影片
開飯介紹
全港首間DIY日式大阪燒店，每張枱都設有鐵板讓客人即煎大阪燒，十多款配料選擇包括豚肉、大蝦、帶子、芝士、日本本菇等，特設抽風系統不怕吃完充滿油煙味，另外同時供應秘製三文魚福袋等小食及甜品。
繼續閱讀
營業時間
星期一至日
12:00 - 23:00
以上資料只供參考, 請與餐廳確認詳情
食評 (106)
買左團購去食，諗住呢間野幾有新意，可以自己煮下野食，book 左枱，7點幾去到唔使等就入得，果段時間入面都冇咩人，出面都冇人等位。入到去，間野都幾細，應該唔夠十枱，有三個侍應，一個疑似老闆的帶眼鏡長髮男唔係幾好禮貌，"幾位呀?坐果到啦啦隊"，睇下餐牌，講真，可以選擇既並唔多，一個果d煎出黎有5-6吋大既燒餅都要成百蚊，我同女朋友7點幾去到，佢竟然冇哂三文魚，個感覺就係去到老麥食野佢地話俾你聽薯條賣哂咁。望左餐牌一陣姐，係佢心目中我以經殺左佢老豆三次咁，係咁狂睥我三次。好啦，我落order喇，叫人，冇人應你，個個都好似好忙咁，疑似老闆的帶眼鏡長髮男既人就走埋黎"食咩呀?" 叫左個什菌金菇，係一個用錫紙包住一d什菇，咦!同我去bbq烤果d一樣架wo好喇，主角黎喇，叫左個咖哩味既燒餅，一個湯碗大dd既碗入面有好多切條生菜，同你揀左既配料，我就係到諗，加d沙拉醬就係凱撒沙律lo，一把唔耐煩既聲就傳出黎喇，"撈渾佢!放落佢煎啦!" 心諗咁滿，點撈呀，大力又飛哂出黎，點解唔可以俾個大d既碗我撈呢，想營造抵食既感覺?好啦，咁我慢慢撈啦，費事跌出黎嘥，跟住疑似老闆的帶眼鏡長髮男又出動喇，"Hui!撈都撈唔渾，真係聰明!" 我心入面就即刻回敬左句粗口俾佢。佢就搶左黎撈，不出所料，真係飛左出黎，仲飛左落我件衫到撈完佢就開爐放入去，佢整左陣又走左，好啦，終於可以自己整下試下，呢個就係我地黎既目的嗎，整下整下，又有吧聲傳出黎，"唔係炒呀!!!係煎呀!!!!聰明!!!"跟住疑似老闆的帶眼鏡長髮男又變身喇，走過黎搶左個鏟，佢煎埋俾你，又驚你整花佢個pan，又驚你整"loan"左係咁鏟個底，我見住佢一路整，一路鏟返d鑊"lo"返個餅到，喂日日係咁食咪好易生cancer?我唔知佢搶左個鏟自己整係咪因為咁既原因定係佢想你快d走，唔好阻住佢做生意，我兩個都覺得係，但點都好，我黎係為左自己煎之嗎，你個餐廳個gimmick都係呢個姐，你搶左黎整，咁我黎食有咩意思先疑似老闆的帶眼鏡長髮男????即係你去人地d漁場釣魚，人地會唔會幫你釣埋吖?你理得人地點釣姐?人地鍾意冇勾咁釣又得，釣勝於魚呀疑似老闆的帶眼鏡長髮男，我淨係想enjoy個過程咋，好唔好食係其次呀，唉，呢間野已經俾盈利令到佢地盲目左，忘記左自己呢間野既吸引人之處。唔係只係我，我見到有好幾枱人都係咁俾侍應"招呼的"講真，味道真係冇特別，咖哩味，都幾辣，仲要冇水飲，問佢有冇水，"我地呢到唔提供水ka bor，要野飲lor!"最後我都係冇叫到，寧願忍，佢野食黎得快，係呀，都唔使煮既，食到45分鐘到，我感覺到我又做左殺父仇人，又不停係咁俾人睥，唉!咩事呀大佬!隔離黎左枱人，四個人，黎左兩個先，坐左唔夠幾分鐘，疑似老闆的帶眼鏡長髮男又變身喇，"你地個朋友係咪黎緊架?叫佢快d啦，未黎就出去坐住先啦，我出面有人等緊!"講真，你自己請左人入黎係你自己計錯數，有乜理由叫人走架?唉，有生以黎都未去過間咁趕客既餐廳，野食只係一般，服務態度卻令你畢生難忘。以後都唔會再去!!!!!
