影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
有關獎賞計劃
🧧初二去左親戚到拜年，佢地心血來潮話想食自助餐，我拿林林上網搵下，見到最近間酒店網上訂座有優惠，就同佢地試下🤭餐廳地方唔算好大，但都坐得幾闊落✨今次主題係 「牛迷·龍蝦·生蠔」海鮮自助晚餐食物選擇唔算太多，但Refill速度都算快，同都有少部份變化，由於新年關係，提供幾款賀年菜式，🥢刺身撈起、盤菜同蘿蔔糕等😆🔸生蠔🦪即開，唔算好大隻，但味道鮮甜帶海水味🔸刺身有6款 ：三文魚、吞拿魚、鯛魚、紅蝦、馬刀貝同墨魚🦑特別推介紅蝦，但供應有限🔸海鮮凍海鮮有5款：長腳蟹腳、🦀麵包蟹、🦐海蝦、翡翠螺同青口，整體都好新鮮🔸芝士龍蝦🦞龍蝦得芝士焗，唔算太大隻，大部分都有膏，肉質爽彈🔸天婦還有金菇、南瓜同四季豆，略嫌炸粉有少少厚🔸燒和牛西冷/羊架和牛肉質軟腍，肉味唔算濃，🐐羊架略嫌有少少過熟🔸甜品自家製點品，🍫朱古力噴泉，仲有任食haagen dazs雪糕📣新年期間由初一至初十五（10/2-24/2、悦品酒店 The Platter 亦會送上新年利是優惠券🧧
繼續閱讀
餐廳：The Platter (葵涌) 地址：葵涌青山公路 - 葵涌段443號悦品酒店‧荃灣LG樓 悦品酒店‧荃灣嘅裡面嘅The Platter @the.platter.by.cozi 最近推出咗以「牛迷·龍蝦·焗蠔」做主題嘅海鮮自助晚餐🍽，逢星期六日同公眾假期承惠成人每位$568再加一，喺OpenRice預付仲有高達57折優惠，即喺$1408就包晒4位連加一嘅3個半鐘任飲任食自助餐😍，除返開埋單每人都只喺$352，一個咁抵嘅價錢就可以任食波士頓龍蝦🦞、即開生蠔🦪、麵包蟹🦀、燒澳洲和牛西冷🥩、和牛壽喜燒🐃、Häagen-Dazs雪糕等美食，每樣食返幾件都即刻回本😋 雖然餐廳環境唔算大，但喺位置空間都幾舒服同乾淨✨，仲有好多寬敞嘅梳化座位；Refill食物同收碟嘅速度都幾快，客人亦唔算好多，所以基本上每款食物想食都隨時有得拎，唔會出現大排長龍或者無晒食物嘅情況👍。食物同飲品選擇大概有60至70款，以酒店自助餐嚟講唔算多不過食物質素都算中上，唔少一家大細都過嚟共聚天倫👨👩👧👦，享受呢幾個鐘豪飲豪食嘅滋味一開波緊喺要食晒啲最矜貴嘅食物😎，先拎晒啲每人每次限攞一份嘅主題食物：生蠔專區由師傅即場開蠔殼🦪，再沖水沖走沙石同蠔殼碎片，雖然唔喺好大隻但鮮味十足，加埋少少自製辣汁同檸檬汁就更加提鮮🌊；焗波士頓龍蝦肉質飽滿鮮甜🦞，加咗芝士再輕輕炙燒🔥，充滿火熱「芝味」🧀；和牛壽喜燒每份有一至兩片和牛，不過因為加熱完就放喺度冚住蓋俾人拎，所以和牛片有少少過熟🤏，慶幸嘅係和牛羶香凸出，壽喜燒汁亦唔會太過濃味，仲有唔少蔬菜喺入面幾豐富👍；燒澳洲和牛西冷同燒羊鞍由師傅即場切出嚟比食客👨🏼🍳，個人特別鍾意羊鞍嘅羊羶味🐏，加埋少少黃芥辣味道一流🤤 冰鎮海鮮方面有雪花蟹腳、麵包蟹、白蝦🦐、藍青口同翡翠螺，雜錦刺身就有赤貝、鯛魚、三文魚、吞拿魚、北寄貝、阿根廷赤蝦同魷魚等，長拎長有，整體味道都幾新鮮，食咗幾輪都唔覺有腥味；另外有多款沙律🥗，海鮮沙律同慢煮雞胸配藜麥牛油果沙律都值得一試；惹味嘅蒜香炒鹿兒島和牛粒都喺必食，上湯龍蝦伊麵同白酒香草忌廉汁龍蝦鉗更加喺搶手菜式，仲有小朋友至愛嘅爐端燒🍢 