7
10
17
以上資料只供參考, 請與餐廳確認詳情
招牌菜
食評 (37)
25/7/2009 (星期六)睇完展覽後,有朋友話出旺角一齊Tea,星期六下午要係旺角揾個地方可以靜靜地傾下計,真係唔容易,最後揀了這間餐廳。我食咗個武大郎燒餅仲好飽,所以叫咗一份香蕉船 Tea Set兩個人share,再加一杯特飲夏日天堂。 香蕉船: 有三色雪糕球,不過味道一般啦。夏日天堂: 橙汁加七喜,甜甜地,幾好飲。食物質素一般啦,不過勝在人唔多,可以靜靜地傾下計。
繼續閱讀
今日同媽咪去食野,行過delifrance問佢不如食呢間好唔好,其實我只係講笑問下,因為佢一向都唔太鍾意西式既野食,點知佢話好喎,真係估都估唔到,咁我地就入左去啦。坐低見佢有個中銀半價優惠既二人餐,都好似ok咁,就叫左啦。但食完覺得咁既食物用咁既價錢好似唔太抵食喎。首先我地加 $ 5 每人換左個酥皮湯,個湯都ok既,不過個什菜湯好似甜左少少,個酥皮好香而且唔會覺得好油,都ok呀。之後就有個龍蝦汁煙三文魚煙斗粉,我覺得淡左少少,加少少黑椒就好好多,但係個三文魚超薄,而且都係偏淡無咩味,所以都係麻麻地啦。最難食就係個pizza啦,基本上係無咩料,而且d料好奇怪,我都未試過有人用薯仔做pizza既,搞到好鬼滯呀。而且太少茄汁,太多沙律醬,個沙律醬係鹹鹹地架,我唔太鍾意呢種味道。餅底幾脆,唔算太熱氣,但都係唔係太好食。食完都飽哂。佢呢個pizza仲要係漏左單架,我地等左好耐跟住問佢,佢話個廚師miss左喎,咁都得?埋單都唔平架,覺得呢個似係原價多過半價左喎,我真係唔覺得原價會有人食囉。
繼續閱讀
工友食評這一天落場時間成4個鐘,係要去delifrance先搞得掂!點解我咁講,當然有佢既原因啦﹗第一,呢度真係好少人去﹔你鍾意坐幾耐都無人理你﹔第二,呢度地方夠大座位又舒服,相當好坐。今日來到,叫左個烤雞沙律$45,我當然不會天真到覺得件雞真是烤出來的,雞肉o鞋身一吃便知是雪藏貨,最慘係連0的菜都似係唔新鮮,又細又縮水,0的食物搞到咁搵鬼來咩?大家我有相為證,你地睇下0的杯杯碟碟,又dirty又舊,有冇搞錯,delifrance仲要係bistro的都搞到咁,我去番就咁一間普通delifrance可能更好呢﹗Delifrance搞bistro都係信唔過,係就勝在環境闊落,侍應又好禮貌 所以我不會俾喊面! 仲希望佢千奇不要執添!
繼續閱讀
個朋友話有Délifrance memeber card 咁就去咗Bistro Délifrance食tea 餐牌都有好多tea set選擇但係我冇食lunch,好似唔夠飽喎,原來仲有lunch set 可以叫,咁就唔客氣la叫咗個肉丸意粉,肉丸就好食,意粉就冇味!!!!!!餐後叫咗個餐飲就好好飲,就是芒果梳打呢個芒果梳打睇下去好似好稀身但有芒果味次之餘一都唔假梳打味十足,飲時記得攪底我成杯飲晒呀!!!!!好味
繼續閱讀
11點前出到旺角~仲趕得切我既late breakfast~外賣迷你碎蛋三文治+熱飲.呢間分店裝潢幾舒服, 但幫襯既人唔算多~迷你碎蛋三文治: 用左芝麻漢堡包夾生菜同蕃茄,碎蛋沙律.漢堡包size約有手掌心咁大. 碎蛋夾得唔算多~但最驚喜係竟然有烘過個包先夾~拎上手係暖既~咬落去係脆..而且個外賣盒岩岩好放得到呢個包~唔怕o係街已經撞散晒..今日既早餐又健康, 又好味~好滿足呢….
繼續閱讀