影片
營業時間
今日營業
07:00 - 00:30
星期一至日
07:00 - 00:30
以上資料只供參考, 請與餐廳確認詳情
食評 (477)
《不負責任食評 — 金坊泰國美食》評分：🌕🌕🌕🌕🌗總評：雖然餐廳全部都係卡位，但環境比較逼狹，張枱都幾細，我地3個人叫左6-7樣野都擺唔落，要東拼西湊先迫到啲位，呢方面有少少扣分😣但上菜速度快、價錢相宜、味道唔錯（偏重口味，清淡人士未必適合），最後職員仲送左幾件芒果椰汁糕比我地，仲要無加一（變左每位$3茶水）埋單人均$250左右，整個消費體驗好唔錯～可以翻兜👍當中咖哩軟殼蟹配蒜蓉包、燒蟶子、燒蠔呢幾樣都係星期一至日都有既特價商品咖哩軟殼蟹：醬汁好濃厚，基本上唔會辣，食落甜甜地帶椰香，食唔到辣既人都岩食，軟殼蟹都唔會炸得好乾好老，一齊食好惹味😋蒜蓉包味道都ok但我覺得可以再烤得脆身啲～燒蠔、燒蟶子：唔會好細隻，$18黎講真係抵到爛，蟶子食落爽口清甜，搭配帶金不換既蒜蓉醬幾驚喜喎🤭燒蠔都算幾飽滿，本身隻蠔唔會好重海水味，可以點啲泰式醬汁一齊食就更香口啦～生菜肉碎包：唔好比佢外表咁清淡就呃左，佢其實好酸好辣，份量好足，可以包到大大舊咁食，好滿足！！冬蔭功海鮮湯（大）：配料都幾足，湯頭係比較多椰汁、濃厚啲既口味，食落唔算好酸好辣，都幾岩香港人口味，但個人唔算好中意食魚，可能叫番大蝦冬蔭功會岩我食啲🤔馬拉盞海鮮炒粉絲：一上碟我地都話望落頹頹地，點知食落又有驚喜喎🤣粉絲炒到比較乾身，香香辣辣惹味又香口！可能因為粉絲好吸味，食食下直頭濃味得滯，輕手少少都夠做🤭釀魷魚：呢個係我地一致認為有少少畫蛇添足既菜式，本身魷魚燒既時間岩岩好，完全唔會變橡根，非常好食，可惜我地都唔太中意裡面既餡料（似糯米+豬肉？）🥹飲品：牛油果同椰汁沙冰都無得輸，飲得出用料好足，椰汁沙冰仲有椰肉粒，口感好豐富；龍眼冰就真係幾甜，下次可以叫佢少甜🤣芒果椰汁糕：係職員臨尾送既，質地比較軟淋，椰汁味濃郁，芒果香甜可口，自己叫一份都抵食😋
繼續閱讀
今晚同朋友去食飯，食物叫左2樣，味道方面就正正常常。起初入去，招呼個阿姐都有D笑容，點知埋單那下黑口黑面。埋單計數那陣，望一望張單，多左項：水（免加一）$6 。成件事太冬陰公，太地獄。真係唔會再幫襯呀！坐底那下完全唔知唔清楚飲水都要俾錢，真係好透明呀！點解唔可以大字寫出嚟，要偷偷地喺張單到收？係唔敢，定係有心？夜麻麻，我都廢事去同佢吵。但係幫襯呢家野，真係唔使指意有下次。那$6我捐贈給助山區小孩子，積下。陰、得
繼續閱讀
🥘金坊泰囯美食📌荃灣荃興徑13號朋友帶我去吃泰菜，我問有什麼推介，佢話甜品啦，未吃菜先吃甜點？他說稍後啦。🥘海南雞飯（$68）雞比較大隻，黃油雞皮比較厚身，冇骨的雞肉都算滑和爽口，加上他們的秘製醬汁伴以青瓜片及黃飯，抵食。還送上一碗美味雞湯。🥬馬拉盞炒椰菜苗（$88）這個菜有點貴，但係椰菜苗真的好好吃，開邊的椰菜苗吸收馬拉盞和辣椒的香味，好夠鑊氣。🥘咖喱炒大蜆（$98)咖喱汁裏充滿洋蔥、芹菜、咖喱醬、紅黃椒、加上蜆肉的鮮甜，好惹味。叫了一客蒜蓉包條（$38）伴吃，最佳搭檔。最後是甜品環節，原來晚市會送甜品，朋友就是喜歡和期待送上什麼甜品，今日是椰汁糕，味道不錯。
繼續閱讀
去荃灣路德圍覓食，豆腐花店仍有好多人排隊，先找吃正餐的，見到金坊泰國美食的Menu都幾吸引，種類多而且價錢合理便試一下。菠蘿海鮮炒飯係我食泰菜時必點，因為好惹味，金坊的也不錯，海鮮有鮮魷、大蝦等， 飯粒好爽加埋腰果同肉鬆非常惹味。咖喱炒軟殼蟹+蒜蓉包條包條整條脆脆的，立體長方形四面都香脆，配上咖喱汁一齊吃，咖喱汁中的洋蔥和中國芹菜添香味，軟殼蟹都好大隻，炸得好酥脆。還有免費甜品供應，今日係椰汁紅豆糕共有四件，好香椰汁味。
繼續閱讀
🐻荃灣糧食🐻菠蘿海鮮炒飯🍍炒飯一上枱，一啲都唔熱🥲暖（？）都唔知有冇，平時都會有半個菠蘿裝住，至少都有個樣望下。冇菠蘿睇都算，仲要係一碟唔熱既炒飯，好明顯就係炒定左一堆，都放到凍曬嚕😮💨😮💨有啲失望添，話晒都係荃灣比較出名嘅泰國菜。蒜蓉炒通菜🥬今次就好啲，起碼上枱嘅時候碟菜都係熱！蒜蓉味好香，真係會想食完再食！果然喺餐廳食炒菜都係夠鑊氣過屋企炒，加返啲分俾你啦！希望佢每一個小炒都會新鮮即煮啦。📍 金坊泰國美食 (荃灣)荃灣荃興徑13號地舖味道😋:🌕🌕🌕🌑🌑性價比💰:💵💵回訪度🤤:🥴🥴
繼續閱讀