120
12
7
| 餐廳: | Spiga |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵中環站 D2 出口, 步行約1分鐘
繼續閱讀
電話號碼
28710055
開飯介紹
中環區意大利菜，環境舒適，適合二人世界及三五知己聚餐。午餐供應半自助餐，主菜選擇豐富包括薄餅及意粉，另外還有自助沙律吧。
繼續閱讀
營業時間
今日營業
11:30 - 15:00
18:00 - 22:30
星期一至日
11:30 - 15:00
18:00 - 22:30
以上資料只供參考, 請與餐廳確認詳情
有關獎賞計劃
優惠
| 餐廳: | Spiga |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
母親節帶媽媽去中環Spiga，之前都試過呢到Brunch，今次同樣都係食weekend Brunch，但提供食物方式唔同左，再唔係自助餐形式，而係4 course Brunch🌟TO BEGIN分了Sea, Farm, land三款，每人可以揀一款，Sea其實係海鮮大餐🤩有生蠔、青口、大蜆、海蝦、昋拿魚他他、帶子，每款都有幾隻，我最鍾意就係生蠔！另外farm係風乾火腿拼盤配芝士🧀24個月帕馬火腿鹹鹹香香，嫩滑無筋，口感細緻🌟ANTIPASTI共有十二款選擇，每人可選3款，其中我最推介既有Fried Whitebait Fish同Beef Tartare，前者係炸白飯魚😍調味唔會好重，略帶鹽味，可口惹味；牛肉他他加入蛋黃拌勻，口感幾滑幾濃肉味🌟THE MAIN ACTRigatoni "Mancini" Pork Guanciale係免治豬肉管麵條，表面帶有溝紋的和中空的部份，藏滿濃郁芝士同番茄醬🥫超級入味；Black Angus Striploin有少少過熟，應該接近7成熟，上檯時已經切好，中間略帶少少粉紅，比較有咬口🙈🌟INDULGENT FINALE冇諗過甜品環節係推架Trolley出黎😆有7款甜品加1款水果，有朱古力蛋糕、朱古力冬甩、芒果奶凍、提拉米蘇、開心果麵包球等，生果就係密瓜，想食咩同店員講就可以😌甜品環節係推架Trolley出黎😆有7款甜品加1款水果，有朱古力蛋糕、朱古力冬甩、芒果奶凍、提拉米蘇、開心果麵包球等，生果就係密瓜，想食咩同店員講就可以😌
繼續閱讀
🌟餐廳：Spiga📍地址：中環皇后大道中31號陸海通大廈3樓💰價位：～$400 - $800⏰營業時間：星期一至日 12:00 – 15:00 & 18:00 – 22:30 📱電話：2291 6161最近工作忙碌，難得今日準時收工，一於就同朋友仔搵間有情調既意大利餐廳，好好咁chill 返晚，摸下酒杯底❤️餐廳位於中環正中心地段，地點夠哂方便！———————————————————🌟ANTIPASTI 🌟🎈Italian House Bread岩哂鍾情意大利麵包既我地! 餐廳提供自家制House Bread，包括酸種麵包、黑麥麵包及芝士脆脆，搭配意大利橄欖油及黑醋，食法夠哂正宗及傳統，好出色~———————————————————🎈Tartare di Fassona, caviale e tuorlo marinto 🍽️"Piemontese Fosonna" beef tartare, oscetra caviar, pickled egg yolk sauce, sourdough croutons頭盤必試呢度著名既牛肉他他～擺盤精緻，牛肉粉嫩、鮮味十足，仲加入矜貴魚子醬，咸咸香香，提升口感，上層仲加入左soudough粒，層次感十足，大推!———————————————————🌟SECONDI🌟🎈Merluzzo nero🍽️Baked black cod, smoked pepper sauce, baby bok choy, salsa verde主菜我地就揀左煎焗黑鱈魚，廚師心機之作~黑鱈魚先焗後煎，外層魚皮白脆，魚肉夠哂嫩滑，魚油味突出，下層以中式既白菜仔伴菜，加入煙燻黑椒味，更能提升鮮味!