影片
電話號碼
23203380
營業時間
今日營業
11:30 - 15:30
18:00 - 22:00
星期一至日
11:30 - 15:30
18:00 - 22:00
以上資料只供參考, 請與餐廳確認詳情
溫泉玉子粒粒魚生丼💰HKD $73👦🏻環顧大興邨周圍，可以食到嘅日本魚生飯🍱好似都係得呢間餐廳，不過都唔代表佢嘅質素冇返一定係水準🙌🏻呢個價錢（$73）作為一個lunch算係性價比唔錯嘅一餐🤩👍🏻。呢個溫泉玉子粒粒魚生飯一次過滿足晒幾個願望💭，可以一次過食到幾種唔同魚嘅粒粒剌身另外再加上充滿溫泉蛋汁嘅飯粒。Lunch Set 連一個小沙律🥗同埋麵豉湯，真係包你食完之後飽飽咁樣出返門口😋
繼續閱讀
天氣炎熱諗住食個魚生飯買完返去 雖然佢好貼心俾咗個冰袋但係真係好難食好難食同埋好難食佢啲魚生全部都好難食 個豉油好鹹連杯齋啡都好難飲🥲是酸的個湯就普普通通都OK 個沙律都不過不失 係啲醬多咗啲有啲鹹$74蚊 食到一半掉左 🥹講真見到佢餐廳一個客人都冇就知咩事有啲嘢真係唔使試🫢🫢🫢😟
繼續閱讀
食左好多次，見佢咁少評價，真係忍唔住寫返一篇。性價比真係壽司店之中最高。午巿推薦京蔥拖羅蓉丼，麵豉湯有蜆肉，好好味。追加炸蠔、炸芝士餅，芝士餅上面有煉奶，配合得好好。呢set套餐巿區食的話，價錢起碼貴一倍。之前晚市，叫左個海鮮蕃茄鍋，個湯底又真係好濃蕃茄味，未食過咁濃味既湯底，好正👍 有食過海膽拖羅蓉 同 雜錦海鮮魚生飯，刺身好鮮甜，海膽好新鮮。之前開party，外賣自取過一大盆壽司，都係好新鮮。呢間係我首選既日本餐廳價錢平民，質素好過巿區，平時有區外嘅朋友嚟到，我都會推薦呢間
繼續閱讀
呢間餐廳好近我公司，我已經食過無數次，不過平日食晏晝，都要打電話book位，試過一個人walk in 去食，都無位！餐廳就比較細，枱與枱之間就迫啲，不過價錢真係十分之抵，所以覺得坐逼少少都無所謂。通常我都係食角切三文魚飯、三色魚生飯、或者係三文魚魚生飯，今日就試吓同事推介嘅燒三文魚頭定食（$79）。定食有一個三文魚頭同埋魚腩，燒到好香，有豐富嘅魚油同脂肪，非常好味，不過呢個要事前打電話book定，如果現場叫，要等20分鐘先有得食啦
繼續閱讀
朋友極力推薦抵食午市定食，睇餐牌已經好吸引，上枱時更加驚喜，份量多賣相吸引三文魚魚生丼 $69包含沙律，麵豉湯，飲品，如果驚唔夠食仲可以無限加飯加湯，適合大食既朋友魚生新鮮大片仲好厚身，有6大片仲好肥美，足滿魚油香味，而且舖滿大量魚子，好大碗好抵食麵豉湯香濃好味，沙律菜都新鮮京蔥拖羅蓉丼 $79包含沙律，麵豉湯，飲品，新鮮拖羅蓉舖滿全個碗，份量好多，足夠拌全碗飯食仲可以另外加配小食，而且免收加一服務費，所以十分抵食
繼續閱讀