影片
港鐵沙田站 A3 出口
繼續閱讀
營業時間
星期一至日
12:00 - 22:30
以上資料只供參考, 請與餐廳確認詳情
同老人家搵食比較難, 唔要辣, 唔要生. 又要有飯落肚. 所以今日入左黎山頭火. 叫左個燒餃子定食 $102 (有拉麵, 一碗白飯, 餃子重有半隻蛋和漬物). 原來拉麵可以選size. 小的是一個麵, 中的是個半麵. 咁大的應該是兩個吧(因為覺得自己無可能食到個大所以只問小同中的份量) 當然不同size有不同的收費. 而湯底亦都可以選. 包括豉油, 麵豉及鹽味. 我選左麵豉味. 等左五分鐘個set就到. 首先白飯唔好睇少, 都成碗份量. 食完佢都可以唔駛點食碗拉麵, 幸好只係選左細size. 拉麵裡面有筍, 一塊日式叉燒, 乾木耳及一塊"日式魚蛋"?? 麵豉湯底本身都夠味. 麵還算爽口. 至於個餃子. 皮簿而且裡面亦都啖啖肉. 只是有點凍. 幸好皮凍左亦無變硬. 由於驚不夠吃所以多叫了一個麵豉拉麵(細)$60, 同上面set的就一模一樣. 雖然係Lunch time 時份, 但侍應招呼不錯. 至少要求拿豉油還是馬上去拿.
繼續閱讀
時間已經不早，晚上不想吃得太 heavy ，兩個人只點了一個巨型海鮮中華冷麵和三文魚沙律。這個沙律很普通，三文魚、番茄和生菜溝了檻欖油和香草，全部都是生的食材很 fresh 。三文魚肥美，生菜和番茄爽脆。 到主角海鮮中華冷麵了，海鮮比想像中多，有三文魚、帶子、三文魚子、 熟蝦等，全部材料都很肥美、鮮甜，連不吃三文魚子的我也照吃；加上中華冷麵和麻醬這樣配搭，真是無敵。不過如果麵條可以煮少一點時間，麵質硬一點就更好了。這一盤兩個人share 剛剛好！
繼續閱讀
平時去開沙田市中心都知道呢個商場有唔少餐廳選擇，但係通常都去開指定幾間餐廳食飯(銀城)。今日中午諗起早幾日有朋友推薦位於新城市中心一期7樓既日本餐廳~山頭火。今日係平日中午不算太多人，大部分都是鄰近的上班族。我們叫了一個炸雞定食 (約 $126) 以及一個燒羊肉飯。炸雞定食的份量都算多，配有腩肉拉麵及半碗白飯。中午食飯不想食太重口味，侍應推薦左鹽味拉麵湯底，湯底較為清淡，拉麵麵質屬幼身，口感幾有彈性，唔會太腍/太軟身。另外值得一提既係個炸雞，炸左出黎好香口同又唔會太油膩，雞肉亦算嫩滑，整體配搭不錯。燒羊肉飯 (約 $58) 分量較為少，羊肉尚算厚身，略帶羊膻味，配上大量洋蔥，建議愛食羊既朋友可以一試。定食份量豐富適合上班一族午餐之選！
繼續閱讀
之前食過好多次覺得好正宗,但係今次第一次寫佢食評水準越來越差不寫不快叫左個帶子沙律定食,個帶子唔新鮮冇甜味蟹肉一樣好腥冇甜味好似用水烚過淡到,個飯太多水煲成碗爛爛地米碎咁,個鹽味湯底拉麵完全冇味色水似用奶溝出來拉麵硬到死好似唔熟咁,舊义燒又鞋又冇味,前菜係有色冇味烚蛋加白烚到林晒椰菜到餃子定食餃子即煎起餃子底有小小脆皮好薄熱食唔錯,味憎湯底拉麵味道濃小小夾住麵食好味過鹽味湯底好多,唔怪得食飯時間都只得4枱客,水準下降左希望只係這間分店或者大廚放假
繼續閱讀
山頭火拉麵口碑都算唔錯嘅喇，雖然去到嘅時候已經要排隊了，但系我地都系決定要試一下。咖喱牛肉餅味道真系好正吖，好鍾意食吖，一份咖喱牛肉，牛肉表面都系一層炸到淺褐色嘅樣，食落就感覺得出表面好香脆咯，但系入邊啲牛肉又唔一樣喇，入邊口感更加偏向於牛肉嘅嫩，口感一點都唔會老過火之類。雖然系炸嘅，不過入口就知道人地將油膩呢個問題處理得非常好，不會覺得油膩。海鮮麵都俾我驚喜喇，，每樣嘢都系好新鮮，而且溝埋一起又覺得味道好特別吖!而且入邊啲三文魚同章魚片仲有鮮帶子真系令人回味無窮呀，十分好味。間山頭火拉麵果然名不虛傳吖，價錢還可以，即使服務差咗啲。
繼續閱讀