影片
開飯介紹
主打江南及四川菜式。
繼續閱讀
營業時間
星期一至日
11:00 - 23:30
以上資料只供參考, 請與餐廳確認詳情
是过来参加asia world expo，住在悦来酒店，安顿好就出来找地方吃饭。看到有川粤菜馆就在酒店一楼就过来试试。水煮牛肉，口味一般。清炒娃娃菜，很可能娃娃菜放冰箱了，吃起来水味重。四川辣子鸡还是很辣，没几块鸡肉。炒虾仁一般。小炒肉也没记住啥味道。最大亮点是5-10人用餐可以任点2笼茶点我们选了干蒸，每笼1元港币，味道很鲜，虾仁很大块。这里的川菜很一般，粤式茶点还可以。
繼續閱讀
老公本來想去$12店搵花藤...點知佢細左一半....無收獲咁唔想行返轉頭搵O野食, 因為度度到有排等...個商場無咩可以選擇...2個人又唔可以去食FAT ANGELO'S咁見佢出面好似唔差....就入左去睇個餐牌,...O下咁O既環境收我每人$8 茶位, 小吃 $10未食已收我$28叫左:擔擔麵 ($28)---好唔得, 麵淋味唔夠小籠包 ($22)---用錫紙兜兜住, 皮有少少厚, 但整體叫OK回鍋牛肉 ($58)---好大碟, 不過擺明唔係正中, 感覺好似求其炒埋一碟, 味精還可以雞絲粉皮 ($6X?)---餐牌無...無青瓜絲, 同埋原來係麻辣版....白飯一碗共$230....唔抵
繼續閱讀
餐館位於熊貓酒店商場裏, 每次經過都被牆上疑似特價優惠的食物吸引着。 今次特登等半小時嘅巴士乘搭去試, 怎知道坐滿老人家及內外地遊客, 好不容易才有位搭枱, 等咗咁耐都要入嫁讀讀餐牌都唔似牆上講到咁便宜($1點心), 暗駡有無攪錯...碗、匙羹油膩膩, 污糟檯布反轉再鋪過, 某幾女侍應生大聲玩笑, 感覺非常不濟蒸點心部, 睇住師傅赤手從幾大籠义燒包蒸籠裏把义燒包分別每三個放入細蒸籠裏。餐館有幾大, 一眼睇晒心諗食物, 應該都係行貨嘢→「嗱」嘢！結果......三色蕃薯粥$4.80...三色是紅蘿蔔粒、蕃薯粒、粟米粒, 粥底是有味粥, 煲得夠綿, 有爆花, 再配合口感清爽的三色粒(蕃薯粒佔少數), 感覺健康。點心做到好足料, 好老實, 即例如蝦餃$16.80有匙羹面那麼大粒, 呈心形, 外皮唔易爛開是有一定的承托力, 內餡有少量豬肉碎外就是全蝦。 鳳爪排骨蒸飯$6.80...飯粒粒粒分明, 軟硬適中, 排骨有「嗱」過但不太過份, 仍然有肉味, 鳳爪淋, 軟骨容易與骨頭分開。潮州粉果$7.80...外皮無痴筷子, 內餡有花生、蝦米、葛粒、芫荽、中芹, 好香好味！义燒包$6.80...蜜汁好多好甜, 义燒份量是比預期的多, 包身鬆軟。流沙奶黄包$9.80...新鮮熱辣爆奶黃, 包身香軟！老實點心魚翅湯餃$13.80...未畢開都覺得餃身很挺, 完完整整一點也沒爛開, 畢開就見到餡量豐富, 有蝦、冬菇、肉球、芫荽等等, 湯頭清甜。點心都算滿意, 不過我親耳聽到以下事件: 有內地遊客想叫椒剁魚頭點心, 侍應生入單後, 蒸點心師傅對侍應生說:「呢個話俾佢聽無呀！」「點解呀?」侍應生問, 師傅又講:「咁你同佢講要整好耐啦！」 「咁要整幾耐呀? 我都要同個客交代。」, 師傅答:「話一個鐘啦, 叫佢食第樣啦！」, 就是這樣侍應生就同內地遊客講叫佢地改食另外嘅點心。 咁我就知道點解有時在任何食店都試過點咗食物後, 忽然間侍應生會走嚟同我講「呢樣要等耐d, 至少半個小時, 咁你等唔等?」 不過我通常都會話:「等, 我等！」 咁唔知個厨師聽番回覆後會唔會「加料」俾我呢!?
