會同佢地夥計or老闆娘講下野 佢地好好傾 好親切 係上環個頭番工既人可以幫襯下😍😍
繼續閱讀
位於永樂街的泰式小店，中午往往見到不少上班族來買外賣！港式3餸送1湯試得多，但泰式的就甚為少見！這裡的餸菜Menu每日不同，每日6款選2送例湯！剛巧今日是星期4，所以選了香葉肉碎+泰式咖喱魚柳！ 而附送的是蘿蔔湯！非常好喝無味精！至於兩款餸菜是地道正宗泰國口味，咖喱非常好味猶如當地食到一樣！香葉肉碎亦都非常惹味，俾我揀我寧願食泰式餸菜多過平時港式3餸1湯！鍾意更濃味嗜辣的，記得要求店員幫你向飯面再倒上香濃咖喱汁！你會試到別有一番風味！PS，店內只得3個位！所以外賣最穩陣！
繼續閱讀
都是因為看Openrice得知早前Jenny's salad的位置開了一間新餐廳---Thai Smile!因為看到它的環境看上去清潔,沒有烏蠅,因此比較放心!於是看一下有什麼菜式吧, 每天有7款菜式(當中選2款) + 白飯 + 泰式湯 $45! 今次就嘗一下菠蘿青椒雞肉, 泰式魚湯魚塊!本來以為會裝很少份量, 原來是正常的份量, 令我放下心頭大石 (dada中午不吃飽,無法工作)菠蘿紅椒雞肉,使用的是新鮮而非罐頭,味道大為提昇!洋蔥紅椒十分清爽, 沒有很多油, 因此和茶餐廳吃到的不一樣, 這兒有住家飯味道, 不油膩而且感覺味精不多!泰式魚湯魚塊, 魚塊十分之滑, 有3片如memo紙大小, 配上少量生薑及白胡椒辛辣的魚湯, 在夏日馬上開胃起來!魚湯內有津白, 秀珍菇, 都新鮮而入味!如果不怕辛辣, 可以把魚湯飲用吧!最後是泰式雜菜肉丸湯, 雜菜有白蘿白及紅蘿蔔, 全都切成丁粒!肉丸是新鮮豬肉弄成, 很有誠意, 味道甘香! 湯水不是很濃, 但都不錯! 一個清淡的湯水!連續第二天吃這間!今天點了香葉豬肉碎及香茅排骨!香葉豬肉碎: 洋蔥的香口, 薄荷的清新,加上豬肉碎,少少辛辣,佐飯一流! 更好吃的是香茅排骨!香茅豬扒吃得多, 香茅排骨反而是第一次!以為是咸的菜式, 入口可是甜的!令我有驚喜!香茅味洋溢, 如果愛香茅的人, 應該會大愛這菜式!排骨煮的時間剛好, 不會太軟身, 而且感覺不是拿煮了湯的排骨來煮, 因此是具有豬肉味的! 這款不辛辣的! 最具殺傷力的是湯!!! 入有蘿白, 椰菜等, 味道超辛辣啊!!!因為它的後勁十分強!辛辣在舌頭大幅擴散, 把我擊倒了! 下次要詢問一下湯是否辛辣的, 如果是辣, 還是飲罐裝果汁吧! (雪櫃有椰子, 荔枝及蕃石榴口味, $5@)
繼續閱讀
在一個月前，走到上環永樂街，好奇看看結業的 Jenny Salad 有沒有新商店即將進駐？ 卻發現隔離的舖位竟然新開了一間泰式外賣店 <泰笑容 Thai Smile>！ 真是一個大發現！ 而且，外賣泰式兩餸飯盒連泰式例湯只需 $45！嘩！非常超值！ 兩餸配白飯及例湯 $45每天餸菜不同逄星期二、四供應一款炒粉/ 炒飯當我踏入店子，即傳來泰式美食的香氣！足以令人流口水！ 這裡是一個門面細小的舖位，店內幾深！ 