影片
特色
適合大夥人
附加資料
聖誕節期間VIP房最低消費為$2500
營業時間
星期一至日
11:00 - 15:00
17:30 - 23:00
以上資料只供參考, 請與餐廳確認詳情
食評 (57)
九個人，因旁邊的薩莉亞好多人等位，所以黎試下。點知，食物比想像中細碟(e.g. 炒雜菜只有西餐set枱碟的大小)，味道也是普通，但侍應很nice，整體感覺也是舒服的。但壽司等生冷野都不太新鮮....起初是見佢$4碟壽司，好像不錯，咪試下囉。點知！！中伏了，不新鮮之如，玉子有點腥味，而魷魚、帶子、熟蝦、墨魚等類似食物都像橡膠般.....但看到別人的枱上都有壽司，卻是比較新鮮.....可能是我們比較晏去食，佢地就黎收鋪，比D尾貨我地食...而別人是早我一倫叫的，所以比較好...所以真係想試呢間就唔好太晏去....P.S. 請原諒我，沒有食野影相的喜好，是次也沒有相片，但也在培養中，請見諒
繼續閱讀
今日同男友，daddy & mami諗住黎呢度食放題（預祝母親節兼食餐勁嘅，因之前食過呢間放題，荃灣區黎講，都算幾好），點知去到已經冇做放題，只有單點order，本來好失望，但門口個姐姐話，而家雖然轉咗散叫order，但餐牌菜式多咗又抵食，仲話所有壽司一律半價添，分分鐘仲平過去食放題添，（我心諗……唔好呃我喎，我地好大食架）mami話反正都黎咗，壽司半價，望落餐牌都幾抵幾多野食，不如就試吓啦…………入到去見佢有張必食推介餐牌，望落好吸引（可能太肚餓）推介牌果8樣野我地差唔多都叫齊：有燒羊架，肉質鮮嫩又唔太so味，燒大蝦仲叫咗每人1隻添……好鬼大隻……正呀，脆脆薯絲魚卷，薯蓉入邊包住d魚肉黎炸，都幾特特別，北海道燒蠔，即係用芝士焗生蠔，呢個我最鍾意食，海鮮燒餅，有d似食pizza咁，都唔錯，跟住仲叫咗好多壽司添……半價嘛haha，另外仲叫咗泡菜大蜆鍋，辣辣地幾野味，不過d湯咸咗d，海膽刺身$78板見咁平都叫埋，最後仲食埋甜品……朱古力蛋糕雪糕，真係飽到上心口，埋單都唔使6百蚊，真係好過去食放題呀！！
繼續閱讀
一向無寫開食評，但今次實在太難忘，而且唔想有人再步我後塵，所以同大家分享！之前一直都想試，終於有機會，順便上openrice睇評語，最近期都讚好食，講到明魚生麻麻，熟食好正，就打去book 7 點！係食中西日自助餐加火鍋，其實火鍋湯底選擇幾多，揀咗北海道牛乳做湯底，味道幾好，只係好少選擇，想打邊爐當然唔會黎呢度！送咗份和牛粒，比一般牛肉更差！講返自助餐食物，刺身同壽司都無食，只係試三文魚，而熟食全部都係D普通平價野！蟹粥 - 有蟹味，幾好味和牛肉串 - 被鬆肉粉挪到淋晒，無牛味，入口溶到爛開咁，即刻吐咗出黎，勁難食，比最普通牛肉更差燒蝦串 - 無蝦味，但好乾燒賴尿蝦串 - 有賴尿蝦味，但一般金菇肥牛 - 普通煙肉車厘茄串 - 幾好味芝士豆腐 - 其實係玉子豆腐入面有芝士，芝士味濃，幾好味豬柳 - 又硬又乾炸芋頭波 - 一般燒蝦餅串 - 一般餃子 - 好乾，無乜餡西米露 - 無味三文魚刺身 - 還可以，唔會太薄成晚食到成肚氣，早知食麥當勞仲好！平日$148加一，星期六、日$158加一，任食２個鐘，２個人食咗$350,呢個價錢食埋呢D咁嘅嘢，一D都唔值，總之無下次，門口仲寫住4月8號會有全新西日美食，但都唔會再試，因為D野根本就唔新鮮
繼續閱讀
早幾日,,同屋企人好肚餓周圍覓食,,行過中染新城...見到間中西日刀有得食既自助餐,,望下個價錢刀系百幾蚊有交易喇..試得過丫,,有魚生,,壽司,,又有D中西式既野食,,((芝士焗帆立貝,,香蒜牛油焗青口,,周不時又有D炸蝦又婦羅,,蒸蓉粉絲蒸蝦呀,,))仲有埋火鍋添,,其實我屋企人最中意就系打邊爐...有2款湯底俾你揀,,,豬骨同泡菜,,我地成家刀吾怕辣,,所以就試左泡菜果個...其實刀吾系好辣,,少少架姐,,主要個湯刀幾香,,幾惹味....佢個場又夠大,,最岩成班去聚舊食飯...D服務態度又好,,要讚..而啤酒汽水果汁同熱飲刀任飲既,,仲有雪糕..平日148再加一,,就2小時任食..想坐耐D刀系俾多廿蚊,,168..好似5,6日就158,,2小時...真系正,,值得一推呀...
繼續閱讀
今晚食姑姐生日飯, 本來都不抱太大期望, 係嬸嬸話食過唔錯就介紹我哋黎喇~我知之前係寫紙仔點食物, 但依家轉咗型式, 係自己出去攞食物; 價錢星期一至四食兩小時$148 加一, 8人送1,時間上足夠; 味道唔錯, 款式算多, 有海洋, 有三文魚, 有日式, 中式, 西式食物, 冷熱盤, 仲有甜品同雪糕, 甜品一定要試一杯杯型啫喱, 果凍之類, 幾好味架, 飲品都任飲, 有蘋果汁, 橙汁, 豆漿 , 竹蔗茅根, 生力啤酒, 罐裝汽水, 飲品哩講好味, 唔會話係古怪味;睇佢放食物地方好似唔係好多咁, 但其實真係食得好飽同味道唔差, 三文魚又新鮮, 又任攞, 雞腎, 雞軟骨同牛肉串燒都好入味; 佢哋出食物都幾快, 又會不時轉換款式; 地方又坐得舒服, 又唔太燥, 食飯傾計真係唔錯;未食過真係可以試下, 不過就記得book位, 前一日book都無問題;
繼續閱讀