影片
以上資料只供參考, 請與餐廳確認詳情
食評 (43)
尖沙咀厚福街的餐廳各式其色，選擇不少，週末晚上竟然不用等多久便有位，餐廳環境燈光昏暗，應該可以供情侶浪漫地進餐，可是較嘈吵，還是大伙伴來吃較開心炸 “讓”雞翼味道與其他泰式餐廳差不多，糯米與雞肉混合後味道相配，味道雖不特出但也算好味之選馬拉盞炒粉絲有蝦仁，又有迷你蕃茄，蝦仁大大件，可是吃到有件很“霉”的，粉絲炒得味香也乾身青咖哩魚柳汁多又稀，魚柳一切成一小塊炸成，可是炸粉太多，基乎跟魚塊的比例是1比1，而且魚未能汲取咖哩汁味，這道菜雖不算最差，但一定不是好介紹配白飯最恰當本來用手機影相就不夠好再加上燈光昏暗相片效果真差
繼續閱讀
今日約了朋友吃午飯,朋友比較偏吃,想了很久最後決定吃泰國野.我來過幾次,起正放飯時候餐廳都塞爆人,叫完野食都要等好耐,攪到次次遲到~所以我今日好醒目,12點11個字就落去,點知...冇人!唔通最近厚福街多左好多選擇??是日午餐:- 冬陰公湯河粉>> 原先我係叫粉絲既,可能冇乜人會叫粉絲,d侍應冇上心,整左碗河粉.我叫佢少辣,點知變左唔辣!個味都ok既,不過食得出d蝦好冰鮮..仲有雪味. 泰式海南雞飯>> 朋友揀左好耐最後都決定一試海南雞.我冇食到,不過我見朋友就食晒d雞囉~同埋點果個汁好鬼辣,放棄了.我地一食完,侍應就即刻黎收野,洗唔洗咁快呀??又冇人等...今次太肚餓唔記得映相,下次映番!
繼續閱讀
夜晚收工一心想食泰國菜....就去左尖沙咀呢間泰式廚房度同朋友食飯....我地嗌左一個前菜, 兩個熱炒加兩杯野飲泰式炸春卷-保持到我地之前食既水準....可惜我個fd淨係鍾詫食佢地d泰式辣醬而叫呢個菜(無奈)馬拉盞炒通菜--好多油....我地要用另一隻碟夾起佢先至食得落口我地嗌咖哩魚柳--點知黎左咖喱雞...算數...冇叫佢換.....都ok...好多雞嗌左個薄餅同蒜蓉包...等左勁耐..d咖哩都凍哂咁滯....唯有叫佢幫我地拎入去丁番熱d薄餅黎到縮左水...得番兩件....平時食開都係3件......$25..好唔抵最後點左一杯青檸梳打同柑桔蜜飲.....兩杯都甜到死.....不過d service都幾好....不停有人幫我地加水利會埋單兩個人$200
繼續閱讀
去開尖沙咀行街，o係諗唔到食咩既情況下，見呢間野門面唔錯咪諗住入去試下囉，都等左成半個鐘先有位，仲以為靠得住，點知錯晒！我地兩個人，叫左個椰青海鮮飯同拼盤。先講個椰青海鮮飯，好古怪地佢地除左上左個有椰青載住既之外，仲另外有埋個用膠碗裝既，齋睇賣相已經好大折扣，食完更覺出事，個飯完全無味既！！！兩兜飯就只係得椰青肉肉鬆有少少味道，超齋。再講個拼盤，有蝦餅春捲雞翼諸如此類，都係大路香口款色，不過就連我呢個鍾意食香口野既人都只能夠啃一兩件，同平時食開既泰國野味道一天一地。服務呢？我地已經坐o係出菜位隔離，長期有人standby，但係竟然無人加水！！次次都要主動開口先有水飲。價錢呢，我地淨係叫左兩樣野，埋單都成兩舊水，又貴又唔好食服務麻麻，不過如果係想食清清淡淡既泰國野又有多餘錢同好多時間，都或者可以考慮下既。
繼續閱讀
天天都在沙田食飯，真係悶到人都癲，所以今日特登出出尖咀逛逛﹗來到厚福街，咁多食店是旦揀一間，突然想吃生蝦所以入左來食泰國野﹗環境裝修以木為主題，牆壁枱凳都係木製，望落感覺橫一簡潔舒服，7:00來到仲有卡位，當然不迫狹﹗先來一個沙律，未試過青芒果沙律就點來試試，其實店員已經同我地講左會酸辣，我地以為無咩事就食啦﹗點知原來青芒果是超酸的一種生果，入口味道有如檸檬，真係每食一啖個口就痺一痺，吃不到或以為自己吃得到酸的朋友都千其不要叫，青芒果真係好難頂﹗要了生蝦刺身$80碟，大約有十隻左右，蝦肉不大隻，細細的卻鮮甜，蝦身乾爽富彈性，蘸少少佢個辣汁，相當刺激又夠口感，好吃﹗蝦頭炸了作香口小吃，吃落都幾香口不過要小心蝦頭的閃電位，因無剪如不小心好易拮親咀﹗炭烤豬頸肉$55左右，份量不少，豬頸肉燒得不會太乾身，油脂味濃郁豐腴，惹味非常，我最欣賞佢個醬汁，有甜甜的青檸清香，感覺清新去油膩感，值得推介﹗最後要多個泰式炒金邊粉作結，金邊粉炒得未算乾身偏油，材料有蝦、花生碎、蛋絲等，食落很重身油膩，合格以下﹗埋單兩個人無叫野飲$280，未算抵食不過坐得舒服，食物質素有進步空間。
繼續閱讀