影片
開飯介紹
餐廳環境乾淨，位置不多。提供2個小時任食任飲雞煲及鴨煲，而火鍋則提供8款湯底，如沙嗲鍋、川椒麻辣鍋、藥膳鍋。特別推介冬蔭功鍋。而配料亦十分豐富，有美國肥牛、鮮鵝腸、海蝦等。
繼續閱讀
附加資料
任食火鍋
營業時間
今日營業
17:00 - 23:45
星期一至日
17:00 - 23:45
公眾假期
17:00 - 23:45
公眾假期前夕
17:00 - 23:45
以上資料只供參考, 請與餐廳確認詳情
有關獎賞計劃
👦🏻👧🏻嚟到旺角食二鍋頭嘅「烤魚雞煲火鍋放題」，有雞煲、豬手煲、牛尾煲任食，食完之後可以轉食烤魚，跟住再轉食打邊爐，火鍋配料仲有好多選擇添！出面自助區可以任拎蔬菜、丸類、飲品同雪糕。星期日至四成人$298，星期五六日$338，有咁多嘢食同雞煲烤魚質素高，性價比相當唔錯！🐤二鍋頭惹味雞煲有大辣、中辣、小辣同唔辣揀。我地叫咗唔辣，上枱時店員會先炒幾下，雞肉炒得好香口，就算係雞胸肉都好嫩滑入味，醬汁惹味，做得幾出色👍🏻🐟海鱸魚魚可以選擇海鱸魚或者清江魚，而味道方面可以選擇麻辣味、香辣味、酸辣味同醬香味（唔辣）。海鱸魚大大條魚肉份量多，煎過嘅魚皮有香脆感，而浸咗湯之後嘅魚皮會變得有煙靭感。魚肉潔白肥嫩，醬香味好惹味，醬汁煮得越滾令魚肉越入味！仲有蓮藕、豆卜同豆皮係底到吸湯，吸收晒魚肉嘅精華！🍲湯底有10款湯底選擇，因為雞煲同烤魚比較濃味，所以湯底我哋揀咗比較清啲嘅蕃茄薯仔湯，估唔到有驚喜！蕃茄味非常香濃，配肉類都無咁膩。✨火鍋配料推介✨🐮安格斯牛版腱呢個食完一定要encore，一碟有三大片，切得有厚度，食落肉味濃厚同有口感。🐷西班牙豬梅肉豬肉片油花分佈均勻，肉質軟腍，唔會好肥。💦活海蜆粒粒都洗得好乾淨冇沙粒，蜆肉肥美飽滿，非常鮮甜！🦐活海蝦海蝦爽口彈牙，有鮮甜味，沾少少豉油帶出鮮味。📍 二鍋頭 (福苑) (旺角)旺角西洋菜南街138號福苑2樓
繼續閱讀
♡ 旺角任食雞煲火鍋店｜二鍋頭 ♡-呢排天氣凍返 成日都諗住打邊爐🍲於是今日就嚟到旺中對面嘅二鍋頭 最緊要係性價比高 又近地鐵站🥰 佢哋嘅雞煲、牛尾煲、豬手煲任食再加埋可以任打邊爐🤣 價錢亦都好實惠 而我哋就揀咗嚴選安格斯牛肉餐 $268 一位💁🏻♀️食到真係好滿足～～❤️- ♡ 湯底 ♡ 湯底嘅款式種類都好多 我哋就揀咗冬陰功湯唔算好辣 但係又好入味👍🏻 -♡ 雞煲 ♡ 辣度可以自由選擇雞件都好滑嫩完全冇嚡熠熠嘅情況 食完已經幾暖身😛-♡ 牛肉 ♡ ✨安格斯牛板腱肉味好濃郁 而且仲好多肉汁 入口滑順而有口感✨安格斯斯封門柳肉質更加滑嫩同香濃 肉質更加腍-♡ 海鮮 ♡ ✨海蝦佢哋嘅海蝦都幾新鮮 而且都幾大隻 肉質鮮甜✨沙白隻隻都好大隻同厚身 質感好有韌性✨脆鯇魚片✨水土魷-♡ 自助區 ♡ 自助區亦都有好多唔同種類嘅丸、蔬菜🥬、水餃、腸仔等等～ 旁邊仲有得可以拎炸魚皮同埋韓國麵/出前一丁。 -♡ 飲品區 ♡飲品選擇有鴻福堂涼茶、台灣製造嘅茶一刻、罐裝汽水等等。-♡ 甜品區 ♡最後我哋就食咗cocoberry雪糕🥰佢哋嘅雪糕出名就係味道特別。❥#⇢店鋪資料：二鍋頭 (福苑) (旺角)旺角西洋菜南街138號福苑2樓## 🔍尋找同區美食📍➾ #礦泥黃X旺角-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處#香港美食地圖#香港美食指南
繼續閱讀