繼續閱讀
黎呢間係因為見到竟然無人等位，係晚上食飯既繁忙時間實在難得點知一踏入去先係惡夢既開始!!!!唔怪得無人幫襯!叫左2個餅之後，好快d材料就送到黎。跟住我地就撈勻佢啦，撈左5分鐘就停手諗住得啦點知店員老遠隔3張台就呼令我地，大聲喝叫"藍色衫果個!!未得囉"，個feel就好似廣東道d同胞係街頭大叫一樣。唔洗咁嘛呢個時候，有個男待應走過黎，拎張單叫我地埋單！大佬！！燒都未開始燒，食都未食就叫我埋單!!我地叫佢放低完，佢仲喝我地話"埋左先啦!!x你(某粗口字)"，咩事呀!!!!!!!得罰左你咩!!講返d餅，d餅根本就只有麵粉味，要加大大大量沙津醬先入到口。唔明點樣先可以做到咁多樣野加埋一齊都無味既境界仲有除左店員無禮又加插幾句粗口既講解之外，你根本就唔知點整，幾時食得，點整先熟跟住有長毛叔睇唔過眼走黎同我地整，一路整就一路講英文話而家d香港人蠢，質素低，唔識整。長毛先生，其實英文係香港已經好普遍，好多人都識聽識講，唔係得你一個識講囉
繼續閱讀
我覺得一間食肆好唔好, 態度絕對可以影響一切. 幾好味都好, 態度好差的話, 食都食得唔開胃. 未食過燒餅, 覺得好新鮮又幾好玩, 所以見團購有優惠就買左. 下次應該睇下食評先.訂左位, 去到時間尚早, 都幾多空檯, 同個短髮既男侍應講訂左位. 佢望左本簿好耐, 我地以為佢搵唔到就指比佢睇. 點知佢話我唔係搵唔到喎. 好! 到坐低, 放低menu, 佢居然擺係個爐到. 好唔衛生. 到揀完味道同配料, 有一碗佢又係擺係個爐入面. 咁張檯咁大要黎仲乜? 又大力擺落黎. 佢只係話將配料撈左去, 女朋友有叫豚肉, 以為要撈埋. 諗住最後先擺落去撈. 到撈好就再問係咪要撈埋落去, 個位態度好差既侍應問番我地「點解要撈呢?」我咪答佢你話將配料撈埋. 佢好激動不斷重複話「我冇講過話將豚肉撈埋」「我冇講過」, 我覺得佢唔認不特止, 仲話番我地轉頭. 我相信一個好既侍應, 應該再解釋多次因為豚肉係到最後放上面煎. 所以唔需要撈埋. 我講左句你態度都好差, 佢話係咩唔好意思喎. 表面上扮哂講對唔住, 但後來佢依然話「我唔覺得我態度差喎, 有咩咁差」. 到最後我叫左另一個長髮男既員工教我地. 順便問句佢係唔係老闆, 如果係我想投訴, 不過佢唔係, (原來老闆中途番過黎一陣走左, 但我見唔到, 否則一定比意見佢) 但佢都問我地咩事, 講既中途, 態度差個位想行埋黎, 長髮既男士就指示佢唔好行埋黎. 之後一直係男髮個位同另一位女員工埋黎, 所以都食得好安心.我叫左咖喱味, 配左芝士, 帶子另加三文魚. 女朋友叫原味, 配左芝士, 豚肉. 原來原味會更加好, 因為咖喱味會蓋過哂配料既味, 所以我直接夾D帶子出黎食, 食唔到三文魚既味, 個餅加哂醬料, 木魚之後就好味好多. 係食到口乾左D. 女朋友個個原味好味得多, 芝士味好重. 中途都有長髮同女個兩位員工周不時睇下我地煎成點, 教我地點反轉, 幫我地整圓D. 其實又真係幾好玩, 但因為要自己動手撈同煎, 所以都需要個幾鐘.
