影片
營業時間
星期一至日
11:30 - 23:00
以上資料只供參考, 請與餐廳確認詳情
招牌菜
今趟「遊遊盪盪」之目的地是久未踏足的馬鞍山，行程其中一個重要環節當然離不開覓食行動。由於不熟悉這區環境，大型商場的餐廳就成為我們的落腳點，逛一個圈左看看右看看，最後選定了裝潢美觀的曼谷泰菜。這裏的消費比想像中便宜，午市套餐未連加一約為五十多元。對著餐牌研究一會，最後決定點具泰式風味的豬肶飯和肥牛魚旦喇沙，另加錢轉龍眼冰和椰汁冰。豬肶飯很快便送上，賣相與圖片相差很遠，肉塊不是一件件整齊地排放，而是被撕得細細碎碎。放入口中才發覺溫度不足，看來是沒有翻熱了，幸而豬肶肉質不算粗嚡，同時又醃得非常入味，總算是挽回點點分數。做得失色的乃拌碟的酸菜，味道太淡毫不出眾，失去了原先添味的功能，好在還有酸辣醬作補償。至於肥牛魚旦喇沙則以湯底取勝，它並非只有一股蠻辣，而是蘊藏著多重香料的芳馥，層次豐富細膩，個人認為再添點椰汁則更加香惹。金邊粉份量非常膨湃，幾乎雄踞碗內大部份空間，它的質感幼滑，即使浸久了也不會漲得厲害。然而配料非常敗筆，肥牛的脂肪比例過重，而且煮得過韌，完全沒有牛肉味。魚旦同樣沒有味道，質感亦不甚彈牙。兩款飲料以椰汁冰較為優勝，味道清爽香郁，若能加點椰肉則更能添嚼勁。龍眼冰則是過甜過膩，而且龍眼有些未清理的黑邊，看起來不太討好，令人失去多喝的興趣。希望不久將來會有一些優質的食肆在馬鞍山出現，令我很快很快便會再來這個地方。
繼續閱讀
Got four of these coconut sago puddings.This takeaway counter is located right next to the entrance to the corridoor of the toilet!★☆★☆★☆★☆★☆★☆★☆★☆★☆★☆★☆★coconut sago puddings:They were quite expensive at 4 for $20 and the customer service was bad because it was take it or leave it.The pudding was too sweet and the sago at the bottom was hard.★☆★☆★☆★☆★☆★☆★☆★☆★☆★☆★☆★
繼續閱讀
今晚一行13人(8大5細)去咗呢間嘢食晚飯，6:15入座時侍應講明8點要交枱，無問題都應該食飽啦。約6:35點菜差不多6:45先齊人。我哋一路食都一路有加嘢又吩咐細路快啲食，一路我哋食晒啲餸都無人嚟收碟又無人主動嚟斟水，約7:30有侍應埋嚟問仲有無嘢加，嗰陣枱面食物有3成未食晒，我哋就話可能會叫甜品，個侍應就要我哋決定又喺咁問我哋啲嘢嚟齊未，我出聲話喺度食嘢真係好鬼趕，在座有幾位都有微言，佢就開始有啲發老脾話想知啲嘢嚟齊未同你哋check 吓單啫，依家last order 因為8點有人訂枱入座時有講明，我哋就話食埋啲嘢先啦依家7:30啫。過咗幾分鐘另一侍應居然攞埋張單嚟要埋單，我哋話未夠鐘啫吓話，然後我哋就睇吓張單 (你攞得埋嚟就梗係睇吓計吓數啦)個侍應就走開咗，check 咗無問題就放咗喺度未攞錢出嚟因為我哋都仲食緊嘢。又隔咗幾分鐘一個疑似經理嘅男人黑晒面行埋嚟，攞起本嘢睇，我哋其中一人話知道喇8點交枱嘛，佢語氣欠佳態度撩交打咁話我都無講嘢，我哋話你行埋嚟都係想我哋埋單啫，佢狡辯話諗住幫你哋斟水啫 (但佢無攞水壺架喎)然後就態度惡劣不停咀咁我哋講一句佢駁幾句，連在座最無火嗰位朋友都忍唔住開聲話佢。佢就一路大大聲繼續講一路行開咗。我哋跟住就夾錢啦，其間朋友叫個女侍應加水，佢望吓我哋後喺度同人哋笑無行動，咁朋友就話你唔識聽架？個女人就發火話我識聽我依家咪嚟囉，一路就係度係咁講依家同你加我聽到晒，嬲起上嚟叫佢唔使加喇。俾錢後我哋走啦，無火嗰位朋友嬲到行過嗰個男人身邊時話無下次呀，個男不知所謂滿面不屑咁話唔該晒,唔該晒！各位，我哋只係覺得我哋知你哋嘅要求，唔係唔交枱俾你喎，半個鐘前就嚟催人，又無禮貌，我哋都未食飽就3個輪住嚟趕你走咁，大佬唔使俾錢呀！就算訂枱嗰位嚟到都可以等一陣啫，香港地無人未試過訂枱都要等吓話，個疑似高層咁唔識應付、應變兼唔識服務客人，帶到啲下屬都不知所謂。喺同場嚟講得佢一間泰菜都唔多客，加兩隻蝦落去就收中上價錢，今次唔係貪唔使等位都唔會俾錢攞氣受,以後都唔會再幫襯！！
繼續閱讀
因為覺得唔係咁差, 所以第一次寫吓食評.服務方面, 叫菜都好快有人回應. 而且只係望吓個部長, 就即刻問有嘜嘢幫忙. 只係埋單慢咗 D, 但係都在可接收時間內,裝修方面, 比之前那間泰國菜館好了很多. 地方光猛, 感覺清潔.食物方面, 好 ARM 我口味 泰式青芒魚仔沙律, 好中意酸味味的泰式沙律, 而且以前菜計, 份量好多.皮蛋釀蝦餅 : 上枱熱辣辣, 夾埋酸薑一齊食好味, 可能因為一碟有成 8 件, 而我們只有是兩個人食. 所以食食吓有 D 膩, 椰汁青咖哩蝦球 : 咖哩味道 OK, 不過比較水汪汪, 而且份量比較細.不過價錢唔算平
繼續閱讀
紀得上次食完唔錯,今次再食,環境ok,但都幾多人等位,今次試薑蔥炒蟹,雜菜煲,雞,甜品:千層糕薑蔥炒蟹 : 樣子似港式薑蔥炒,汁太多,沒有泰式感覺,肉質ok,但沒有薑的香味.雜菜煲 : 菜的種類充足,好味雞 : 雞肉頗滑,但肥了一點,我食時,不食皮,甜品千層糕 : 小小甜,質感不錯整體ok好味
繼續閱讀