影片
港鐵東涌站 A 出口, 步行約7分鐘
繼續閱讀
付款方式
座位數目
30
其他資料
酒精飲品
外賣服務
加一服務費
以上資料只供參考, 請與餐廳確認詳情
今日一個人食晏，突然間好想食點心。今日星期日酒樓又排長龍，唯有去food court 頂住癮先啦！叫左三籠點心加杯凍檸茶慢慢歎！南瓜排骨，個樣幾靚仔，食落味道都幾好。潮州粉果個皮都吾太厚，都食得過。最吾掂就係個蝦餃，一夾就穿，仲有啲水流出黎，啲蝦冇味，麻麻地。其實都冇乜期望咖喇，過下點心口癮囉！
繼續閱讀
住東涌市中心真係無啖好食，平日要食好野唔係要入去逸東附近就係要行去水藍對面，所以通常都是自己下廚。今次搬屋的三星期以為死梗啦，誰不知遇見"點好味"!! 食咗四次，試咗唔同野，今次終於忍不住要讚一讚，譠一譠!~ ＜點心類＞點心拼盤。。。蝦餃，燒賣，糯米卷，粉果各一件 蒸得夠乾身，雖然用的食材非頂級，但味度，食材比例及蒸煮技巧唔錯，好味。食咗兩次，haha.牛肉球 廚師一定係識食之人，牛肉球嫩滑而彈口，好明顯加咗好多肥肉落去整，都唔錯，如果多少少香茜，那就perfect. 紙包荷葉珍珠雞 正!!! 糯米軟硬適中，三文治般的米-肉汁-米的分配令珍珠雞濕度適中，調配的味度亦值得一讚。食咗兩次都覺得好好味。陳村粉蒸排骨 唔多得。排骨好味，但陳村粉唔掂，愛排骨之人建議食鳳瓜排骨飯。鳳爪 不過不失，都ok.叉燒包 都不錯。多叉燒同汁，包鬆軟，唔錯。＜蒸飯類＞在東涌來說，算唔錯。試咗蟲草花蒸雞飯及蒸牛肉餅煎蛋飯。後者較油，但都唔錯。蒸飯之靈魂"豉油"好好味。個飯底乾濕適中。讚 ＜燒味類＞燒味拼盤。。。鵝、鴨、叉燒、紅腸、油雞頭四樣不過不失。鵝鴨皮脆，皮不離肉, 尚可。叉燒中規中舉，但東涌來說不及聚龍的好味。紅腸本人本來也不太好食紅腸，所以評不到。油雞 正!!! 佢個豉油好好味，雞滑，正!燒煵仔， 好差。皮Un, 得個肥字，响東涌都係聚龍的好味啲。<晚飯套餐類＞ 試過梅菜蒸鯇魚及梅菜扣肉飯餐，完全唔掂，怪味淡味梅菜是也。個湯同飲水無分别。＜飲品類＞只試過熱檸茶，熱檸水及熱咖啡。 頭兩樣啲水係唔熱 ，咖啡就難飲。
繼續閱讀
繼翠華進駐東涌後，一直都未能令人滿意的大食代美食廣場，原來也靜靜地起革命。雖然不是一刀切的更換美食廣場內所有食肆，但是次小革命卻來了一些新面孔、新擺設及新的清潔公司，總算讓東涌居民可感到一點新意思！點好味是當中的新進食肆之一，設於以前恆香棧的位置，以點心及燒味作賣點。座位設計跟以前沒有多大變化，大部份是供四人的卡座。點好味由中午十二時至下午二時供應四個主題的套餐，包括午市燒味套餐、夏日午市必選套餐、點好味常餐及好燒味二人套餐，當然亦可選擇餐牌上其他單點食物。午市燒味套餐和好燒味二人套餐，包含例湯或飲品，但也可額外付費為套餐添加例湯、飲品、油菜、點心等，雖然是套餐，做法靈活可取。老公欲測試點好味的燒味質素，於是選了午市燒味套餐。從湯料中估計例湯應是花生眉豆豬肉湯，鮮甜味不足，同時帶點化學調味，只屬一般貨色！可是午市燒味套餐的四款選擇中，並不提供點好味的金牌燒鵝皇，唯有退而求其次，要了脆皮燒腩仔飯。脆皮燒腩切成小件，排列成兩行，賣相整齊。燒腩擁有名副其實的脆皮，一咬鬆化香脆，令人滿意！而腩肉軟滑鹹香、瘦多肥少，瘦肉相間兩層淺薄脂肪，香而不膩，正合香港人追求美味與健康並重的元素。我選了夏日午市必選套餐中的勝瓜魚湯海鮮皇泡飯。魚湯混有不少的乾瑤柱碎，湯頭味道尚算恰好與自然；白米飯沒有被魚湯泡得軟腍腍，仍保留嚼口與爽勁！至於湯料，則有小蝦仁、小帶子、蟹柳及菇菌，雖與海鮮皇的美譽仍有一段距離，但以四十多元售價的套餐來說，可算是合理！夏日午市必選套餐不配備例湯，而是五柳炸雲吞。週末飲茶時，炸雲吞例必是小朋友搶食的點心，早已成為大人的我們，現在甚少有機會嘗試。炸雲吞極為鬆脆，新鮮香口，最難得是中間的鮮蝦餡，雖份量不多，但蝦肉爽滑多汁，味道不錯。猶記得小時候，炸雲吞的五柳汁是用湯碗盛載，豐盛的汁液內滿是五柳菜、鮮蝦仁、豬肚及紅、青燈籠椒等，色彩斑斕，眼睛光是看著，就如進入萬花筒內，愈看愈精彩！相對現在只有橙紅的酸甜汁，顯得異常單調，不過無論如何，五柳汁是炸雲吞必備的最佳拍檔。提議店方換一個較大的碗子盛載五柳汁，方便蘸汁，份量亦有增加的需要。我們利用套餐，加了一份西生菜。生菜新鮮爽口、份量也充足，為飯餐帶來多一點平衡。點心也是點好味的賣點，於是我們多要了兩款點心一試。灰灰白白的牛肉球，全無牛肉味道，質感過份軟綿，幸好調味不差。混醬蒸鳳爪的混醬汁濃郁惹味，雖然不辣，但味道豐富、有層次，吃得滋味！點好味的點心是即叫即蒸，客人只需要向侍應落單便可，那這輛點心車有何用途？點心車會在美食廣場內穿梭與遊走，讓其他食客多一個點心選擇，構思不錯！點好味除午餐、晚餐，亦有早餐與下午茶供應。此次惠顧的經驗，我較欣賞點好味的燒味，下次必試金牌燒鵝皇，希望不會令我失望。
繼續閱讀