繼續閱讀
總括成個用餐經歷用標題果3個字就夠，不過都講下有幾差，希望唔好再有咁多受害者1) 食物：---中伏一：叫左$88果個set, 可以揀2-4種送，叫左curry味。送到黎係一個飯碗size既粉漿，小得可憐，成本應該只值幾蚊。整完之後就只有麵粉漿味、辣味，同自己加既沙津醬味。差到相都唔想影---中伙二：仲有叫左個蜆肉麵豉湯，呢個仲離譜，d蜆係得蜆殼既!!真係一 粒 蜆 肉都無!!不如叫蜆殼麵豉湯啦!!!!!!!!!!!!而且味道仲咸過吉x家果d沖粉麵豉湯，飲左2啖就掉埋一邊啦---中伏三：什菌福袋，又係差到相都唔想影，打開個錫紙只有幾條金菇，幾條冬菇絲，同埋洋蔥絲。食落仲有菇果種腥味…2) 服務：呢度既服務真係極品，有個長髮叔一路整佢一路"目及"緊，怕你整爛佢d野咁。整得有少少唔合佢心意就一手搶走你手上2個鏟，之後自己整整整，跟住覺得自己好有型咁，整完仲站係度唔走等待大家既讚嘆同拍掌聲我黎得呢間野就後想DIY自己整，唔係想睇阿叔表現囉唔該！！如果你驚你整爛你d野，你咪係meun度整頁「做法」係度囉！！
繼續閱讀
喜歡同朋友試食團購餐廳既我，第一次遇到一間服務態度咁差既團購餐廳完全趕客我黎到時，朋友已經到左，咁就傾下偈先，諗住會有人拎menu黎點知等左10分鐘，都仲未有人比menu我，於是我就揮手，但d waitor waitress行得好快，完全唔想望d顧客咁，好難先叫停倒一位口黑面黑既waitor我好有禮貌咁問其中呢位waitor拎menu，佢聽完好不屑咁轉身走開，然後我又等了5分鐘，呢位黑面黑既waitor先極大力咁dump個menu落黎注意：係極大力咁dump成張枱"嘭"一聲，我d fds都嚇到呆一呆諗完叫咩之後（我揀左蝦、粟米同洋蔥），又要好困難地叫d眼尾都唔哨下你既waitor waitress停低，今次我精了，冇叫頭先個waitor，叫左另一個waitress。個waitress好似好趕時間咁，我一講完要邊3樣材料就即刻擰轉面走，冇問我要原味定咖喱又等左10分鐘後...（對！又等左10分鐘）可怕既事又來了，竟然係頭先好冇禮貌大力dump menu既waitor拎碗材料過黎，佢又一次咁dump個碗落枱連碗入面既料都飛彈左d出黎d料主要係菜同粉漿，我要既蝦係細蝦黎，得5隻...d料要撈好耐，撈到手都軟埋先OK。撈到尾聲時個waitress行埋黎諗住睇下OK未我，唔知佢係唔係"扇"手，一鏟d料就飛彈左d出黎佢講左句唔好意思後即閃...之後一直煎都相安無事，因為冇人黎打擾...煎到尾聲時個waitress黎整左幾下，好彩已經煎得7788，d料唔會再彈出黎講番塊燒餅，食第一啖時唔記得加醬，發現成塊餅係冇任何味道既...隻蝦都係零鮮味...另外，雖然加左唔少油黎煎，但個燒餅仍然係好乾，o係人都就黎煎乾既時候仲要食d咁乾既野真係幾難啃得落...（注意：個度係冇水提供）於是我係咁勁加醬汁（佢有2種醬汁，我2種都係咁加），好彩d醬汁味道正正常常，但冇醬汁既位仍然唔掂，冇任何味道~而燒餅既主角 ─ 蝦因為係內層...掂唔倒d醬，所以仍然係冇味總括黎講，我只係食倒醬既味道，所以似係食緊醬多d...=.=
繼續閱讀