廚房已佔去大部份位置！裝潢簡陋，只是放上一些簡單的擺設及泰國裝飾！由於泰國人尊重宗教，所以，我見雪櫃頂放置佛像供奉！ (為尊重神明關係，也不便影相！) 食客亦可站在店內堂食，不過，我幫襯了好幾次，卻從未見過有人堂食！ 廚房裡全女班，當中有泰國人煮理，口味正宗！ 她們也很有禮！好似做街坊生意，就算平日午市幾忙碌都好，她們都面帶笑容，跟店名 <泰笑容> 幾貼切！ 只要食客排隊買泰式飯盒，即時看到餸菜的賣相！ 泰式兩餸飯盒連泰式例湯 $45泰式例湯 ~ 紫菜玉子湯紫菜、椰菜、紅蘿蔔粒、滑蛋，味清少油！ 泰式炒雜菜包括：紅蘿蔔、露筍、黃芽白、雞脾菇絲、椰菜花、西蘭花、芹菜、蒜落足料非常豐富， 簡單的調味，剛剛夠味！ 香茅豬扒配泰式椰子咖哩汁 一塊豬扒的份量略嫌太少， 如果有兩塊就差不多！豬扒好入味，惹味濃郁！ 配上泰式椰子咖哩汁，甜酸帶辣！增添不少風味！ 白飯 (少飯)來自泰國的香米充滿飯香，略嫌乾了一點！ 泰式菠蘿炒飯 & 椰子汁 $50泰式菠蘿炒飯 $45色澤鮮黃色的炒飯很香，微辣惹味帶甜，卻是腍了一點！ 配料包括：新鮮鮮甜多汁的菠蘿、 微辣的青椒、提子乾、變腍了腰果、 尚有雞味的雞肉粒、炒蛋，口味及口感兩者兼備！ 泰國飲品 ~ 椰子汁 +$5當我拉開拉環，最驚喜見到一粒粒椰子肉浮起來，真材實料！ 椰子汁入口天然的清甜，夾雜一粒粒椰子肉，充滿嚼勁又清涼解渴！感覺很不錯！ 泰式炒貴刁 & 冬蔭公湯 $45泰式炒貴刁店子開業初期，泰式炒貴刁很快便售罄！ 最近的星期二才買到！ 青翠嫩綠的芥蘭、清爽的生芽菜、薄切的豬肉，爽口的豬頸肉，甜美的炒蛋，炒貴刁並非預期的幼身，卻是富有彈性！ 好像粉皮的質感，整體香口惹味！色香味俱全！ 冬蔭公湯配料包括：香葉、香茅、蕃茄、秀珍菇、金菇，看似很稀薄，入口酸辣，即時滲入舌頭，刺激味蕾！ 滿載泰式風味！
繼續閱讀
泰式食店响上環唔多，而且口味都有大幅調教過黎遷就香港人口味。不過最近新開咗間泰式食店，現於試業期間，只供外賣，$45蚊兩餸飯，同區唔算貴，冇理由唔試。女婿蛋 - 味道甜甜哋，有啲似中式牛柳汁，蛋係全熟蛋，外層炸過，容易上汁，芫荽，蔥酥，辣椒非常惹味。泰式紅咖哩 - 望落唔夠紅，但食落超有風味。雖然味道都有點甜，但香味十足，用料齊全。連普遍泰國餐館唔用嘅豆茄子都有落，豆茄子味道微甘，裡面有種子，食嘅時候爆發出獨特清爽嘅香氣。還有如乒乓波大小嘅小白茄，都係泰菜常用嘅，茄子吸收咗咖哩汁嘅精華，加上嫩滑口感，餸飯一流。汁料味精層次多，香料味道分明而融恰，很不錯嘅咖哩。蝦醬炒飯 - 味道都係偏甜，蝦醬味唔夠出，但味道整體有百吃不厭之感。櫻花蝦磨碎撈入飯中，點點鮮紅色為炒飯觀感上帶黎唔少生氣。等飯時，同老闆娘傾咗兩句。據講，店舖選用泰國食材，連豉油都係泰國貨，盡量保留原有風味。不過老闆娘承認，佢嘅泰菜係有調整到適合港人口味，但亦忠於原著。食店大廚Apple係泰國人，對於泰國傳統菜做法熟悉，亦喺香港居住多年，認識香港人口味。
繼續閱讀