🎈Contorni - Side Dishes🍽️Patate al forno - Roasted potatoes with Rosemary🍽️ Spinaci saltati - Sauteed Spinach配菜我哋就揀咗兩款，包括香草焗薯角 及 香炒菠菜～焗薯角份量十足，加入Rosemary 後味道更昇華，伴埋芥辣醬及蕃茄醬，食得更惹味！香炒菠菜鮮嫩十足，入口滑順清新，健康之選！———————————————————🌟PASTA🌟🎈Pappardelle al ragu di guancia🍽️Homemade fresh pappardelle, 24-hour braised beef cheek ragu餐廳招牌菜式就係各款自家制手工意粉，一於揀返款慢煮牛面頰寬帶麵先~牛面頰經24小時慢煮後，肉質夠哂鬆軟，牛味濃郁~而寬帶麵麵條口感超彈牙，掛滿由蕃茄及香草煮制既醬汁，每一啖都食得好滿足~———————————————————🌟Pizza🌟🎈Margherita🍽️Fior di latte" mozzarella, tomato sauce, fresh basil餐廳設置半開放式廚房，即叫即焗傳統意式風情Pizza，加上採用傳統炭爐烤焗，夠哂地道正宗~我地揀左最經典既Margherita口味，加入大量Mozzarella芝士、蕃茄醬及羅勒葉，夠哂傳統~餅底厚薄適中，餅皮烤至焦脆，內裡質感煙韌，加上拉絲既Mozzarella芝士，超滋味!———————————————————🌟DOLCI Desserts🌟🎈Tiramisù🍽️Lady fingers, Arabica espresso, mascarpone cream, cookie呢款Tiramisu 賣相夠哂特別，上層放左大大塊曲奇，原來內有乾坤!由店員即席敲碎曲奇，香滑濃厚既Tiramisu原來放左係下層，好特別既安排! Tiramisu入口細滑濕潤，咖啡及酒味突出，搭配曲奇餅碎一齊食，口感十足~🎈Profiterole al mont blanc🍽️Profiterole filled with chestnut cream, craquelin, candied chestnuts, warm Valrhona chocolate sauce作為栗子控既我，當然要試埋呢款以栗子為主題既泡芙! 泡芙外脆內軟，加入以栗子打成既忌廉、糖漬栗子粒，栗子味相當香濃！每款食材制作過程繁複，可見甜品師父功架十足~店員再於上層加入暖笠笠既朱古力醬，入口更加香甜滑順，係一款好精緻又有內涵既甜品~———————————————————🌟WINE BY THE GLASS🌟🎈Pinot Noir (RED) - Justin Girardin "Bourgogne" 2021🎈Sauvignon Blanc (WHITE) - Alois Lageder 2020係呢個咁優雅既氛圍用餐，當然叫返兩杯酒慢慢歎~朋友揀左入口果味濃郁既Sauvignon Blanc白酒，入口微微酸，搭配魚類及芝士等食材就岩哂~我就揀左餘韻味十足既Pinot Noir 紅酒，易入口之餘，用黎搭配牛肉他他及Pasta 更加係perfect match!———————————————————👅整體小總結先介紹餐廳既環境，裝修及陳設充滿歐陸式既古色古香，優雅浪漫，燈光柔和，情調及用餐氛圍無得彈~食物方面，餐廳由米芝蓮星級Chef Enrico Bartolini 開設，菜單以時令食材炮制以及定期更換，正宗意大利風味，質素夠保証!值得一讚，店員服務殷勤有禮，上菜、擺碟及添酒都十分專業，令我同朋友仔可以chill 住咁慢活一晚，超級值得一試啊❤️———————————————————
繼續閱讀
