影片
港鐵大窩口站 B 出口, 步行約7分鐘
繼續閱讀
電話號碼
26121770
營業時間
星期一至日
07:00 - 23:00
以上資料只供參考, 請與餐廳確認詳情
係大窩口咁耐都未食過佢，食到唔知食咩好，又見到佢都幾多人幫襯喎就入去試試。一人嗌左一樣，我食咸魚蓉雞粒炒飯，愛人吃涼瓜斑腩飯。個炒飯d咸魚夠大粒，之前食過一d咸魚雞粒炒飯係唔見有咸魚且無咸魚味，呢度我就真係食到有咬口的咸魚肉（但唔係咸魚茸咩😂），唔錯唔錯另外涼瓜斑腩個斑腩係出奇好吃，首先係斑腩夠晒熱，食到最後都仲係熱嘅，可能係個皮包得好均勻😂d肉都好滑，正兩個飯，無嗌野飲，埋單$88，可能係悅來酒店附近有都算正常價嘅
繼續閱讀
$40幾蚊午餐，黑椒牛扒飯，可以揀中湯或西湯，落單後幾分鐘即到，趕時間快食就岩晒！熱奶茶出奇地唔錯，唔怪之得次次經過都滿座啦！我鐘意幫襯街坊小店，唔鐘意集團機械式出品。
繼續閱讀
雖然今日我唔在場 但平時一個禮拜都同屋企人幫襯呢間野幾次 算熟客 啲侍應都認得我地但今日知道屋企人被趕走件事就咁既 媽咪同婆婆入去見卡位full晒 咁就是但搵個位坐啦 坐左一陣見到有個卡位 就搬過去坐 點知個侍應走過黎話：「你地得兩個人唔好坐卡位啦！」咁媽咪就望下其他坐卡位既客都係兩個人坐咋喎我婆婆問：「點解我地唔可以坐卡位既？」媽咪答：「唔知啊 人地兩個都可以坐 唯獨係我地兩個唔可以坐 唔知係唔係蝦緊我地兩個女人仔 人善被人欺呢？」個侍應即刻走過黎話：「你地成日都坐兩個幾鐘 我地餐廳只可以比人坐兩粒鐘咋！」媽咪問：「下 你地餐廳有寫明只可以坐兩粒鐘咩？」個侍應話：「你唔滿意你就同老細投訴我囉！」媽咪同婆婆嬲到走左！真係用反華仔嗰句「今時今日咁既服務態度點得嫁？」講真，平時坐得耐都係望到餐廳無咩人先會坐耐啲，反正又唔係有好多客，坐下有咩所謂？我地仲有個80歲老人家，又唔係黃金時間霸住你地啲位，餐廳當敬下老都唔得？呢間餐廳既老細，如果你有睇呢度啲食評，咁唔該你真係貼張橫額係門口，大大隻字寫住「每台只限坐兩小時」，咁咪唔怕再有我地呢啲麻煩友囉而唔係背後細細聲同啲員工講，叫佢地鬧走我地，低端老細先做埋啲低端行為
繼續閱讀
一個人好肚餓，趕時間，過了早餐時間，但好想食類似早餐的東西，揀了附近的茶餐廳，希望快食之後閃。坐下後才醒起以前食過呢間，上餐速度勁慢，今次趕時間食，唔知會幾耐~ 時間已經有午餐供應，常餐得一款，得意在係生滾牛肉面，有包、蛋同飲品，抵食既。今次上餐好快，適合趕時間醫肚既我。豬包好食，蟹柳炒蛋就麻麻，個生滾牛肉面就無沙爹牛肉面咁好味，湯底有啲清啖，但牛肉係OK 既。隔離位姨姨們不斷話杏霜好飲，下次可以試試。
繼續閱讀
前天到了荃灣,剪頭髮後有點肚餓,所以到附近找一些普通餐廳吃飯到了一家叫晨光餐廳的,餐廳不算太多人,所以立刻坐下一般的茶餐廳路線,一樣有午市飯餐我選了一個B餐點了一個扒餐,餐湯是羅宋湯,只能說是夠熱,味道實在普通,湯水比較淡,內裡亦沒有什麼材料典型的普通茶記例湯,有點失望相反鐵扒餐特點比較多,牛扒雖然過熟,但肉味尚算可以,份量亦比較大,吃起來還可以而且熱辣辣,感覺還不錯也不多根位,可以輕鬆切下薯條雖然香脆,但薯味不足,相信是材料的問題普通吃一頓還可以
繼續閱讀