影片
港鐵屯門站 B 出口
繼續閱讀
附加資料
*二零零七年十二開業
以上資料只供參考, 請與餐廳確認詳情
食評 (128)
蕃茄烏冬好夠味，照燒雞排都唔錯，叫左黑椒雞軟骨，最好味都係個牛肋骨蘋果椰果就唔係好味相反荔枝椰果就好好飲不過鹽燒雞翼超咸……落多左好多鹽，要浸下湯先好啲整體都算ok
繼續閱讀
今日朋友生日吃晚飯，我們見星期六又係紅日，所以約好早就出去搵位。基於大部分朋友都是屯門人，所以係市中心食飯，大家都想吃烏冬，就去左甘味。我們三個先到就去左電腦禁飛仔，等左5分鐘左右就有位入去，都好快。點餐諗左一陣，要用紙仔寫低，原來現在加15蚊就有杯野飲，開頭真係睇吾到，睇真d先知貼左係枱面。我同朋友都點左$68的刺身飯，內有三文魚、吞拿、玻璃蝦、蟹籽、北寄貝丶蟹柳和甜蛋等等。三文魚算肥美，玻璃蝦得一隻但都ok的，算是鮮甜，但是蟹柳味怪怪。八爪魚餅，煙un，好吃又有八爪魚味，汁味道濃又配個料。需讚的是服務！因為點左菜先發現指定飲品可以15蚊，突然轉個侍應都好幫得手，落左單都幫我轉到。
繼續閱讀
今年羊年年初三為赤口，我們不會拜年！媽咪提議睇戲，真是好主意！ 於是，大年初一團拜後，便走入屯門市廣場 UA 買預售戲票！新年期間，多套電影大受歡迎！更有些是全院滿座！ 而媽咪的心水選擇是「荒失失企鵝」！ 我們看早上 11:30 場，片長 92 分鐘；睇完去食午餐剛剛好！ 最近 UA 戲院的餐廳是 <甘味讚岐手打烏冬>，加上年初三有開！ 當我在門口看看供應什麼美食之際，媽咪二話不說就衝入店子，她真是好心急！ 店員安排一張二人桌子給我們兩母女。 坐下來，店員先送上綠茶，還要不時添茶！服務殷勤！ 見到眼前多個餐牌，真令人花多眼亂！ 最近，既然新年期間，食了不少糕點，我還是食清一點吧！ 如果，食飯又恐怕會太飽！所以，我點了 豆漿烏冬，而媽咪則選擇 鰻魚烏冬！即叫即煮熱辣辣，媽咪不知幾喜歡！素菜豆漿湯讚岐手打烏冬 $46以豆漿作為湯底，清新健康！ 素菜包括：南瓜、荷蘭豆、甘筍、腐皮等，選用讚岐烏冬，晶瑩剔透而軟硬適中！口感滑溜！ 鰻魚柳川讚岐手打烏冬 $60湯底帶甜，鰻魚算是大塊，配料特別加上牛蒡，入口味甘！ 還有滑蛋，相對我那碗，媽咪這碗配料較為豐富及惹味！ 飲品選擇不算很多，而當中最特別又吸引媽咪垂青的竟然是薑茶芝麻湯丸！薑茶芝麻湯丸 $24等上大約 10 分鐘，一客 6 小粒，很的骰！ 比波子大一點而已！ 薑湯即叫即煮，熱辣辣！絕對討媽咪歡喜！我也嚐一點試試，清甜帶辛辣，甜度比抹茶奶凍高！湯丸即煮，外皮煙韌，芝麻餡甜美軟滑，總算不錯！價錢合理！北海道3.6牛乳抹茶奶凍 $18我覺得好抵，一試無妨！以迷你牛奶瓶盛載，色澤呈奶白色，嚐起來完全無抹茶味，完全是沒茶味！ 質感滑溜而挺身！剛剛夠甜！ 另設加一服務費！
繼續閱讀
每次黎到甘味，一定要order佢既鐵板牛柳粒蕃茄烏冬！自從試過佢之後，其他烏冬都要行埋一面皆因佢茄味濃郁，每啖烏冬都散發住蕃茄既香味，簡直冇得輸！加上牛柳粒非常惹味，由於已切粒粒既關係，所以食落唔會漏，而且牛肉既鮮味仲可以中和湯底既酸甜味，兩者非常夾所以黎甘味點鐵板牛柳粒蕃茄烏冬是常識吧
繼續閱讀
年尾清大假的日子有幸可以跟家人落街食午餐，平日中午的商場好行得多，要遷就小朋友的關係，經常會到商場另一邊的自助烏冬店，但配料就清一色是炸物，這次來戲院對面的甘味，set lunch也不便宜，大約是$50-80，但至少選擇多，這裡的出品也中規中矩，而且地方大，人不多，服務就..不能期望太多要了A餐的雞扒番茄湯烏冬，雞扒煎得金黃脆皮，已切件也方便進食，而這裡的招牌番茄湯濃得容易覺得造假，其實配合烏冬卻很滋味，手打烏冬有彈性也有咬口，配料也有鮮番茄件和甜豆等等，連柚子蜜 $54，區內少貴的午餐選擇另外再加十數元要的枝豆份量不少，在小朋友的角度有得玩有得食，也健康飽肚，現在每次吃日本餐見有枝豆都會點來吃
繼續閱讀