影片
營業時間
星期一
全日休息
星期二至日
11:00 - 16:00
18:00 - 21:30
以上資料只供參考, 請與餐廳確認詳情
星期日lunch time一點鐘見佢門口有幾個人等緊，以為好多人等位，點知一行埋去阿姐就叫我哋兩個人入去坐，唔使等位都係第一次。琛仔喺大埔係出晒名性價比高嘅西餐，我最鍾意食佢嘅捷克豬扒餐。配菜可以揀飯，意粉，沙律，薯蓉，煎薯仔。我就揀咗最鍾意食嘅煎薯仔，因為佢嘅薯仔煎得非常之香，尤其是出面煎到有一層簿簿嘅脆片，好好食，令人食完一舊又想食一舊。而佢嘅豬扒亦都係煎得好香脆，我相信係牛油香，令到佢塊豬扒非常好食，另外再加埋白汁，淋落脆卜卜嘅豬扒度，perfect!捷克豬扒餐配煎薯 (HKD 50)$50有主菜，又有飲品包，呢個午餐簡直係性價比之王。
繼續閱讀
波友介紹呢間餐廳，試過去午飯但要排隊所以無等，昨晚早早地專程去試。餐廳樓面細細，樓上有幾張檯但要經廚房上，侍應妹妹無乜表情。我叫咗個羊架，原本想跟餐，可惜餐湯得羅宋湯，有牛成份，但我唔食牛所以唯有單叫。朋友跟餐，但有餐湯無餐包?!羊架上檯，一望好明顯就係太細份，得兩條小小的羊架，同個價錢唔係好合比例，薯餅新鮮炸，好味，食完成碟真係唔飽 👉👈今晚食完某連鎖店煲仔飯，性價比高好多，亦提醒我寫呢個食評 🤣🤣
繼續閱讀
今次係第二次到琛記小㕑食飯。第一次都覺得以價錢嚟講，質素都相當唔錯。第二次到訪，叫同一份安格斯牛扒餐。侍應姐姐問想要幾多成熟，就叫了5成。點知，來到的，係全熟。向㕑房反應一下，再煮一份。我想今次連三成熟都沒有，只得個面不是紅色。算吧。雖然價錢平民，但感覺真的好不專業。不如不要問客人要幾多成熟吧⋯⋯我不會再推薦給朋友了。xxxxxxxxxxxxxxxxxxxxxxxxxxxxxx
繼續閱讀
大埔越黎越多小店，每間都有自己既特色。第一次試呢間就純粹亂試既，點知又唔錯喎，價錢又經濟。星期六都有set lunch 呢個係豬扒配意粉，豬扒煎得剛好，又唔會好硬，同埋粉量都唔少。煎牛柳配炸薯餅好少可會配薯餅，炸得好香脆，好食。牛柳雖然細細舊，但都幾厚身，不過其中一舊煎得過左火。要5 成，煎完出黎已經差唔多well done好彩肉質都算有口感，未至於太硬紅酒忌廉汁牛扒要讚既係個汁，又唔會太漏，又有淡淡紅酒味，又唔會蓋過d肉味。牛扒雖然有d薄，不過夠肉味，午餐都好夠。黎大埔絕對可以一試
繼續閱讀
chicken parmean with tzatziki$40有多款薯仔揀😆😆 薯蓉薯條薯角薯餅都有😋 好吸引🙆🙆 potatoooo🙌🙌 煎薯仔外皮脆脆地 硬度啱啱唔太硬又唔太鬆散正😆雞扒煎得金黃微脆皮 仲瑣住肉汁 唔會乾淨淨👍 乳酪醬酸酸地好特別幾正😆😆 旁邊既沙律幾fresh😁homemade swedish meatballs$40好juicy🙌 一試愛上😍 醬汁都好特別🙆🙆 小店好好雖然有小小迫但大熱天時都俾我地企喺入面等😙 一睇就知係父母子一家經營 8人座既bar枱位 真係名乎其實既小廚xd 排隊耐小小都係值得既!!
繼續閱讀