影片
以上資料只供參考, 請與餐廳確認詳情
招牌菜
食評 (12)
不知為何，荃灣同葵青一帶，對我來說不算是什麼吸引的地方，所以我們一家人，很少會來這一帶活動。而前陣子，因為某著名的日式商店在荃灣開了分店，所以令我們連續幾個星期都專程過來荃灣，逛逛新的打卡點。這一次，我們先在市中心一帶來個午餐，目標就是選擇非常多的路德圍一帶。行了一個圈，因為不想排隊而決定來《趣苑茶餐廳》的門前。感覺上食物出品算是好啊，而且又似乎是一間老牌茶餐廳，那我們就入一入來，試下有幾 "趣"。標題說有趣，並不是因為此茶餐廳很有趣，而是茶餐廳的名稱上有一個 "趣" 字。為什麼會叫做《趣苑》，不多考究了，入到來，只是求一個簡單午餐，當然，也要是一個好味道的午餐啦。午餐，有跟例湯一碗的，當日的是一碗蓮藕湯。雖然不是太濃，但喝得出是一碗火喉十足的中式湯。蘑菇奄列，配腸仔牛角包。腸仔不多評了，因為兩條腸仔的味道都是很普通。蘑菇奄列的蛋皮煎得薄薄的，入口亦好有蛋香，而奄列的內心是會流出蛋汁的，是一個功力深厚之作。而牛角包焗得香脆，自然的香口麵包味道，就是好好食。我點了一個鮮茄焗雞扒飯。焗飯的飯底是帶有豉油香的炒飯，再加上焗到香的芝士同一片厚身的香煎雞扒。整份雞扒都做到皮香脆而肉滑。雖然雞味就冇乜，但整個焗飯的飯香同芝士香完美地補回不足。奶茶，是一杯夠濃的奶茶。香滑度同奶味就一般了。這茶餐廳，有不錯的食物水準，但環境就一般了。不過我說的並不是衛生問題，而是座位，很窄。如果要以 "趣" 為一個好不好食的指數，以五個為滿分的話，我俾三個趣啦。
繼續閱讀
早上到荃灣潮州公學工作，在路德圍找吃的。在學校對面看到趣苑，晚上是糖水舖呢。人也不多，早餐選擇挺多，都是30至40元左右。我點了餐肉通粉，餐肉應該煎過，香香的。雙蛋牛油厚多，多士微溫，只有半件。熱奶茶稍澀。以30元來說，掋食啊。
繼續閱讀
依間向來係炒嘢同焗嘢得，其他都唔掂，做早、午，下午茶，夜晚主力做甜品，同隔離同一個老細，所以嘢食可以兩邊叫，下午茶由八點半加到十點半，再減到六點，可以話過山車之年。改早之後就無食過，原來餐牌都有調整，首先全部加哂價，仲係幾蚊，一般下午茶係抵啲，但之前試過午餐差幾蚊多碟油菜，宜家無咗反而合理。未夠六點，佢都只做外賣，以前明明睇時間落單，慢慢食坐到幾點都得，佢又唔關門。午餐芝士焗雞扒飯，照樣即焗，睇落靚仔，比以前下午茶多，芝士無寫我以為會配白汁，原來唔係，兩舊蕃茄，大量雜粒，一般芝士量，雞扒煎香，較大塊，炒飯底，但汁只有雞扒間過少少，成兜飯基本係無汁！依間之所以得炒嘢同焗嘢得，就係因為佢啲飯長期煮到好似隔夜飯梗，所以炒完剛剛好，但今次個飯乾焗完就好似放多晚加熱，又硬又乾，炒飯底得少量蛋無調味，係雜粒有啲濕度，每囗都係雜粒味加乾乾的硬飯，食完胃都痛！焗飯最緊要個汁，你夠汁我唔理你個飯炒咗幾耐，唔理你塊扒有雪藏味，只要個汁掂全部都覆蓋到！你無汁就算個量幾多，塊扒煎得幾好都無用！邊個仲同我講過幾間快餐店嘅焗飯難食？你同我食過依間先講！
繼續閱讀
返完通宵，同同事食早餐，講緊凌晨5點幾入到去唔係好光鮮既裝修，不過好多配搭可以慢慢選擇，係同區早餐收$40既情況下，佢收$30幾令呢度早餐既性價比好高BtW,小小既餐廳好多電視，新聞台，翡翠台，甚至球賽都有LOL
繼續閱讀
黑椒豬扒飯 就變咗燒汁豬扒飯 咖哩牛腩飯 就變咗水汪汪嘅咖哩牛腩飯都唔知啲人點樣可以幫襯佢 凍華田 變咗杯白開水華田真心覺得同垃圾冇乜分別 冇下次 永久黑名單呢啲餐廳都唔知點解可以開得成
繼續閱讀