同男朋友去aia玩，玩完經過中環mtr附近大廈spiga 廣告牌幾吸引， 所以就上去試下。一入到去感覺好高級，仲分左室內外區。 地方寬敞，配合微柔燈光同復古設計，環境好有情調。前菜叫左個cold cut精選拼盤， 有成6種唔同種類既風乾火腿， 每款味道都唔同，有d咸香味濃，有d質地柔軟， 有款部位仲好特別比較硬身口感似牛肉乾， 配合橄欖，蕃茄乾同甜甜嘅洋蔥醬，真係勁有意大利風情， 岩哂一大班人配埋酒 chill住食。Beef Tartare 呢道前菜好出色，牛肉質地柔軟，口感嫩滑，配合左黑魚子、蛋黃醬、薄荷葉、烤土司片等配料，增添豐富層次和風味。主菜黑鱈魚肉質鮮嫩好滑， 皮煎得好香脆，配菜白菜仔放低，但炒得蒜香味好濃郁， 醬汁帶有小小紅黃椒既味道，成個感覺好fresh慢煮牛配自家製闊條麵，呢個真係必點，牛肉面經過24小時慢煮成肉醬， 牛味香濃，口感細膩，配上自製煙煙unun 闊面， 每一口都掛滿肉醬，超正，唔夠喉😝。最後當然食餐廳 signature tiramisu , 勁大份 ，好靚影相一流，上面係餅，敲碎後加埋底部既tiramisu一齊食，又唔會太甜，充滿層次口感，又係必叫甜品。
繼續閱讀
Spiga (中環)中環皇后大道中31號陸海通大廈3樓。Spiga相信唔少人都識，特別係中環番工或者蒲開嘅一定唔會陌生 🤓 搭地鐵嘅話D2蘭桂芳出口一出就到～ 港島區番工嘅去一去queen's road就會搵到佢 😌。今次黎試過佢個tasting menu ($698/person), 唔洗用腦又食到曬signature dishes就最鐘意 😝。Tagliere di affettati selezione "Coccia Sesto"個名咁複雜，其實係ham plate 🤣 有幾款ham ham，又有salami，配上新鮮olives同onion jam，充滿意大利風情 🇮🇹。Tartare di fassona, caviale e tuorlo marinato 我好鐘意食beef tartare，今次仲加埋珍貴嘅caviar，拌勻egg yolk sauce一齊食，加埋有sourdough croutons脆脆嘅口感，形成強烈對比 👍🏻。Linguine all'astice龍蝦意粉係餐廳嘅招牌菜，龍蝦汁無過鹹，龍蝦起肉切粒，我反而幾鍾意食呢個portion，無咁漏同飽 🦞 。Merluzzo nero Baked black cod係對版的 🐠 魚皮煎脆，魚肉嫩滑，幾欣賞佢個smoked pepper sauce，味道好特別。Panna cotta zucca a melograno最後甜品係panna cotta，creamy口感又唔甜，為呢一餐畫上完美句號 😍。@spigahongkong 。#gpigcentral
繼續閱讀
中環有間意大利餐廳，環境幽靜，裝潢優雅，主打多款正宗意大利料理，由前菜到甜品應有盡有，賣相精緻，適合打卡。員工服務態度友善，地點方便，價錢親民，好啱紀念日嚟慶祝🍾Pizza款式眾多，要咗個經典嘅Margherita，面頭舖上Fior Di Latte Mozzarella、番茄醬同新鮮羅勒，外層脆身，餅底好薄，芝士份量唔少，食落唔膩，性價比高，值得一試。主食有Tagliatelle，會推個車仔出嚟喺你面前煮，加入大量Pecorino Romano，仲有牛油、檸檬等調味。羅馬芝士味道香濃，有助提升菜色層次，麵條軟硬度適中而且幾掛汁。另外有Risotto，採用Acquerello陳年米，大粒飽滿，混合Parmigiano Reggiano、Smoked Spanish Cantabrian Anchovies、牛油、檸檬等，味道較清淡，正常發揮。甜點有Tiramisu，賣相好特別，上層有一大片曲奇，敲碎後可享用，忌廉入口細滑濕潤，微微咖啡同酒味，曲奇又香又脆、Profiterole al cioccolato e nocciole都唔錯，泡芙外脆內軟，上層倒入朱古力醬，更甜更好味🍫
繼續閱讀
您可能會有興趣的...