繼續閱讀
今日好難得可以同同事一齊八個人去這間金榜菜館食飯, 大家都叫左好多唔同既點心, 叫左個福建炒飯并生炒骨, 福建炒飯同平時食開既差唔多一都keep 倒心準, 汁撈飯真係好正! 而生炒骨就麻麻, d肉可得炸得太耐, 有少少硬, 另外, 這裡既皮蛋瘦肉粥不錯, 值得一試。這裡有一元燒賣, 超平! 但一張台只可叫兩籠, 同埋有四大粒, 係蝦肉燒賣黎, 到好足料, 貨真價實, 冇坤水~ 算係入場必叫之選!每人都係4四十幾元, 算係抵食!
繼續閱讀
第一次寫食評, 寫得不好, 見諒~!豈料我的第一次, 竟然寫劣評... 把第一次獻給這間菜館真的有點難受與無奈~一干人等, 有老有嫩, 叫了1個4人餐, $428, 另加一味菜式, $68, 一碗陽春麵, $28~4人餐內容為:1. 酸辣海鮮羹 湯匙一拿起, 不夠杰身, 不要緊, 不夠足料, 不打緊, 只要放到肚裏好吃便滿足, 但... 酸, 夠酸; 辣, 夠辣, 其它呢? 沒有了.......... 荀放的超多, 符合了某些人心意, 豬肚絲少量, 豬紅極少量, 肉絲少量, 海鮮是極少量的蝦粒, 還另加西餐的風味.......... 什麼是西餐的風味呢? 我只能以此形容, 因為完全沒有我以往吃酸辣湯那種回憶, 反而聞到西餐味, 奇怪不奇怪? 我覺得味道還真有點怪, 希望你們吃不出來~2. 宮保雞丁 與其說是宮保雞丁, 不如說是菜脯椒丁, 菜脯佔最多, 其次是椒丁腰果, 雞丁吃到幾粒而已, 相信有些人等會十分喜歡菜脯, 我本人就最討厭......., 我從沒有吃過宮保雞丁會加菜脯的這種創新食法, 希望各位喜歡吧~3. 鱔糊 印象中的鱔糊是非常惹味可口的, 但這間菜舘創新的煮法實在太新奇了, 該加的不加, 不該加的加大量, 韮黃老, 不要緊, 為什麼還要把成熟的韮菜加入?? 銀芽不見了, 上海菜的濃醬重油依舊但味道完全是另一回事, 是廚子不懂外省菜? 還是外省菜的最新煮法呢? 連最喜歡吃鱔糊的老饕們都吃一著後放下筷子去......., 至於鱔肉, 不是爽, 而是硬... 完全不合格, 唉~4. 賽螃蟹 這個菜式一向受歡迎, 味道尚可, 蛋白不算太老, 只是吃不慣蛋白下有淋淋的麵條這種煮法, 其他菜館有沒有呢? 不知道, 我吃過的沒有~5. 黑醋鮮肉骨 用豬扒做肉骨, 絕! 黑醋味不出色, 只吃到酸, 醬掛到肉排上, 肉很厚也很硬, 還好老人家還有牙力跟肉排拼, 感恩~ 6. 生煎包 菜單寫的是鍋貼, 卻來了生煎包, 味道還可以~另加的菜是濃湯浸魚腐勝瓜 , 反而這味菜成了最好吃的菜式, 因為簡單嘛~! 要煮得難吃是高難度動作呢~陽春麵 不能接受的麵質, 謝謝~!埋單, $7xx, 我不敢講貴, 但不能說便宜, 更不可說物有所值, 由不懂煮外省菜的人去碰外省菜, 悅來酒店有的是自由行及國內團, 由他們去吃好了, 能付這價錢, 絕對可以吃得更好更飽更正宗!謝謝收看!
繼續閱讀