影片
以上資料只供參考, 請與餐廳確認詳情
黎得食放題都預無質素，都係過下口引又可以食多幾款，呢間野有壽司，刺身，火鍋，串燒等，真係咩都齊。叫左個鍋試下，火鍋料都係個啲無驚喜野，菜，丸，蝦咁，都ok嘅，唔算好新鮮但又唔難食囉。刺身雖然切到好細，但都比足份量，味道正常。壽司無乜興，只叫左一round，飯爛唔好食。一系列炸物，炸粉厚都預左，好油又係預左，無乜失望咁囉。串燒同焗蠔，都幾好食，友人至愛燒菠蘿。麵豉湯可以不叫，湯淡同即沖分別不大。番叫刺身同燒菠蘿，份量依然比足。咖哩魚蛋唔好食，甜品就一般，食雪糕糯米滋最穩陣。各式落單餐紙。
繼續閱讀
個日我同個fd行完街就過去木村度，剛剛開張約5點9已經full左一半，坐底就開始叫野食見到好多顏色的單就樣樣叫下，有牛粒，芝士年糕，火焰壽司，燒青口等等，交單好快手，一抬手附近的女侍應就過來執單。到上菜時間大概等左15分鐘到就來齊，話曬都叫左~20樣野食，速度都唔錯，無漏單，無偷工減料，多次加單亦無走數味道方面略重，但對我來講亦非常滋味，尤其是牛粒同豬軟骨，令我一再加單。燒物只叫左秋刀魚，海蝦同青口，海蝦比較咸，青口蒜蓉好多，蒜味重，秋刀魚有起內臟，食落口唔會話好腥炸物有叫蝦天婦羅同多春魚天婦羅，味道都非常好，桌子上有預先擺定的醬汁，可以自己點小食有叫螺肉同八爪魚，一碟八爪魚有2～3只，體型都幾大下，螺肉基本上放了4分3個小碗，分量十足芝士年糕非常好味，流心芝士，而且熱，但幾飽肚甜品有好多種，每人限叫2份，我要左泡芙同雪米糍，雪米糍味道隨機飲品多數罐裝，大約8~10款到總結：我地星期六去加一都係每人15X，食物質素算幾好，對得起呢個價錢有餘，最緊要的女侍應好靚女，看落都係17歲~25歲到，得閒真係想去食（看）多次
繼續閱讀
旺角行完街,唔知食乜好,咁o岩接到派傳單,於是就上左黎食.都係一般放題既野食.刺身-----都係三文魚, 甜蝦, 北寄貝, 鮑片之類.三文魚,北寄貝, 鮑片都夠鮮甜. 甜蝦就差左d.芝士年糕-----呢樣係放題必食. 但有時有d係好難食, 呢度唔錯, 夠香, 口感都幾好.炒雜菜-----太咸, 同埋乾.餃子雞翼-----呢個好好味, 無骨, 外同內都夠晒味.天婦羅-----天婦羅 蝦, 天婦羅蕃薯. 天婦羅 蝦唔錯, 有蝦味, 炸得夠脆. 天婦羅蕃薯就稍嫌唔夠甜, 無乜味.
繼續閱讀
平時想飲啤酒就去松屋。多選擇之餘又有日本啤酒但因為太夜怕未必食得多就試試木村入到等左15分鐘有位。格局同其他放題差吾多選擇都還可。因為今次重點啤酒燒物同刺身啤酒係ice ...普通啦。但綠茶係自己沖。康師傅紅茶。我就好一般燒物起碼熱上。味道可以接受。菠蘿冇咩燒過既感覺。羊扒黎左2次。第一次出色好味。第二次可能肉質差就食左一口冇食。其他正常味道刺身好多間第一輪都會整靚靚。佢就冇，冇點失望。仲要切得薄....但還叫新鮮叫左烏冬係最難食。冇味又吾似炒過咁甜品每人2款。味道都幾好。大少少份量會好好d總體...158全包總叫接受。但本人未必會再黎。因為只要比多50蚊。質素都有更好選擇
繼續閱讀
咩係book位？琴日除夕，同成班fd一行11人揀左呢間放題食，見佢幾平，下就咪打去預約，都無咩服務上問題。我地就book左9點半呀 亦十份準時去到，去到上面真係人生人海，好多人排隊，心諗 好彩有預約，但係我地足足等左成個鐘先有位，點解我地預約會唔留枱？唔留都算，當除夕人多，怕我地無去會做少單生意，我地預約左點解要排係無預約既人後面?咁預黎做咩?真心唔值得為左慳20-30蚊而試平野
繼續閱讀