影片
光顧嘉鳳已有 25 年. 尤其負責煮麵的高佬叔叔及負責廚房的嬸嬸, 感覺好親切.我最喜歡吃車仔麵. 每次都叫一大堆餸再加辣. 很是回味. 味道廿多年沒變. 近幾年不知何來 1 對夫婦. 女的很有禮, 又健談. 男的呢. 可能太忙關係, 每每皺著眉頭, 放下飲品時又大力放落枱, 有時真的嚇一跳呢.店內除車仔麵, 還有飯類, 豬扒尤其好食, 但間中亦有失手, 豬扒會乾了一點.我點飯類時又喜歡加雙蛋. 特別好味似的. 要注意: 點雙蛋只可以加在飯類, 點車仔麵是不可加加雙蛋的. 因為廚房的嬸嬸嫌麻煩.
繼續閱讀
下午開完會, 開車回九龍, 諗住行皇后大道東, 唔駛係海皮塞啦... 經過時閃過一絲記憶好似話有間唔知食乜既係呢條街, 又咁啱見到有位泊車, 就開左入去. 原來聖雅各係尼到都開埋, 真係好多年無來這裡了. 泊好車後就見到有3間食店, 2間坐滿哂工友, 想搵個位都難, 咁就入左嘉鳳了. 成間舖得一個客食緊野,一個就坐係門口背住張枱向住條街, 而張枱又乜都無(個時仲以為佢係員工,後來先知原來係d街坊買外賣), 都無乜得參考添咁, 咁就只好坐低慢慢睇牆上d餐牌. 想叫雞翼, 無雞翼; 想叫油麵,無油麵 ... 最後 叫左 魚蛋 粉腸 齋 米; 最妙係 坐係門口o個個太太 幫我去"落單" ..即係去廚房睇下有無我要既野 (此刻我更確定佢係店員啦) ... 直到伯伯從入面個廚房出來, 先水落石出.大概5分鐘左右, 伯伯ok了, 我便去拿回坐位去食 ... 齋 跟一般不一樣淋 而係有d爽, 亦都係一種做法吧, 味道ok, 不是很濃的. 粉腸 份量頗多的, 色澤明潤, 無苦味也無雪味, 不錯.魚蛋 文化差異了, 沒有慣常的彈性, 味道更是 ... 唉, 不過都有好幾粒, 同埋又幾大粒既 ... 但又如何呢.那刻, 我相信 這不會是我在OR睇過的那間吧.不過, 在那時, 那地點 食個tea, 又真係幾有風味既 ... 如果, 無咁悶熱就更好啦.離開時, 遇上聖雅各的MR"下課" ... 勾起當年服務的記憶...30年了.返到屋企上來睇睇, 乜真係尼間呀 ... 無言.或許我去得太晏吧, 或許我無叫啱野吧
繼續閱讀
因為一些原因，在附近出現，又不想吃些什麼，決定來個簡單的車仔麵。因為朋友吃素的關係，我食量又不多的情況下，就都來兩碗素的吧。點了蘿蔔，冬菇，齋，菜心配米粉。冬菇好吃，很香的味道，不帶雜味，有些店連冬菇香氣都做不出來，只以肉汁的味混過去，這店的冬菇完全沒這問題。齋，我沒吃，都給朋友了，份量十足，看起來也不會死軟。蘿蔔清甜，但有些許渣，切塊份量小，剛好一口一塊。配粉麵的菜是炒過的菜心苗，鮮嫩好吃，不像一般的配生菜，我吃整整一大碗！不過負責煮麵的男人心情不知是剛好心煩，完全感到他的不耐煩，而且看到他腳上穿的是質料不錯的西裝褲，店後也掛了一件西裝褸，難道是因為屈不得志而這樣﹖而且店內也沒什麼裝修，還看到一碗不知名食物放在水盆下，乾不乾淨見人見智，不過起碼吃完我肚子沒有事
繼續閱讀
又是灣仔行, 走了上皇后大道東, 再上一條小街, 這間基來上是吃” 車仔麵”的, 但今朝才吃完麵, 想食飯噃… 見牆上也貼了飯餐, 試試啦…. 叫了鳳爪排骨飯, 到來才打了突, 以為是蒸飯, 原來只是碟頭飯, 白飯做得幾好的, 不太淋不太硬, 又沒有”痴”埋一舊舊, 加上排骨汁, 味道不錯, 飯面加了三條菜心和一隻鳳爪, 鳳爪脹脹的, 水準不錯, 唯一差的主食品是排骨, 有淤色, 肉質實, 鞋口, 只得五粒, 五粒中又只得兩粒肉質可觀的, 下次都是食她的主菜”車仔麵”好了, 還有, 如果到這裡吃的是”飯”, 飯是內邊的廚房做的, 請不要八卦地看入廚房內, 廚房內比較你舊和污衊, 胃口會有些少下降… 無論如何, 後生和老人家的服務都十分好, 是一間不錯的店!
繼續閱讀
25-11-2010一直想試試呢度的車仔麵, 奈何以前次次出沒呢頭佢都已收鋪, 是日 lunch 終於「攀山涉水」嚟了. 呢度行「先俾錢買嘢, 後搵位坐低食」制, 淨喺車仔麵 corner 排隊叫嘢食都排了 15 分鐘 , 好在搵位唔難啫.豬大腸 ($10): 軟熟得來帶點煙韌, 洗得乾淨, 不過又仍保留少少白雪雪的肥膏, 食落甘香又軟滑, 幾好食. 鳳爪 (是日 $5 兩隻): 某程度上為佢而來, 因為睇過食評話呢度的鳳爪好正好入味 etc, 食落我又唔覺得好入味咋喎, 不過層皮幾爽口就係真的, 都可以吧.腐皮角 ($5): 即係腐皮包住墨魚片, 質地鬆化, 食落微甜又有墨魚的鮮味, 加埋煙煙韌韌又幾香口的腐皮, 比鳳爪出色得多!伊麵 ($10): 黐埋一舊舊, 生熟度亦唔太平均, 竟然有部分腍 bad bad 得「入口即溶」, 又有部分係煙煙韌韌 , 早知食油麵 / 米粉就算. (無辣)湯底: 加了腩汁的, 味道清得來帶點五香的味道, MSG 度低, 車仔麵嚟講幾難得.熱豆漿 ($8): 是否自家製無從考究, 不過飲落幾有豆味, 幾滑口又唔太甜, 係咪自家製是但啦. 環境 as expected 地殘舊, 不過阿姐阿哥 (老闆伉儷?) 好友善又禮貌, 幾有人情味的一個地方.$38 埋單, 唔算超好食, 但係幾住家 feel 的一餐 lunch, 可以一試的.
繼續閱讀