影片
電話號碼
28387226
開飯介紹
這港式餐廳標榜菜式不含味精，主打用料十足、價錢親民的鑊氣小菜及海鮮料理，更可預訂特別菜式和親友分享。
繼續閱讀
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
有關獎賞計劃
早兩個星期5月1號假期 需要在家工作 但係老婆放假想食早餐，所以叫老婆試吓富來的早餐 由於在家工作有突發事件，所以叫老婆先攞位叫定嘢食過咗一陣老婆打電話嚟叫我盡快落去 因為熱辣辣😂沙嗲牛啲牛肉好明顯比其他出面的牛肉厚身應該是鮮牛肉 而且牛肉份量多有驚喜多士的鬆脆啱啱好老婆，我叫咗雞扒煎蛋我哋嚇咗一跳，因為塊雞扒係出面食雞扒嘅三倍大小 😝😋其實早餐冇乜花款，但係見微知著，食得出非常用心 食得出廚房的那一團火老婆食唔晒，我都幫手食埋非常滿足順帶一提，有好多老顧客喺店舖聊天像一個小社區 不停有客人小朋友進來 又有顧客同寵物狗進來吃早餐大家都會傾偈 真係覺得氣氛非常好 如果大家去行山真係可以嚟食個靚早餐才出發 💪🏼總括而言，絕對會再嚟幫襯
繼續閱讀
942 瀏覽
見小肥近日多咗出入跑馬地，發掘咗幾間新店，似有六尺高嘅高姐姐就推介區內屹立咗十幾年嘅「富來粥麵小廚」，大讚小菜經濟得黎有水準，肥肥家族襯週末有空即舉家一試。昇平街斜坡上兩邊都係咪錶位，不過全日都泊滿車車。位於街頂嘅地舖綠色嘅招牌好易認，不難找到。小店外牆貼出該星期嘅抗疫優惠及時日精選。室內空氣流通。牆上掛出嘅靚靚素描均為跑馬地嘅街景，街坊情懷盡在不言中。散座空間感足，除咗有電視睇，投影機會不斷循環時播放出時令推介菜式。電子自助落單簡便衛生。不過場內嘅熟客似乎都係鍾意真人對話多。桌上擺有自用餐具及任用紙巾。濃湯雞煲翅（$498/份）：翅翅同雞湯好有文化地分開上，並由店主菲臘哥哥親自分配。如相所示，每份當真足八兩翅翅，四人分享剛剛好，不過五、六個人分都冇問題。以砂鍋上嘅濃湯雞熱辣辣、香噴噴，飲落香濃甜美，火喉十足，必先預訂絕對有理！每人有成兩大碗湯飲，煲湯嘅半隻雞肉相當軟腍，$498實屬抵吃足料之選。拔絲菠蘿咕嚕肉（$118）：酸甜開胃嘅咕嚕肉嘅拔絲外皮香脆，肉質亦好鬆爽。秘製鹹香雞（$128/半隻）：鎮店菜式之一嘅鹹香雞甘香幼滑，雞皮柔潤入味。富來小炒皇（$128）：招牌小炒皇爽脆惹味，好夠鑊氣，靈魂所在就係撈咗啲脆卜卜嘅芋頭絲炒製，甚有驚喜。蒜蓉炒白菜仔（$78）：細細樖嘅白菜仔清甜嫩脆，簡單以蒜蓉調味已能為正菜提鮮。值得一提嘅就係炒菜可以指明要少鹽少油，靈活變通嘅廚房真係就得食客。豉油王炒麵（$88）：炒麵好香口，麵條夠鬆夠彈牙，最欣賞佢完全唔油兼且唔會黐埋一舊舊。自家製荔枝雪糕：嘻嘻，可能見同細佬好傾，老闆娘好客氣地送咗杯自家製嘅雪糕俾XO仔試。以荔枝蓉打製嘅雪糕混入咗清爽嘅龍眼肉，組合清甜芳香，輕盈可口。跑馬地老店「富來粥麵小廚」環境企理，鑊氣小菜量足味佳，店主親民有幹勁，據悉每日未天光已經開舖，心中團火以熱誠傳達，難怪會有咁多街坊捧場。
繼續閱讀
琴晚食飯，見到呢間好多人話抵食，於是去試下。去到點菜，同啲職員傾偈先發現呢間餐廳原來轉手3個月，換左老闆，但餐廳名保留一樣。叫左個菠蘿咕嚕肉同埋豉椒腐乳炒西生菜味道好味嘅，但份量少，價錢一般，無以前啲相咁大碟抵食。
繼續閱讀
跑馬地區內來來去去都是幾間茶餐廳，特別有一間好多人鍾意去，但我最鍾意這一間。他剛剛開始頂手時試過一次，覺得他手忙腳亂，煎蛋又好油。但今日想正整地，唔使同人迫同埋唔使受氣（在另一地方貼錢買難受），所以來俾多次機會。結果出乎意料地好，老闆自己坐樓面，記得佢啱啱開嘅時候，都好客氣問客人意見，我覺得佢真係有聽。除咗坐得舒服，啲通粉唔會煮過龍，湯又唔會過鹹。奶茶滑濃，湖南雞蛋香濃。見到小菜review 不錯，下次來試。
繼續閱讀
有什麼比在乾淨的環境下用吊扇帶來微風的美味早餐開始新的一天更好的了！ 盛平街的Fuloi 是一個必須選擇的地方。 他們的雞蛋都是特選的，質量上乘，加上大顆新鮮的橙黃色蛋黃！ 菜單為註重健康的人群精心設計，提供高蛋白、低脂肪的品種。 不能錯過！
繼續閱讀