影片
以上資料只供參考, 請與餐廳確認詳情
又來到西環 可能因為是舊區的關係 街坊食肆很多 亦沒有很多大型連鎖店沒有地鐵的缘故 所以租金比較廉宜 食肆的價錢都因此頗便宜區內都主要以茶餐廳 麵檔或者粥店比較多 而這間位於卑路乍街的餐廳則是主打西餐比較少有 所以聽住在附近的朋友說連非繁忙時間也很多人吃 而且已開了很久了 有地道的風味 門口的裝潢保持一貫舊式扒房的神秘 米色外牆 配以格仔窗框 門口掛了用黑版手寫的餐牌到達時大既四點左右 人也坐滿了大半 餐廳都幾大 可坐六七十人餐牌選擇很多 焗飯/意粉 小食 甜品都有 於是叫了一客海鮮炒烏冬的下午茶套餐包括餐湯和飲品(凍飲+$2) 只須$28 都真係幾抵羅宋湯很快便送到 賣相不錯 很濃郁 不會太稀 味道酸得來有點辣 是真材實料之作配料亦很豐富 除了普通的椰菜 西芹 蘿蔔 還有些牛肉粒 這才是真正羅宋湯的味道至於炒鳥冬 賣相很吸引 色澤很光鮮 入口的烏冬不會太乾身 但又帶點油膩 口感很煙韌至於其他配料都很足 有蝦 墨魚 青口 青紅椒絲 雖然都是普通超市貨色 但都頗新鮮咬落都幾嫩滑 份量也很多 總括而言 質素是頗高的 雖然只是街坊餐廳 但水準實在絕不欺場而且價錢廉宜 十分抵食 在鬧市區中肯定找不到此類型的店舖
繼續閱讀
有一段時間冇嚟這一間尼斯，今晚約了個朋友食飯。我6：50到，都重係有位，唔駛等，再遲10分鐘就要等位。我叫了粟米牛脷飯，朋友叫了薄切牛扒!兩份餐都好快上!個羅宋湯冇乜味，個飯反而得，牛脷好冧，粟米又夠多，唔錯!我冇食到朋友叫的那一份，佢就話好食。成餐飯用了35分鐘食完！
繼續閱讀
為食嘅我又出街食飯!呢次屋企人出晒街,又冇約朋友,咁唯有自己一個人食!諗起屋企附近嘅尼斯堅尼地城店自從去年底裝修後都未幫襯過,橫掂冇約人,所以就近近地走去食,順便睇吓佢環境有咩改變!我去到果陣都唔算太熱鬧,唔駛等就有位,仲任我揀位坐!坐低拎張餐牌嚟睇,發覺大部分茶餐都貴咗一兩蚊,可能係同裝修咗有關!加上而家百物騰貴,我都見怪不怪!呢度我都幫襯過好幾次,今次似乎有啲失準,各方面質素只屬一般,價錢唔算太貴!我一個人食飯就鍾意簡單啲嘅,快快手食飽就係一餐!去西餐廳就適合一個人食,反而去酒樓就怪啲!而今次去嘅尼斯堅尼地城店係我平時係堅尼地城一帶間中會幫襯嘅!係我印象中佢嘅食物,環境,服務,衛生各方面質素都算唔錯,價錢唔算太貴!相比嚟講我對佢較為有信心,不過間中都會失手!始終我嘅要求唔高,若果唔係錯得太過份,都會原諒佢嘅!味道方面,今次1個人叫咗個茶餐,味道只屬一般!食物包括1)豬骨湯底配即食麵:薄切牛扒用咗黑椒調味,帶點辣香!可惜有啲酸味同雪味,將近變壞,用料唔新鮮!肉質較鞋較乾身,好似白烚咁!同埋太多筋同肥膏,冇篩選好就上碟!好在分量唔少,仲加咗喲配菜!即食麵唔怕腍咗,分量適中!湯底味道討好,鹹度適中!凍咖啡味道適中,唔會淡而無味!環境方面,尼斯堅尼地城店係去年底裝修過,地方都尚算新淨!佢嘅裝修唔係而家部分西餐廳好豪華高貴或者新潮搞鬼嘅風格,而係較為簡潔清雅嘅裝修,唔會有好多特別嘅燈飾!佢冇設置電視機,先進與否就見仁見智!呢個舖位唔係幾大,仲要係位處於比較舊嘅樓宇中,少不免有柱多,橫樑多及樓底矮等等嘅問題,視野唔算廣闊!另外檯凳部分放得較擠迫,部分就放得寬敞!整體總算坐得自在,始終唔應該要求咁高!服務方面,大部分服務員工作效率同態度都中規中矩!不過無乜禮貌!若果各個服務員有多啲笑容就更好!衛生方面,碗碟唔算乾淨,地方就幾企理!抵食方面,星期五下午茶時段不設加一,大部分茶餐嘅價錢都唔算太貴,價錢可以接受!整體嚟講,大部分茶餐價錢唔算太貴!至於食物,環境,服務,衛生各方面質素只屬一般,係我嘅要求嚟講都係合格嘅!當然各方面質素未係盡善盡美,仍然有改善嘅空間!食飽之後,我就番屋企訓覺!