之前係尖沙魚食過火鍋放題店二鍋頭，放題除咗火鍋之外，仲可以任食雞、鴨、豬手煲，好抵食🤑今次再戰旺角分店，有🥩精選牛肉、嚴選安格斯牛、特級極上和牛3款放題套餐，仲可以加$88有羊腩煲放題，全部都係任食，唔怕你食到嘔最怕你唔食咁款🤣🤣趁住冬天可以嚟擦餐勁😎嚴選安格斯牛放題🥘羊腩煲羊腩份量超多👍🏻反而馬蹄、筍、枝竹佔少數。羊腩好入味，有肥啲同瘦啲嘅部位，部分連厚厚嘅皮，好軟滑幾正😋瘦嘅部份亦炆得夠腍。羊肉偏向冇乜騷味，係大家都會接受嘅味道。醬汁鹹淡適中，沾點腐乳醬更惹味😍🍲越式香濃牛肉鍋食完羊腩煲就轉火鍋，叫咗未見過嘅越式牛肉湯，見到湯底有好多配料，好似牛肉片、香葉、檸檬等，好有越南pho嘅感覺😛聞落好香香葉味，食落味道就唔算好出。其他湯底都有啲惹味嘅選擇，好似麻辣鴨血鍋、沙嗲鍋、養生鷓鴣鍋、冬蔭功鍋等。🥩美國牛胸腹、本地鮮滑牛、安格斯牛板腱、安格斯封門柳呢個套餐包4款牛，封門柳貪佢肉味濃，肉質緊實，我自己就鍾意本地鮮滑牛，大大塊又厚身又滑😚口感幾好。另外都有唔少其他肉類選擇，連油鴨脾都有。🦐海鮮海鮮類都有花枝片、白鱔片、蝦、帆立貝等，我就叫咗水土魷、活海蜆、墨魚滑，魷魚好爽脆，海蜆新鮮無沙。🍢火鍋配料雪櫃放咗唔少蔬菜、丸、餃可以自己拎，都係啲大路款式。🍨飲品、雪糕有包裝飲品可以自己拎，甜品就有榴槤雪條、豆腐雪糕或tiramisu雪糕。雪糕味道偏清淡。人均消費：$360推介指數（10分為滿分）：7.5分
繼續閱讀
´༎ຶД༎ຶ` 雞煲‼️牛尾煲‼️ 豬手煲‼️ 烤魚‼️ 火鍋‼️以上全部⚠️無限量x無限時🫵🏻任飲任食😭食足7個鐘!! 高質素高CP!! 真係抵到傻!!🧚🏻♀️~~~~~~~~~~~~~~~~~~~~~~~~🧚🏻♀️🟢 —— 秘制火焰牛尾煲玫瑰露酒點燃起熊熊烈火, 打卡先～但最緊要唔好虛有其表🤣秘制醬汁加入大量辛香料爆炒牛尾大大舊啖啖肉, 炆至入味裹滿香濃醬超惹味, 重口味人士必叫!!🟢 —— 二鍋頭惹味雞煲大推!! 店員翻炒已經香到流口水…呢款比起牛尾煲淡啲🐔但同樣香濃惹味雞肉滑嫩爽彈, 唔要雞腳都可以同店員講～🟢 —— 香濃黑椒豬手煲豬手炆至軟腍入味, 啖啖膠原蛋白🍖通常食一兩舊已經好滯但配合店家特製黑椒汁, 香濃而不膩!!🟢 —— 任食烤魚估唔到雞煲火鍋店做烤魚都咁好食..烤魚原條上🐟可以揀清江/ 海鱸魚外皮煎到金黃香脆, 魚肉白滑肥嫩啖啖肉!!仲有4種口味揀: 麻辣/香辣/酸辣/醬香………………🟢 —— 手機落單區
🆒 選擇豐富食材高質, 仲有好多海鮮!!🥩 肉類基本上試嗮, 唔柴嫩滑肉味濃郁🌟 推薦安格斯牛版腱, 厚切都好嫩🍲 有成10款湯底, 宜家仲免費鴛鴦鍋!!* 安格斯封門柳 / 牛板腱 / 本地鮮滑牛 / 西班牙豬梅肉 / 紐西蘭羊卷肉 / 手切金錢展 / 爽脆鵝腸 / 𤑛滑花枝片 / 新鮮白鱔片 / 活海蜆 / 墨魚滑 /脆鯇魚腩 / 青口 等等………………🟢 —— 食物自助區
🥬 主要擺放各種丸子及蔬菜, 選擇頗多!!🍺 飲品有成超過二十款可以選擇～🍧 打完邊爐仲可以食雪糕雪條, 好fresh!!🧚🏻♀️~~~~ ᴛʜᴀɴᴋ ʏᴏᴜ ~(˵¯̴͒ꇴ¯̴͒˵)~ ꜱᴇᴇ ʏᴏᴜ ~~~~🧚🏻♀️p.s. 性價比真係贏嗮😭!! 任食7個鐘啊啊啊!!兩個人竟然食得嗮四個煲+邊爐放題….食到呆呆滯滯🤣飽到痴線✏️整體評分：#foodiefairy_5分💸人均消費：$298 (星期一至四)📍地點：二鍋頭 (福苑) (旺角) @hotpot2f旺角西洋菜南街138號福苑2樓
繼續閱讀
早幾日去左二鍋頭食，真心覺得佢個任你魚肉烤魚套餐 (每位$298) 好抵😍 一個價錢已經可以食哂雞煲、豬手煲、牛尾煲、烤魚、打邊爐，仲有飲品任飲，好瘋狂啊😂首先食左雞煲先，可以揀吾同嘅辣度，絕對系啖啖肉，吾會好多骨位，之後就食套餐內包嘅無限量任食新推出4款口味烤魚，麻辣/香辣/酸辣/醬香，而魚質爽口彈牙！食吾夠仲可以不停refill 嫁，岩哂大胃王😂不過我地緊系留返個胃打邊爐啦，揀左麻辣鴨血x 胡椒豬肚雞湯底，湯底裡面已經有材料，牛板腱、鮮滑牛，蜆都可以掃QR code 自助落單，而蔬菜類，丸類就可以出去雪櫃度自己夾！成晚真系食到捧住個肚咁走😂👍🏻
繼續閱讀