影片
開飯介紹
New York Pizza Delivery榮獲中國pizza大賽第一,二名及世界pizza大賽殿軍
繼續閱讀
營業時間
星期一至日
10:30 - 22:30
以上資料只供參考, 請與餐廳確認詳情
招牌菜
見到團購可以兩個人自己整個Pizza，諗住同女朋友拍拖之餘玩下啦！去到個陣，由佢地自己整個薄餅底(因為初哥整會好肉酸)，然後到我地大顯身手喇！入面D哥哥仔好細心咁教我地點放D料上去，我就唔蝕底放左好多；終於個製成品十分好味！仲有小食送添呀
繼續閱讀
持團購COUPON數日前訂了6:45取PIZZA，仲叫我準時到，否則凍咗唔好，我6:35去到，搞完一大輪手續咪坐低等，諗住6:45會有，當6:45追單時，先知個批一早準備好，不過無拎去焗之嘛，唔明白點解收銀識叫我辦手續，唔識叫廚房焗批，又要等多20分鐘。個批出咗嚟，職員放入手抽膠袋，我咪諗住拎起手抽行，點知佢叫住我，要我打平放，用另一隻手頂住個底，否則啲料會跌，我即刻O咀對住佢，我另一隻手抽住嘢，而且得個紙盒和膠袋格住，熱辣辣點托住個底呀？之後職員先用繩幫我打個十字，咁就可以抽住行。乜呢度第一單做外賣自取嗎？雖然服務不太好，但PIZZA確實好味，價錢跟其他兩大PIZZA速遞公司差不多，相信仍會再幫襯，但一定唔會再自取咁苯。餅底很鬆軟，不是平時食開果種硬實實，呢款會連個餅底都想食埋用料舖滿整個批面，用料充足，比我想像中更容易飽味道味道惹味又不會過咸
繼續閱讀
團購瘋系列 – 平日週一至週四下班後，大多留在家中用膳，較少外出，不過本人是大懶虫一名，當然不會每天放工後都入廚喇，太勞累了吧？ 所以間中筆者也會買些外賣回家當晚餐吃，而薄餅就是其中一個不錯的選擇。其實住處附近也有好幾間薄餅店，較常光顧的包括有 Pizza Hut、Cheese Pizza、 PizzaExpress 等，但這間開業已踏入一個年頭的 New York Pizza Delivery (NYPD) 反而從沒來過，見這店經常做團購優惠，而且網上食評亦不差，就即管一試。其實有關這間位於芬尼街的薄餅店之報導也看過不少，說其 BBQ 雞肉 pizza 曾經榮獲「中國比薩商務雜誌」舉辦的全國大賽冠軍，其後代表中國出戰世界賽，更榮獲第四名。既然拿過兩個極具代表性的獎項，相信其出品也該有些保證吧。這次團購優惠，只需 $49便可選個 9 吋 pizza，就小試牛刀，預訂了個適合家中食肉獸的超級葷食薄餅，再配埋由兒子自動請纓操刀的自家製意粉及外賣壽司，應足夠一家人作晚餐享用的了。印象中芬尼街是一條掘頭小巷，以車房及一些舊式建築物為主，街中店舖面積頗細小，至於食肆嘛，就只幫襯過賣墨西哥菜的 Mr Taco Truck。 預約了晚上七點到取，來到時女店員卻說薄餅仍在製作中，著我稍候，好，咁就先看看四周環境吧。未知是否時間尚早，當晚店裡只有一、兩名等外賣的顧客，至於兩張可供堂食客人坐下的摺檯摺椅就仍然懸空著，那我就不客氣了，坐著等。原來等候期間亦不愁寂寞，皆因店子牆上貼滿了多篇報章雜誌的報導，若看得累了，大可細意欣賞外藉廚師做薄餅，不過見廚房幾位男店員都幾 hea 吓，不停地與 counter 女職員說笑，看來都幾輕鬆寫意，甚至像我拿出相機拍下牆上的大餐牌，店員亦無任歡迎，沒加以阻撓。說回這次外賣的超級葷食 (原價 $98)，餅底就選了超薄，材料方面，非常豐富，包括有臘肉腸、意式肉粒、火腿、牛肉粒、煙肉及烤雞肉。回家後已急不及待先嘗一塊，激薄的餅底，入口脆卜卜的，而且香脆中又帶點嚼勁，非常好吃。