影片
以上資料只供參考, 請與餐廳確認詳情
招牌菜
本身去開元朗果間至友，知道粉嶺有間就去試下，今日我去到果時半夜1點半到，坐底洗下d碗，pk見到d碗上面重痴住d腸粉，都諗住廢是理換個隻碗算數，之後個呀叔見到，行過黎用手指了走佢就算，非常專業，之後開始叫野食，叫左個蝦腸，蒸到散哂，d蝦重臭臭地，鹵水角炸到龍哂，重要冇味，咖哩魷魚同雞扎都叫正常，不過都係有d蒸過龍，我5知係咪太夜先咁既效果，之前4點去元朗果間d蝦角炸野勁正，蒸野都唔錯，點知粉嶺呢間咁差好失望
繼續閱讀
其實好鍾意飲茶同食點心，至友都係我常黎嘅點心舖之一，是日午餐拉埋同事黎陪我飲茶。鵪鶉蛋燒賣現在買少見少的點心，不知道係不受歡迎定係其他原因，好多茶樓都不做這款點心了。個人鍾意佢下層啖啖肉，鵪鶉蛋香口，加埋一齊好味又飽肚。豉汁蒸鳳爪一碟都幾多喎，有成七隻切半嘅鳳爪，個醬汁調味好正，入晒味好食。潮州糯米卷軟綿綿包面加埋煙煙韌韌嘅糯米，最正係糯米入面多花生，口感一流。富貴黃金糕最後仲有我鍾意嘅甜點，好有咬口嘅黃金糕，滿滿的椰香勁正。新餐牌，樣樣名碼實價㗎。
繼續閱讀
20160710--星期天，家人總愛到酒樓歎茶吃點心，屋企附近酒樓，假期慣性要等位，等上愈一小時，今天又唔想等位，又想食點心，想到和豐街上的至友美點，就去試試吧。看openrice,甚少食友為此店寫食評，細看之下，發現茶錢維持在$2一位，反而點心價位不算便宜，如果跟酒樓平日特價點心比較，還有點小貴，假日尚算合理。2人到達，也不用等位，但店內也差不到坐滿了客人，位置不太舒適。叫了壽眉茶和點心:蝦餃$19--皮厚，蝦和豬肉均等，平平無奇。燒賣$19--燒賣多肉瘦肉，沒有很多肥膏，鮮味不足。雞扎$19--上枱大大件，用料是火腿、魚肚、雞、冬菇，魚肚細細片味道很好。糯米雞$23--餡料不算多，份量很大，一個人吃會很飽，燸米軟燸，不會硬身，味道合格。環境:座位不算舒適食物:算是比上不足(聯和墟數間酒樓)，比下有餘(街市熟食檔點心)，食物質素一般，用料也很普通，但點心上枱時，熱騰騰的，在我心中算是合格。埋單: $84(不設加一)，二人一盅兩件，平價之選，一試無妨。20160901，再次到訪，吃的排骨飯和雞扎。排骨飯睇相都睇到雪排骨，但份量算大，雞扎賣相也吸引，味道不錯。
繼續閱讀
呢間野由早到晚冷冷清清﹐標榜24小時營業﹐居然都屹立左一段日子﹐就去試一次(聯和墟一半食肆連晚市都費事做﹐少數更每週休一日﹐免得連人工都蝕埋)茗茶$2香片唔香叉燒腸粉$17 (唔係即拉﹐而係整定由明檔攞過黎)D叉燒粒其實都OK﹐夠嚼口﹐不過細粒得太孤寒喇金錢肚 中點 $16個樣OK㗎﹐都多金錢肚不過勁有嚼口﹐咬好多啖之後吞都仲哽住喉嚨墊底的仲頂癮﹐居然係炸薯條﹐足證佢哋無常識﹐搵炸野墊住D油﹐難以下咽總體覺得可一不可再唯一例外係夜麻麻﹐聯和墟冇飯開﹐又好想食點心的話﹐才會就範
繼續閱讀
今天年初三，獨個兒來到北區粉嶺，原因是似乎很久沒有來到粉嶺，所以來到這區逛逛。然而在下所到的地方，只是在聯和墟，覓食也在這裡解決。來到至友美點門口，又想到在下喜歡飲茶，故此在下也不加思索，便進入這店舖。至友美點仿如一間小小茶樓，全店都是以木製枱椅為主，坐位間坐得較為狹窄，差點兒要背對背。看過餐牌，點選了馬拉糕，糯米卷及潮州粉果。先來到的是馬拉糕，這馬拉糕休十分巨型，在下恐怕消滅不到，後來慢慢的也被在下消滅，而且足夠兩個人一起吃怎。這馬拉糕雖是巨型，但是卻不太甜，黃糖份量也適宜。然後吃掉的是潮州粉果。這粉果看起來白了一點，而且皮略厚，不過這粉果用筷子夾起來卻散了，但未至於粉碎。吃一口確實皮厚了一點，而且內涵沒有太多花生，只是個別一粒而言，而且豬肉份量較少，粉葛較多而且皮未見煙韌。不知道是否原材料太貴而導致某些饀料嚴重不足。最後便是潮州糯米卷。同樣地糯米卷內的花生少得可憐，只有個別一粒。而包著糯米的麵包也略為厚了一點，吃下時糯灿皮還是乾身，但是糯米卻有點濕及腍。整體而言味道尚可，但是仍在水準之下，尚有改善空間，服務尚算快捷，不會因為茶客多而影響服務。唯獨點心真的要改善一下。
繼續閱讀