影片
以上資料只供參考, 請與餐廳確認詳情
行完香港仔水塘，見肚餓餓哋，就去搵嘢食先，咁就行番落山，就見到有間粥舖，都幾多人喎咁，就入去試下啦粥店環境都幾大，坐得幾舒服，又有電視睇，不錯食品價錢都好平，生滾粥都係三十蚊，而唔係生滾粥，有味粥呢，就係20蚊咋叫左個艇仔粥，再加個炸襾，大約1分鐘都唔洗就送到嚟啦，真係快靚正艇仔粥，材料好足，有魷魚啦尤魚喇，再加魚肚，牛肉，花生同蔥花個粥好綿呀，滲透曬材料嘅香味有，真係冇得頂另外個炸襾真係值得一讚，腸粉好滑，油炸鬼堅係脆，配埋甜甜豉油，食得好滋味
繼續閱讀
在這一區住了那麼多年，其實食粥的次數少之有少。但每次想食粥，都必定會想起「合利」。合利是間年紀很大的粥店了，內裡的裝潢看得出佢的年齡了。縱使是這樣，仍然食客不絕，這可能就是老店的吸引力吧。當天平日，約了A小姐，因天氣實在有點太熱了，所以決定食輕食。剛好又想食粥清一清腸胃，合利是最好不過的選擇了。艇仔粥 一直很喜歡合利的艇仔粥，一來我喜歡很水很綿的粥底，另外，我喜歡食魷魚絲。合利的粥底不是潮洲粥而是廣東粥，很綿，好似飲緊濃湯的口感。最愛的是魷魚條，好爽口。另外，再點了一碟炒米粉，保持一慣的水準。雖然知道是用了不油去炒，但食落尚算清爽不油膩。最後因為貪得意點了一個羅白糕，真係不予置評。
繼續閱讀
我住喺九龍，一般都好少去香港島，今日落樓見到有班去中環嘅巴士，一時興起咪上車囉，之後喺中環食午飯，西環食甜品，覺得嗰邊都唔會有咩好搞架喇，就坐電車過銅鑼灣了，已經5點幾，又冇野搞，經過Sogo後面駱克道，見到有去香港仔嘅小巴。。。。。。當年我就係住喺香港仔的，好耐冇返過去，理智話俾我知時間已經唔早了，唔好搞啲咁嘅野，但我望下個天，仲好光啵，一下唔覺意就上咗車，然後。。。。“Do”嘅一聲。。。後悔了，算，反正已經成為現實，就去啦~~~ 入到香港仔我就周圍行下，懷舊一下，天黑了，不如食返餐先返屋企啦，去邊間呢。。。早就已經決定咗，記得好多年前我仲細嗰陣間鋪已經喺度，咁多年喇，唔知間鋪仲喺唔喺度呢。。。。。。去到門口，放心了，仲喺度一間好嘅粥鋪，粥底好重要，粥底煲得靚，煮咩粥都好食，咁當然。。。。。。【白粥】，就可以試清楚間鋪嘅功架了。。。唔該，白粥一碗~加樣咸架啦，就黎一隻【咸肉粽】啦~話咁快就到，試啖白粥先~ 棉棉的，又有米香，唔錯，淡咗少少，加少少鹽先~ 再食，好味道 就從表面慢慢食到碗底，一碗粥煮到哩個程度，唔一定係最好，但已經冇咩好投訴了為咗加啲咸味而叫嘅咸肉粽反而好普通，糯米口感ok，隻粽應該包得唔錯，令啲煮粽水冇入到隻粽入面，所以冇水汪汪嘅感覺，但好似冇乜餡咁，冇蛋黃，又冇乜肉，唯有靠啲醬油調味囉，但整體感覺其實可以接受的。。。早知食炒麵 一定冇失望~老牌店鋪總會有脾氣，唔似啲新鋪咁想盡辦法令大部分嘅顧客滿意，習慣咗就繼續做落去，唔會想去改變，可以話佢地一成不變，但嗰種傳統亦係我地應該去珍惜的，我中意~~~
繼續閱讀
話說自己唔小心整親腳，要睇跌打某日覆診好想食粥，於是就入咗合利雖然餐牌上嘅食物種類都係果幾樣，不過響門口見到佢嘅牛脷酥就俾佢吸引住當我企響門口發呆嘅時侯，店員係咁叫我入去坐、慢慢睇（好好態度）心諗：既然都要等男友收工，食住等咪得囉？反正我又唔行得～叫咗碗下火皮蛋瘦（例牌走青）同一條牛脷酥（由於太吸引嘅關係，我未影就已經食咗啖～ XD）果然！好耐無食過咁好食嘅牛脷酥了！佢除咗唔會太甜、炸得香酥之外，食落亦唔係好似炸麵團咁，而係會食到一絲絲咁嘅感覺，外脆內軟，簡直一流！至於碗粥亦唔差，甚至覺得好好！尤其係食完亦唔會有食完味精嘢果種口渴感！比起我平時響尖沙咀厚福街（近公司，無辦法先選擇）食嘅真係好好多倍！另外，佢嘅皮蛋唔會有怪味，真係值得試試！雖然我個人對皮蛋瘦肉粥嘅喜愛程度唔高，只要瘦肉唔ＵＮ、粥綿、食唔出味精就好不過食完呢碗粥同牛脷酥之後，真係已經無辦法再食尖沙咀果幾間嘅粥…
繼續閱讀
要找三十蚊樓下又飽又唔難食的午餐, 真係好難, 尤其係香港仔呢個點差都有人食的地區.經過合利, 聞到油器與豆漿的香味酒行了入來. 點了皮蛋瘦肉粥, 炸兩, 豆漿三樣野, 三十有找.皮蛋瘦肉粥, 清而無味精味, 附近那間同和就相反超級多味精, 呢間沒有而且粥香, 不過料稍少. 皮蛋瘦肉一般.炸兩, 油炸鬼脆腸粉皮嫩, 必點. 份量也很多. 豆漿, 大杯而且香濃, 抵飲. 服務勤快, 也有禮貌, 有別於西環卓記.
繼續閱讀