影片
以上資料只供參考, 請與餐廳確認詳情
偷回來的「閒」，大飲茶之餘逛逛街，帶小魔怪熱鬧玩具城．．．特別快過又已入黑。老中嫩組合來到這裡，除了消費較高一點，吃的都是一般點心，味道也是一般。腿蓉蝦餃：皮薄細細粒蝦餃，唯獨之處就是外面的小小腿蓉，老實說，無甚特別；反而粒粒大蝦得小乖乖恩寵，吃罷兩粒蝦餃之蝦．．．生煎包：之前試過覺得味道好，今回略嫌「手重」了，油膩一點；蜜汁叉燒包：以為是之前吃的「餐包仔」，誰不知是小鳳姐唱的廣東叉燒包，餡之「色水」非一般酒樓那些染色物，味道不錯；蘿蔔絲酥餅、香竽盒：兩樣煎炸食物，內裡熱騰騰，屬「爆咀」系列，建議任擇其一吃，否則帶點「漏」；四寶扎：印象已很糢糊內裡乾坤，只記得有一片鴨、菇、棉花．．．味道尚好，可作為取替雞扎之選。
繼續閱讀
16/7 （Sat）星期六預0左要OT，早餐買埋午餐個包，驚死餓親。點知11點收到通知老闆下晝請食飯，個包被迫打0左入冷宮（雪櫃）2點到九龍塘采蝶軒，ok多位，坐低Ｄ侍應有晒招呼咁，感覺好好。共10人，叫0左0既點心如下：1) 魚翅灌湯餃—無食，但同事話唔錯。2) 腿蓉蝦餃皇—Ｄ蝦真係無0野講，充塞住成粒蝦餃，又夠新鮮，但size略嫌細0左，搞到成粒餃無晒空間，咬落去實的的。3) 蟹籽燒賣皇—好爽口，同樣都係有蝦，但就無蝦餃果種實的的感覺，唔錯唔錯。4) 雞湯鮮菇魚肚—好多油，無乜味道。5) 家鄉蒸粉果—無食，無可奉告。6) 高湯牛肉球—同出面果Ｄ一樣，食唔出高湯0既精華。7) 蒜蓉蒸魷魚—水準之作，蒜蓉同埋鮮魷0既精華俾粉絲吸收晒，勁好味！8) 紅油抄手—無食，無可奉告。9) 雲南野菌餃—無食，無可奉告。10) 蜜汁叉燒包—通常飲茶我唔會食叉燒包，因為唔知裡面果Ｄ咩肉0黎，但見到今次個包裡面真係睇到有叉燒（？！），所以試0下，Ｄ汁好特別，唔係得個甜字∼包身亦好鬆軟。幾好食！11) 香蘭千層糕—無食，無可奉告。12) 鮑汁鮮蝦脆腐皮卷—食唔到有鮑汁味，反而食到有西芹粒，食落好鬼爽口。13) 蔥花炸兩—油炸鬼仲係好脆，腸粉唔太厚，兩個唔同食材夾得0岩0岩好，就算唔點豉油食都得。14) 韮皇鮮蝦腸粉—無食，無可奉告。15) 香芋野菌脆春卷—無食，無可奉告。16) 米網煎窩貼—個米網好脆，鍋貼就一般貨色。17) 蘿蔔絲酥餅—雖然好鍾意食脆口野，但個酥皮太厚，咬一啖已經滯晒，蘿蔔餡唔特別好食。18) 椰汁紫米燉海底椰—無食，無可奉告。19) 山水豆腐花—lee個係本人推介，唔好睇豆腐花平平無奇，要整得好食一Ｄ都唔容易，食既時候一Ｄ糖都唔使落，啖啖都係100%黃豆香甜，口感幼滑，落糖反而搞wor晒成碗0野。20) 楊枝金露—無食，無可奉告。21) 家鄉甜薄罉 —無食，無可奉告。22) 蘆薈人參糕—食0既時候要Ｄ蜂蜜，無咩特別。23) 酥皮蛋撻—無食，無可奉告。24) 雪糕糯米糍 —另一個推介，個皮好煙韌，個餡係芒果加鮮忌廉，侍應姐姐話個皮係雪糕加糯米粉搓成...25) 卥水墨魚片—無食，無可奉告。26) 脆皮素鵝—無食，無可奉告。27) 皮蛋酸薑伴海哲—lee個∼強力推推推介∼糖心皮蛋正到暈，未夾落去都知係好野0黎∼食落口蛋黃好香好滑，蛋白晶瑩剔透∼成件皮蛋滑到唔使咬都識自動線落喉嚨∼28) 帶子小籠包—食0既時候要用匙羹接返住Ｄ湯，唔係實後悔呀0下∼29) 蓮子陳皮紅荳沙—無食，無可奉告。咁樣喪食法，人生無幾多次，真係要多謝老闆！！埋單$1677
繼續閱讀
九龍塘的采碟軒與金鐘的采碟軒一樣﹐裝修以簡單深沉為主﹐我自己就不太懂得欣賞啦﹗不過朋友說來﹐說點心好味﹐就試試吧。星期六十二時多﹐成間酒樓一半都未滿。叫左XO 醬腸粉、雞扎、蛋撻等點心﹐幾好味﹐好處是較為清靜﹐不會好似一般酒樓咁嘈到拆天。
繼續閱讀
今日一行三人，在無選擇的情況下再幫陳。睇到呢度各食家都心中有數，不過唔係味味都差，埋單$250，六味點心，詳列如下：柴魚花生粥($40)足料，同屋村酒樓兩回事，當然價錢都係兩回事。可惜粥無味，油炸鬼片好乾，無碟豉油點下真係食唔晒。鎮江餚肉比德福仿膳好食，jelly佔五份一，恰好，夠味，肉質有嚼勁，紅肉為主，不會有太多肥白肉，幾好。炸兩普通，碟豉油係靈魂。生煎包皮厚度ok, 我食時已經凍了，好漏。燈籠豆腐小片布包豆腐上面有塊小籠包內的肉，d味同小籠包一樣，但係又無肉汁，好奇怪。蘿白絲酥餅呢度出名的，質素ok, 略嫌皮厚。
繼續閱讀
o黎飲滿月酒。主人家連開6席，但采蝶軒只係用紅布圍住；而且呢度D裝修好似未整完咁，我明白呢D叫做style，但環境方面已經扣o左分。既然係滿月酒，乳豬、紅雞蛋、紅燒翅自然唔少得。食物方面，呢餐以清淡多菜為主，都幾o岩小妹口味，水準不過不失咁啦。但總括o黎講都係彈多過讚：南乳吊燒雞用雪雞，生煎包裡面冇汁，炒飯唔熱，紅燒翅冇乜翅；不過都有讚o既：蒸魚蒸得剛熟，瑤柱脯用白蘿蔔幾特別。服務方面尚可，有反應，態度都唔錯。不過以呢個價錢食呢D野，小妹都係唔會選擇呢度。
繼續閱讀