影片
港鐵旺角站 B3 出口, 步行約1分鐘
繼續閱讀
營業時間
星期一至四
13:30 - 19:30
星期五
13:30 - 20:30
星期六至日
12:00 - 20:30
以上資料只供參考, 請與餐廳確認詳情
伊佐茶序開左係旺角T.O.P.商場既5樓空中花園附近，好岩買杯野飲再去花園到hea下。😎鳳梨金萱🍹茶底用左台灣阿里山既金萱茶，再加上一整顆新鮮鳳梨搗碎然後熬煮而成既鳳梨汁🍍入口清甜有果香味。.入面有菠蘿乾同好多既菠蘿粒，味道酸酸甜甜，成杯飲品開胃解渴，好適合炎炎夏日既消暑清新飲品☀️.另外，佢地同本地插畫家「大大與小妹」有合作，店面有好多大大與小妹既裝飾，仲有一個好大既菠蘿水泡圈，好適合影相打卡😊
繼續閱讀
芝士奶蓋係我既至愛，而係呢間日式飲品店就見到至愛加至愛-「奶蓋阿華田」奶蓋阿華田 $30滿心歡喜去試呢杯飲料，發現原來阿華田同芝士都好夾!呢間日式既奶蓋做得好出色，好creamy同好濃厚既感覺。飲飲下，大約半杯到就開始覺得滯，可能因為阿華田本身就好甜同好濃味，如果同朋友share就剛剛好~$30飲阿華田既感覺好似好唔抵咁~如果未飲過既可以試飲下，因為佢地「兩個」係出奇地夾~但係如果大家已經試過既就建議試下其他款式啦～
繼續閱讀
近來成日用 app 搵野飲野食,去到t.o.p.就搵到呢間,其實一直都唔知佢嘅存在,因為位於商場頂樓(不計辦公室大樓),真係超隱秘,仲要行樓梯上的!!奶蓋黑糖布甸原價$32 用app 就平d:$25評分:2/5同好多賣黑糖系列嘅店一樣,唔可以改變冰度同甜度!首先冰度也就還可以,之前有人同我講係要免奶蓋沈下去的,所以都能理解。而奶蓋就不多,味道也很一般。最中問題是黑糖,完全沒有黑糖味只有更甜,係超甜。完全蓋過了牛奶味!
繼續閱讀
唔洗多講，大家都知香港茶舖開到成行成市，要突圍而出唔容易。唔知係咪咁，今年好似多左好多茶舖有應援活動。身為迷妹，見到自己中意既應援都會去幫襯下，不過之前伏過一次...某茶舖的飲品可以用難飲泥形容。所以今次見到伊佐茶序有，都驚會中伏。去到T.O.P，揾左陣先發現原來係頂樓，店面都大，望落好乾淨企理， 旁邊係出露台的玻璃門，門口仲放左個菠蘿大水泡😆一定係打卡用！因為唔想飲奶蓋，珍珠奶茶呢d，所以請職員推介。職員好有耐心，先問我地喜好邊類型飲品，中唔中意甜。最後叫左一杯鮮柚蜜綠同鳳梨金萱呢到可以用wechat Pay 同 Alipay，剛好Alipay 做緊promotion，有優惠卷可以減$7! Yeah! 因為冇咩人，好快就有得飲鮮柚蜜綠(紅色)：杯入面有塊西柚，第一啖可能冇拌好，西柚既澀味好重，之後攪拌過，蜜糖(好似係)中和左西柚苦澀味，雖然綠茶味淡，但夏天飲呢杯都幾解渴！鳳梨金萱：按職員推介keep返正常甜，杯入面有塊乾菠蘿(阻住攪拌)，底有菠蘿粒，第一啖都幾甜~ 金萱茶被菠蘿味搶左，但都飲到淡淡甘甜味。店旁仲有個用乾花佈置，放左單車既打卡位。又扮下偽文青先~個人中意鮮柚蜜綠多d~ 迷妹們可以留意下呢間店有冇應援活動~
繼續閱讀
這次光顧了「伊佐茶序」的鳳梨系列，非常適合夏天的一杯飲品，而且看來似是今季的重點推介，因為店門掛了很大個的菠蘿水泡圈。這間茶飲店有本地手繪畫家聯名主題。茶底是金萱茶，是一種半發酵烏龍茶，屬於新品種。入口有清香茶味，而且有微微蜜桃香，完全呈現出金萱茶特點。杯內有一塊菠蘿乾和大量新鮮菠蘿果粒，入口有著濃郁香甜的菠蘿味。平時怕甜的筆者，因為是和朋友分著喝，罕有的點了正常甜度。原本有點怕未能入口，但甜度可以接受，不會一片死甜，帶著果香。
繼續閱讀