影片
以上資料只供參考, 請與餐廳確認詳情
一年一度入粉嶺拜山的日子又到, 拜完山之後周圍搵嘢食, 行下行下就嚟到粉嶺中心, 嚟到呢度見到都有幾間選擇, 但見呢度好似唔係太多人, 望落又幾光猛, 個午餐又算OK, 所以就入咗嚟, 估唔到.............坐低冇人理, 又冇人比水, 連落單都係自己填紙仔, 但我地張枱冇午餐果張紙仔, 問D伙計有冇午餐, 佢又叫我地填紙仔, 我地話d紙仔都冇午餐, 佢先知道要去拎比我, OK自己填完之後叫佢落單, 然後要求比2杯水, 但呢個伙計又點另一個去斟飲品加拎水比我地, 點知............可能呢個伙計生手, 用個托盤裝住2杯飲品+2杯水, 當放低完2杯飲品之後, 竟然托唔穩個盤, 成杯熱水瞓低咗响個盤度, 但有半杯熱杯倒咗落我度, 搞到我即刻彈起身, 佢不但冇講對唔住, 竟然係第一時間拎過杯水比我, 當我仲自己抹緊身時, 先識問我有冇事, 先講對唔住, 再去拎布抹枱, 呢個伙計已經唔醒, 但竟然冇其他伙計嚟幫手, 唔通見我唔出聲? 早知大大聲叫救命啦~~ 熱水嚟架, 我隻手都紅紅地, 老公叫我即刻塗d hand cream去舒緩一下, 唉........就算係茶餐廳呀, 都拿拿林有其他伙計嚟幫手抹下、sa個冧丫, 呢度.............冇得救.............. 大排麵 個名令我聯想到塊豬扒好大塊, 但原來唔係lor~~ 唔大塊之餘仲炸到好乾, 就算我將佢浸番落d湯度先食, 但都係好乾好硬........... 個麵就唔太差, 煮得都唔會太林 個湯都有d味, 有少少雞味, 唔係太味精 糖醋排骨菜飯 有個湯跟, 味道似雲吞雞湯, 但太濃味 糖醋排骨係凍的, 而且得個色, 係冇味的 未食過d菜飯係冇乜菜的, 人地菜同飯的比例係差不多, 佢係1成菜, 9成飯, 但要加$3先有菜飯, 真係唔抵, 又唔係好食, 又冇乜菜 檸檬薏米水即係將杯薏米水加1片檸檬, 但同凍檸水味道差不多, 可能薏米水本身都係淡掛?到我食完成餐, 件衫同條褲都仲係濕, 搞到我周身唔舒服, 而且d伙計好似當冇事發生咁...............但我一見到人拎菜上嚟, 我就有陰影, 一路望住, 驚佢又拎唔穩倒落嚟.............其實都唔知佢叫做 "八哥潮食" 定 " 寶哥味館"? 張單同個舖名都唔同................
繼續閱讀
工作忙到要死,終於有一天在家休息又順便到家附近找吃,當去到之前八哥的食市發現位置已換了名字叫寶哥味館,而且食物比以前類型簡約了很多,而且價錢在同區內的茶廳相近都是31~39元一個餐到店坐下不久研究餐牌,發現他有SET LUNCH,而且每星期4款選擇可是今天可能不帶運,想吃的餐竟然換了另一款攪得我不太想吃最後單吃了個星洲炒貴刁+熱奶茶在等候間環顧四周,發現裝修是換了些比較舒服的軟座外其實和以前沒太大分別最大分別是老闆及店員沒一個一樣,看來裝修是門面說法真的是轉手了不久星州炒貴刁就上來,貴刁到步不久就轉來陣陣香味,令我急不及待的拿起筷子就吃貴刁甫一進口就感受到它那種軟滑彈牙感,這部份還不最欣賞,最欣賞是它既香但不辣而且味道不偏重口味,不會料過咸而影響了貴刁原有的味道,可算是主配分明而奶茶更是合我胃口,我比較注重傳統的奶茶味道,就是真是用奶和紅茶沖出來那種現在香港這種比較難喝到,更過份的是有些店家用奶精沖奶茶真是完全攪得不像奶茶這家的奶茶真的很正,首先奶和茶很平均,沒有過多奶而變得沒茶味,茶那種淡淡的茶味在奶中慢慢滲出來,那種混合的香味可真是不錯說,可能愛現下奶茶的人不太欣賞可是它的味道真是令人有真正港式奶茶的口感還有餐湯附送,雖然這個餐湯沒什麼特別之處,或者說有夠平凡平凡到非味精湯,是那種用材料煮出來的湯味,比較有家庭口味飲到原材料的味道,但不咸不野美總括來說如它店說一樣真的可以吃得很健康算是有營食市想不到前陣子在憐村找到家好吃的意式餐廳反現在有多家食堂粉嶺真是越來越多高質素的食市,而且價錢對比起那種連鎖集團的店便宜而且食物質素遠遠比它們好,希望日後粉嶺會有更多這類質素高的美食就好
繼續閱讀
很久已沒有去粉嶺過頭食嘢, 星期日決定去看看有沒有新店,果然有間位於粉巔中心名為 "八哥潮食" 的港式日本食品餐廳, 當時已是晚上七點多, 環看週圍的食店門口都有少量人龍但奇怪只有這間潮食店沒有且仍有空位, 抱著一試新嘢心態即管入去馬上有侍應走上前招呼, 看看餐牌發覺原來是專提供鐵板燒和以焗煮方式食物, Order 了意醬焗燒雞扒拉麵: 醬汁過多且過濃過甜而所謂拉面的面質就好似公仔面，雞扒碎濕濕很難搵到一件較為完整的, 可能因為是用了鐵板盛載的原故當食到近底的就有些鐵銹味, 整體不是一個好煮意，八哥鐵板炒飯: 是用了雞肉, 豬肉, 牛肉及一些什菜先炒好後才放上鐵板的, 6吋的鐵板盛放平面的炒飯, 份量極少,最初食的時候還可以因味道一般但同樣食到近底的又有些鐵銹味, 又是一敗作， 鐵板炒什菜： 什菜有很多種類, 味道尚可又是同一原兇即鐵銹味, 整體餐廳應改善盛載食物的器具,不過幫襯一次就就夠啦!
繼續閱讀
去油站換偈油﹐要等40分鐘﹐油站唔近公司﹐唯有蛇去粉嶺中心11:15am踩入去﹐店員話清潔緊﹐11:30先至正式營業﹐但照俾我坐﹐仲提我廚房可能未準備好﹐叫我耐心等10分鐘左右﹐服務一流﹐讚~﹗午餐﹕石鍋鴨胸拉麵+凍檸茶小甜期間阿姐驚我等得唔耐煩﹐叫完人斟茶﹑又叫酒吧快D上檸茶﹐再讚~﹗雖然石鍋鴨胸拉麵係午餐中最平的﹐但我覺得是最抵的﹕石鍋洋蔥汁鴨胸+另上拉麵﹐凈係洗石鍋都唔少工夫啦
繼續閱讀
話說朋友最近黎呢到返工,諗住試下好唔好食,順便探下佢其實呢間餐廳位置幾入下但估唔到8點幾差唔多9點重會咁多人坐底見到左右都差唔多食完但意見都係味道太濃 $48茄醬有點濃,令到芝士味太減可能豚肉飛水太熟,令到再焗時肉變老拉麵很爽口,不錯 $22這碗芝士雖然不多但茄醬味不濃,反正更好味 而且煎餃無因為醬而"林"可惜只有3隻底部有一些洋蔥也很好味
繼續閱讀