甜品方面有朱古力噴泉、多款西餅蛋糕🍰、雜果啫喱、新鮮生果🍉、我最愛又食咗3件嘅滿滿蛋香香脆窩夫🧇，同兩款品牌：Häagen-Dazs仲有Cocoberry嘅雪糕，每款都有幾種口味🍨；配埋杯咖啡機沖嘅Cappuccino或者飲番杯果汁簡直就喺滿足🍹
繼續閱讀
鮑魚和龍蝦自助餐♥️💕餐廳裝飾得奢華,充滿了典雅的氛圍💕為整個用餐體驗增添了不少情調。本次自助餐以鮑魚和龍蝦為主打，各種精心烹製的鮑魚和龍蝦料理🥺把這些海鮮的極致味道完美地呈現出來。🃏芝士焗原隻波士頓龍蝦整隻肥美鮮甜的波士頓龍蝦,表面覆蓋濃郁的芝士醬汁,在烤箱中烘烤至金黃酥脆,肉質Q彈多汁。🃏芝士龍蝦鉗鮮甜的龍蝦鉗,裹上濃郁的芝士醬,入口即化,芝香四溢🃏中式鮑片炆花菇以新鮮鮑片和花菇為主料,慢火炆煮,使鮑魚與花菇的鮮味完美融合。口感柔嫩滑順,鮮香四溢🗯️🃏刺身三文魚新鮮肥美的三文魚,切成薄片後直接上桌,搭配醬油及芥末,味道清新爽口,令人回味無窮。🃏刺身大海蝦鮮嫩的大海蝦,以刺身的方式呈現,讓海蝦本身的甜美口感完全釋放出來🃏即煮海鮮雞粥:廚師以新鮮海鮮和雞肉熬製而成,濃郁鮮美,搭配脆爽的蔥花和香菜,溫潤入口🗯️甜品區🎄日式綠茶卷精緻的日式甜點。綿密的蛋糕外裹上翠綠的抹茶醬,內餡為柔軟細膩的綠茶慕斯,香甜醇厚☺️
繼續閱讀
葵興悅品酒店《The Platter》做緊「南歐風味火腿主題半自助晚餐」，一心過黎任食 Parma Ham同芝士都抵，結果食物種類多到超乎想像，從未食過咁豐富嘅半自助餐🙈，最平個餐都係兩百幾蚊，性比價真的很高👍🏻👍🏻👍🏻主食水準都唔差，食得津津有味，選了高級海鮮料理之一的《香檳忌廉汁芝士烤波士頓龍蝦》，兩個大鉗拆肉送上🥰，肉質彈牙又鮮甜。七成熟的《海鹽烤美國安格斯肉眼配紅酒汁》肉質幼滑，而且多汁😋自助餐區有齊中西式餐湯選擇，餐包自助烘熱，款式選擇也算多，多款沙律供應，連龍蝦沙律都有😋，冷盤有青口，海蜆，蝦及翡翠螺，甜品蛋糕款式都好多，又有窩夫，衣家先醒起，點解我唔整雪糕窩夫呢！🙈 至於雪糕雖然只得香港品牌coco, 不過芒果同沖繩鹽口味都唔錯喎！結尾仲要食埋蕃薯糖水，再嘆埋杯咖啡先走😂
繼續閱讀
荃灣悅品酒店LG層的The platter周末自助午餐最近轉左主題今次係和風韓流亮點有每人每次限攞一窩的和牛壽喜燒和牛入口即溶湯汁有點甜有彈牙烏冬配菜金菇，冬菇做成日本傳統既壽喜燒熱盤中泡菜炒豬肉少辣，惹味肉片非常軟配上椰菜海鮮類凍蝦夠鮮味彈牙麵包蟹勁多膏蟹鉗好大隻，啖啖肉刺身吞拿魚大量供應非常新鮮馬刀貝非常爽口到1點半左右就賣晒好受歡迎柚子黑糖雞皮脆微微地甜味雞脾位啖啖肉肉質嫰滑哈根大斯大量供應口味齊全人蔘雞湯勁足料超多人蔘，紅棗，雞肉啖啖蔘味，夠補身熱食有芝士海鮮意粉，白汁魚柳，椒鹽蝦，蔬菜，清酒煮蜆海鮮：螺，青口湯：人蔘雞湯，蕃茄湯海鮮薄餅，串燒，沙律甜品：泡芙，布丁，水果，窩夫KKday做緊優惠$267一位以四星酒店黎講價錢唔貴，食物豐富，性格比高
繼續閱讀