至於薄餅上的材料，當中美式臘肉腸最令人印象深刻，入口油香異常豐盈，而意式肉粒亦夠咬口，伴上半溶的芝士醬，吃來鮮濃惹味，很不錯。 由於覺得這薄餅味道不俗，所以見店子再做團購，又以 $63 再買入了一個 12 吋 pizza。這次就貪心一點，揀了個 50/50 (原價 $138)，即可自選兩種口味。參考過網上食評後，今趟就決定以紐約至尊配水牛城雞肉。上回已試過了超薄批底，所以這次就只簡單地選普通厚度，餅底咬落雖然沒激薄那般脆口，但微隆的邊位，吃起來也滿有麵粉香氣，入口鬆脆煙韌，做得亦頗出色。至於餡料，紐約至尊就包括有臘肉腸、意式肉粒、火腿、洋蔥、蘑菇、黑橄欖、青椒，而水牛城雞肉那邊則放上水牛辣醬、烤雞肉、紅洋蔥、煙肉及奶油白醬。先嚐一片紐約至尊薄餅，除了餡料夠曬豐富外，其實 pizza 面層的 mozzarella， 芝士味亦頗香濃，配上散佈均勻的茄醬，吃來茄味酸香又有層次。至於水牛城雞肉薄餅，由於材料加入了辣醬，吃起來既鬆脆又香辣惹味，很是醒胃，令人想一吃再吃。見團購經常推介這裡可自製薄餅，不過筆者是懶精托世，要自己動手，oh，no way， 可免則免，還是有人代勞，弄好後拿回家慢慢品嘗，更得我心啊！
繼續閱讀
得知是得獎薄餅，好奇之下試一試。店鋪位置非常偏僻，沒宣傳根本沒可能有人知。網上不少惡評多指店員態度，果然是美國式的做事態度，慢條斯理，再加上非常 cool 的老板娘，完全沒氣氛可以令人再回頭光顧，個人認為一間小小店鋪是需要親切感才可留得住客人。Pizza 可以做 half half 倆種口味，我要了海鮮至尊同煙肉芝士$63 ( 團購價 )，海鮮至尊內餡料不大清楚，只有菠蘿的濃濃甜味最搶味，其他餡料味只覺鹹味；煙肉芝士比較差，煙肉太鹹，食不出有芝士味，整體倆種味都不太差但也不太吸引。蒜香橄欖油長通粉 $25，有蒜香味，通粉淋度適中，食淡味的我可以接受不夠鹹的做法，但家人就要另加鼓油才可入口。意式千層闊麵 $38，似肉醬意粉味道，面頭滿佈芝士，都不錯。蒜蓉芝士麵包，非常香脆蒜蓉包上加芝士要加多 $6 即是 $25。整體食物只是普通，沒特別吸引。相信鹹料味濃是這店的的特式做法，重有食完口渴要飲水
繼續閱讀
幫襯團購( 病boo ), 一心諗住有得自己整, 又有得食, 百幾蚊試吓喇, 致電book位, 有個姐姐聽.姐 : 要自己整, 只限2:00~5:00時間.我 : 妳地個團購無講過哩樣野喎, 哩個時間返緊工, 妳地只列出辦公時間至9:30pm, 咁book 7:30pm有咩問題先.姐 : 哩d係公司規定, 我唔清楚.我 : ...咁有無個職位高d嘅同事同我傾傾呢?姐 : 哩到只得我一個員工.我 : ..吓...咁奇怪? 咁有無負責人電話可提供呢?姐 : 無喎.我 : 咁, 如果有咩事發生, 妳地點處理呢?姐 : 我都唔知架.我 : 妳嚟見工見邊個呢, 佢無留低聯絡電話俾妳咩?姐 : 無架, 我填完張form返工, 之後無見過佢喇.我 : 吓...如果妳無糧出咁點呀?姐 : 去勞工處囉.我 : 咁我而家可以點呢?姐 : 我唔知嫁喎, 咁喇, 你可以外賣, 不過要一日通知, 你明天安排時間過嚟攞喇.我 : 唔係掛, 咁妳地團購無講明有限時間, 因為妳地寫咗DIY, 我先幫襯, 如果外賣, 我幫襯pizza盒好過喇, 而家好似被騙.姐 : 咁你咪去報警囉.我 : O 晒咀.....咁我屏先聯絡咗團購公司先喇.姐 : 級咗我線.......!咁嘅服務態度...唉! 已經無晒興趣食喇. 好在團購肯回水.
繼續閱讀