影片
例水係合掌瓜蘿蔔湯, 不會太鹽,太淡, 算OK青瓜炒牛柳絲飯, 青瓜口感夠爽, 牛柳絲夠鬆軟, 加上熱檸蜜, 一絕.如果你想暖肚, 可以吃只要付$58元的羊腩煲. 好滋味.
繼續閱讀
再一之取道東九龍過海，因為我看中了牛頭角的一家老牌茶餐廳。上一次，在觀嗇道邊尋訪了一家感覺很老的，可是當我行去牛頭角地鐵站時，在內街的路邊，給我發現了一家更老的食店，是在定富街路邊的《康祥茶餐廳》。附設麵包部的茶餐廳，已經是買少見少，如果大家見到這一類型的茶餐廳，無論他們好食與否，都要珍惜他們，因為，這就是香港茶餐廳/冰室文化的初形。早上的套餐，我可以說是十分豐富，麵未來，包先行，這兒有自家製的大大豬仔包，質感腍，味道帶甜，點點的牛油再把麵包的香味帶出來，雞蛋煎得靚，餐肉好味。在傳統的茶餐廳，沒有扒麵是很正常的，所以我返璞歸真，來一個五香肉丁麵。更幸運的，這兒落本用上了出前一丁麵，雖是味精粉，但吃公仔麵，追求的，就是這一個味道。再者，肉丁粒粒方正，既香又帶點辣，非常美味。其實個麵湯底已經夠濃味，但在檯上有一杯出前一丁味粉....是否意味著，這兒總有一些口味更重的人士。重要的奶茶來了，感覺夠滑，奶味香，而濃就一般，不過，如水的絲滑奶茶，不得不說一聲好。這一餐，雖然是簡簡單單，但在充滿了古氣的茶餐廳品味到美妙早餐，而且帶點點的古味道，的確是一件的人精神爽利的一件事。
繼續閱讀
連鎖店而家開到成行成市，想食咩？總有間喺你左右，可能其他地區仲有，但在下家住既那一區已經少之又少……被舊式門口所吸引，於是來一客早餐先……點個五香肉丁麵配雙蛋餐包，唔駛加錢就食到出前一丁喎，價錢唔算貴吧!在下食肉丁只在於其醬味道香濃帶微辣，份量足，讚，而麻油及味粉可以任你落，唔怕佢落得太多水而變淡，餐包牛油亦夠多，非常滿足……熱鴛鴦，基本上係在下例牌，唔係因為好飲而係怕單點咖啡會酸，唔止茶記，好多地方都有里個問題。鴛鴦唔係難飲，不過奶茶多過啡，失左平衡，失色左啲啦
繼續閱讀
坐巴士總會經過呢間茶餐廳，因為地點唔算就腳未有機會幫襯。今日突登係九龍灣行過去，經過一堆車行終於到啦。店鋪係舊式o既茶餐，宜家舊式茶餐廳真係越黎越小，重要係有麵包櫃o既。麵包櫃堆滿各式各樣西餅，卷蛋，合桃酥，椰撻，蛋撻，牛油蛋糕等等。遲左一步已經無早餐，叫左牛奶餐同特餐，其實同早餐都差唔多。其實我去得茶餐廳10次9次都係食通粉，今次係雙腸通（紅腸香腸）配奶茶。朋友依然係沙嗲牛肉米，牛油多士加火腸奄烈配牛奶。通粉煮得有小小太淋，配料方面都幾多下，至少唔係腸仔切半扮多， 仲有2條菜添。奶茶都好有水准。食左啖朋友沙嗲牛米，個湯好夠濃，好好味。牛油多士雖然得半塊，但係係有厚度o既。發現一個好得意o既野，就係枱枱都有一個杯放住d出出前一丁o既味粉，點解呢?
繼續閱讀
星期日下午此餐廳比較休閒，進去第一感覺是懷舊的餐廳可以保持如此整潔，沒有一般茶餐廳的成地垃圾，非常讚。來這餐廳主要是食鮮奶餐，因為以$30的價格可以包含這麽多東西，實在非常抵食。套餐包括: 火腿奄列或火腿炒蛋，牛油餐包或多士，自選配料出前一丁，鮮奶或其他熱飲。套餐這麽抵吃，當然質素未能完美，麵是煮過稔，多士太硬，但還是覺得可以接受。當中最特別是餐廳會提供出前一丁味粉和麻油供自己添加，我認為湯本身已夠味，所以只落麻油。
繼續閱讀