繼續閱讀
見門面幾靚 又平平地 又多人 應該唔差掛一行四人入去食lunch牛扒薄切跟薯菜我唔係好記得朋友食咩淨係記得 餐湯+主菜+飲品 都唔掂!餐湯>忌廉湯 無乜味牛扒好薄>預左 但係 係用刀or用牙咬都扯唔開的 友人果塊都係... 得d薯條好食飲品 凍檸茶 完全無味(茶/lemon) 好似飲緊水咁, 友人既好立克都係無味!甜品>青檸jelly 幾好食! 如果連jelly都可以整到難食就真係....嚇死人!希望只係咁啱果日失準啦 真係唔明點解仲咁多人去食既
繼續閱讀
作為港島區的舊區，西環可說是食肆處處，某方面受惠於偏遠關係，那區的租金能維持於一個穩定的水平，有利食肆的經營，除了各式老店之外，也不難發現一些新派的食肆，看門口的價目表，大都是價錢實惠之選。去了一間位於卑路乍街的老牌餐廳，此店的大號名叫「尼斯」，英文名則是 "Nice"，是否真的「不錯」吃過才知，週五夜的食客坐足九成，食物以供應懷舊西餐為主，走扺食夾大件的路線。略看餐牌之後，叫了一客焗豬扒飯的套餐，從先來的羅宋湯也可知餐廳廚功之一二，入口略帶稠身，沒有呈水汪汪的跡象，味道酸中有點微辣，配料除常見的蔬菜之外，更吃上一些下欄的牛肉塊，令湯味多了一份香濃感覺，雖不是甚麼驚為天人的味道，見證到的是老派的味道造法。期間見到人客來買外賣飯盒，已弄好下可以即叫即取，我的焗豬扒飯倒需要一點時間處理，上桌時的賣相和平常見的略有不同，要讚是焗得甚為燙身，剛好那天正下豪雨，確需要一點熱吃來暖暖身子，入口的飯粒乾身卻而帶點嚼頭，其口感可以用「煙韌」來形容，或台灣人常說的「很Q」。再說其飯面的醬汁，常吃到的焗豬飯，飯面上總會鋪滿一大片橙紅色、呈人功色素之物，這裡的醬汁倒是沒那麼重手，只鋪在若干飯面上，味道是酸甜的茄膏之味，更加了些許奶酪來提升味道，配菜有爽口的鮮茄和硬身的甘筍塊，至於另一主角「豬排」，則被斬成細件，呈半肥瘦之狀，肉質也是鮮味而爽嫩。總體而言實是花了心機的水準之作，惟美中不足的是沒有用上黃金炒飯作飯底，除了視覺效果之餘，也添上兩分蛋香，倒是發現其中有一粒蛋花，奇哉 ?! 作為街坊生意，除餐飲之外，也奉上一份小甜品，不外乎是啫喱、雪榚或芒果布甸等，味道一般，勝在呈現一份人情味，六十元一個餐，旺區肯定難尋此等水平，另一個美中不足的是我自己「衰孤寒」的個性，竟然不肯花多數十塊點其馳名的「焗田螺」，雖然已飽，總是有點遺憾，惟有下次再來，或光顧其分店........
繼續閱讀