影片
開飯介紹
家庭式運作小店，供應半自助火鍋，有十款湯底選擇，包括花膠竹絲雞鍋、滋補藥膳醉雞鍋、日式豆乳海鮮鍋等。並可點選海鮮拼盤、牛肉、任食丸類及無酒精飲品等。
繼續閱讀
營業時間
今日營業
18:00 - 01:00
星期一至日
18:00 - 01:00
以上資料只供參考, 請與餐廳確認詳情
有關獎賞計劃
相關文章
近幾年香港越來越少夜生活，商場越嚟越早收🙂↔️ 但我食宵夜嘅初心係唔會變！餐廳主打無限時火鍋放題，最長食足7小時！ 放題任飲任食 -精選頭盤(佛跳牆/焗龍蝦/雞煲/酸菜魚)-湯底-皇牌火鍋拼盤-精選火鍋配料-Movepick雪糕(每位一客)✨佛跳牆熱辣辣嘅湯水，有鮑魚作配料，舒服口味。✨芝士焗波士頓龍蝦芝士味濃厚，龍蝦肉質彈牙新鮮🦞✨泰式冬陰功海鮮湯鍋辣度不高，酸味突出，淥牛肉相當夾。✨日式豆乳海鮮鍋開頭覺得比較清淡，加入大量蔬菜繼續煲，會越煲越濃，越煲越甜🤤✨皇牌火鍋拼盤·海鮮蟶子皇·北海道大元貝·新鮮魚·海蝦新鮮鮑魚•自家製墨魚丸•自家製蝦丸蠔·日式蟹棒✨皇牌火鍋拼盤·安格斯牛肉手切牛小排·牛肩胛·封門柳·牛版鍵一登場有震撼到我😱 冇諗過食放題都有咁靚嘅擺碟同拼盤，呢個價錢嚟講相當划算，連雙拼湯底都唔需要額外加錢，吃飽喝足既一晚！
繼續閱讀
本人慶祝朋友生日，最吸引是海鮮拼盤，因為超級大份，牛肉亦很好味，可惜份量太少，座位坐得很舒服，因為是卡位。牛肉丸亦十分好吃。服務員亦非常有禮貌，餐廳環境很好，值得一讚。
繼續閱讀
位於tst呢間餐廳性價比高，無限時任食，最長食足7小時！食材新鮮，食物質素好好！飲品選擇多多，例如各種茶飲，黑啤、樽裝汽水、台灣飲品等等！🩵🤍🩵🤍🩵🤍🩵🤍🩵🤍🩵🤍🩵🤍餐廳有另設房，盡享私密空間！ 點餐後便有餐前小食四小碟。例如炸雞軟骨、中華沙律、番茄仔等等，好開胃！ 🩵鴛鴦湯底 🍲特濃芫茜皮蛋豆腐湯鍋，爆多芫茜，芫茜控必點 🩵精選頭盤（5選1） 以及 前菜 黑松露芝士焗美國生蠔（每客3隻） 面層芝士炙燒過，蠔好鮮甜，咬落爆汁，芝士控必食！ 🩵佛跳牆 連佛跳牆都有，真系好dum本！食材包括滋補花膠、鮑魚、響螺、瘦肉冬菇等等，鮮甜至極！ 🩵鮮甜海鮮拼盤（非任食，包一盤） 令人喜出望外！多款海鮮，蟶子、鮑魚、蝦、蠔等！蝦新鮮彈口、蟶子厚肉肥美、蠔大隻飽滿！ 🩵美國安格斯牛肉拼盤（有手切牛小排、牛肩胛、封門柳、牛板鍵） 牛小排入口即化🌟！高質！ 封門柳同埋牛肩胛牛味濃郁， 牛板腱都幾有咬口，不錯！ 🩵火鍋配料（任食） 其他打邊爐配料例如，蔬菜類、丸餃、肥牛、黑豚等等都可以qr code任點任食！ 好滿足！
繼續閱讀
可能係我喺香港最鍾意嘅打邊爐~ 一啲都無誇張，唔講食物先，由前菜開始，去到飲品、甜品，全部嘢都勁有心思，店員又Nice，收費又公道，應該好快就會回訪首先講吓佢個玩法先，一坐低就會上咗前菜先，其中最好味嘅係炸雞軟骨，唔講以為係付費食品，超好食！除咗前菜之外，每人都會有一個頭盤，頭盤可以揀龍蝦/ 生蠔/ 佛跳牆/ 雞煲或者酸菜魚，我就揀芝士焗龍蝦同埋佛跳牆，隻龍蝦份量完全大過我隻手板，肉質彈牙新鮮佛跳牆都唔輸蝕，熱辣辣有足料，個湯超鮮甜，依家打緊篇文都有啲掛住去到真係打邊爐，海鮮拼盤同埋牛肉拼盤係限咗份量，海鮮真係好新鮮，上到枱都係仲郁緊，我自己最鍾意鮑魚同埋蟶子，兩款都係超級鮮甜，果然新鮮嘅海鮮唔使搞啲乜嘢花臣。牛肉我都唔知邊款打邊款，不過整體都中上，同任食嗰個冇得比。個湯就嗌咗大排檔豬骨湯同埋沙嗲湯，豬骨湯胡椒味好重，越食越過癮，沙嗲湯夠惹味又唔會太濃太鹹
繼續閱讀
♡ 無限時任食火鍋店｜味火鍋♡-想慢慢打邊爐 唔想趕頭趕命？去味火鍋就啱晒啦😋雖然揀咗平日嚟 但係都好爆滿啊～ 一位價錢都只係需要$359 食盡佢嘅「四部曲亅✨✌️呢度打邊爐係有四部曲 首先客人要揀咗頭盤先 之後就要揀湯底 ～ 湯底種類都幾多有成10種之後就會再有火鍋拼盤最後客人就可以選擇自己鍾意嘅火鍋配料。真係食到飽飽啊🥰👍🏻 仲有餐前小食～- ♡ 佛跳牆 ♡ 魚肚大大嚿 湯底濃郁漿口幾大碗 好足料 ‼️-♡ 芝士焗龍蝦 🦞（半隻） ♡ 龍蝦頗為新鮮 食落彈牙 加埋芝士真係幾正✌️-♡ 蟲草花椰子雞湯 ♡ 滿滿嘅椰子🥥清甜味 入面仲有紅棗 粟米芯 加埋更加好清甜呀～-♡ 安格斯牛肉拼盤 ♡ Total有四款牛肉 手切牛小排、封門柳、牛板鍵同牛肩胛～ 款款都咁新鮮同咁好食😋👍🏻牛肉紋路勁靚 牛🐮味濃郁-♡ 精選海鮮拼盤 ♡ 海鮮拼盤方面，就有鮑魚、扇貝、鱔片、生蠔、海蝦、日式蟹棒等等～ 樣樣材料都新鮮✨-♡ 火鍋配料 ♡ 配料都好齊全，我哋就叫咗鮮蝦水餃、芝士腸、炸魚皮、鴨血、皇帝菜、薯粉、手打烏冬等等～ 任點任食真係好抵食😋 唔使就住就住呀‼️❥#⇢店鋪資料：味火鍋 (雅仕洋樓) (尖沙咀)尖沙咀亞士厘道12-14號雅仕洋樓地下D號舖及1樓
繼續閱讀