影片
港鐵荃灣西站 A1/ A2/ E2 出口
繼續閱讀
營業時間
*堂食供應至16:00
星期一至日
07:00 - 00:00
以上資料只供參考, 請與餐廳確認詳情
招牌菜
難得同嬤嬤一家人咁食餐飯，就落黎荃灣搵間酒樓食下。當晚係平日黎，直接入都有位。環境正正常常，唔係特別乾淨，亦唔算污糟。我地人唔多，嗌左碟雞、蟹、炒飯炒麵，諗住夠食，點知啲野黎到就一肚氣！炒飯炒麵 － 水準同一般小食店茶餐廳差唔多，算啦，酒樓期望唔到啲乜。雞 － 骨「慘慘」，無乜肉，但六十幾蚊係酒樓食到雞就算了。但最後先黎既蟹，就最激氣！上個陣見個殼大大個，百五蚊好似唔錯。點知一開個蟹殼，入面零蟹膏蟹肉都算，啲蟹腳仲幼過我手指尾，得個幾條。我好似形容得好少？因為碟野真係得咁少阿！！叫個經理黎傾傾，又話正常，就算換比你係咁…咁差仲攞出黎賣，兒甥仔都話無眼睇，唉！但嬤嬤見到班細覺得開心，又話出街食係咁嫁啦，算啦。我地呢班做細既都唔講咁多，嬲住靜靜地咁埋單算，計埋茶位成三四百蚊，換得班細路食得飽，唯有送嬤嬤返屋企之後再咬個麥記醫肚，同以後唔再幫襯呢間野！
繼續閱讀
稻香集團不時會推出晚飯優惠孖寶吸客，今期推出黑蒜蒸海斑頭腩配雞湯勝瓜浸海斑球，平日＄98，星期六日及假期＄168，另升級加配乳豬伴粉皮亦只須＄38，是晚我便是這樣被他吸引成為坐上客 晚市六點正開始，服務員有秩序地帶領食客入座。我被安排坐於舒適的半沙發座位，因為不用睇餐牌，開茶後便順道落單。首先送上是升級加配的乳豬伴粉皮乳豬微溫，皮脆，粉皮不是晶瑩剔透那種，用來做涼菜有點厚，配上美味的芝麻醬和爽脆青瓜絲，清新醒胃。黑蒜蒸海斑頭腩前陣子的黑蒜風我並沒有參予，所以今趟是第一回吃黑蒜，真難想像質地削味道甜甜的原來是蒜頭。海斑變了我喜愛的龍躉 ，骨肉均稱，肥美可口，最巧妙是魚和黑蒜的精華被墊底的陳村粉完全收攬。雞湯勝瓜浸海斑球同樣用上龍躉，皮既厚且彈牙，肉結實而不嚡，下湯與清甜的勝瓜同煮，中和了魚的肥膩感，是一有餸有湯的上佳之選。另加的蒜茸炒通菜＄58以爆過的蒜茸炒通菜，入口充滿蒜香，美中不是每當蒜茸夾雜於通菜同吃時，一陣苦澀味充拆口腔，是蒜茸爆得有點兒過火了！以上餸菜再加一個白飯，埋單只須二佰伍拾元，看來食肆的競爭越來越大。
繼續閱讀
想不到平日的下午，稻香依然人頭湧湧，平價招倈的下午茶，抵食程度可想而知。皮旦瘦肉粥: 才$3一碗，抵食夾大件，味道不錯，啖啖瘦肉。煎餃子: 皮略厚，一般。醬撈腸粉: 有點硬身，唔夠滑。脆皮义燒包: 夠香脆，皮香包皮軟，可口。义燒瀨: $16.8-一大碟义燒，在高消費年代，還求什麼?!而且水準合理，又夠飽肚，正。蒜雞扎: 好足料，面層包著的腐皮吸了汁醬，味道不錯，裏面包著雞件、蟹柳、冬菇、扎肉，夠晒份量。咸水角: 居然有4件甘多，而且還熱辣辣，真係唔錯之選。煎地瓜餅: 微甜，有地瓜味，質感軟糯，傻仔敏個人很喜歡。煎蘿白糕: 同樣有4件，煎得夠香，有點點蘿白絲，但略為鬆散。雖然食物質素不高，但價錢平，舒舒服服吃吃點心，飲茶談天，實是非常不錯的地方。
繼續閱讀
自從上次在另一分店的不快經驗，和另一班朋友的邀請下，再吃一次豬軟骨雞煲。簡單來說，這間分店服務較正常，可能是正價時段，所以不多說了說回今次的雞煲，對比上一次吃的，多了不少蒜頭，多了不少花椒，所以對於我這位好辣的，當然可過一下癮，但我朋友便覺得太辣了份量也可以，六人吃再加火鍋料便夠吃了希望可以長期可以吃，多一個選擇
繼續閱讀
上星期六同屋企人去左荃灣飲茶,我地攞左兩間酒樓的飛, 呢度快d, 其實之前都已經聽媽咪講話稻香差左好多, 想唔去呢間的, 但係姑姐又話另一間要等多幾張,咁咪入左去.....好後悔我地四大一小入去坐低一陣就叫點心,等左20分鐘一樣點心都未嚟,就覺得有點怪,跟住問下仕應,有一個仕應講唔咸唔淡廣東話去check電腦,話冇資料係電腦度,跟住又話已經入番,咁我地再等多一陣,點知又過左好幾個字,都冇一樣嘢嚟,我地再問另一個仕應,唔知點解佢又問番頭先幫我地跟的果個仕應,可能係佢負責我地呢邊卦,佢check都冇check就話入左啦!!!!!過了五分鐘有另一個高級的部長過嚟話係電腦度我地係一樣點心都冇既,跟住叫我地再入番單........有冇攪錯, 等左咁耐得個吉,又唔出聲,之後嗱嗱臨入番單,再等左一陣先有嘢食,連我個甥生仔都話咁耐都冇嘢食,好肚餓.其實太肚餓所以食左咩都唔知係咩味,只想快d離開,我地叫左一些好基本的點心,味道都ok的,都係熱辣辣的,叉燒飽入面好多汁及叉燒都好瘦,好味的,燒賣,鳯爪都係好味,鳯爪辣辣地好入味及惹味,燒賣都唔會好多肥豬肉,good!! 仲有叫左一碟抄飯,都炒得幾乾身及多料,還有蒸蘿蔔糕,蘿蔔都好大條,雖係係多水左少少,但都幾好.其實點心係冇咩問題的,但係服務真的好有問題,就算幾好味既嘢有咁既service我係唔會再去呀!!
繼續閱讀