影片
以上資料只供參考, 請與餐廳確認詳情
黃色牌藍子的米線店香港有很多, 但要細心看看餐廳名字, 其實是不同的, 品質可以很參次。這一間。。。真的令人太失望。完全同意其他食評這間餐廳的抽風系統認真需要正視。 吃過幾次, 今次一進餐廳一陣難聞氣味, 比過去幾次更強烈! 請進去的人也要有所準備。沒有其他選擇下, 快快吃完一個宵夜填肚便走。點選淨重慶酸辣薯粉大辣加小食一份皮旦。先講重慶酸辣薯粉, 薯粉太諗, 發脹。。。 湯底的辣, 是後加的。需要自行搞勻, 辣椒籽等辣味不能如整個湯融入, 感覺馬虎, 有點粗製濫造。。 又不夠辣, 唯一可取花生新鮮脆口。另一皮蛋也令人失望, 先看賣相, 單調非常,只是隨意切開皮旦, 淋上醬汁便上枱, 真的未見過那麼不用心的小食, 皮蛋太實, 醬汁也只是醬油簡單再加點調味上碟。 其實這裏。。除了地點便捷, 真的不會再幫襯。希望餐廳有所改變, 才可留住客人。
繼續閱讀
呢間一入到去有陣怪怪地酸叔味，有d難聞，食完亦有陣味痴係身，抽風系統有待改善豬軟骨尚算入味腩肉份量ok，唔會話好多肥肉米線：偏淋，欠彈牙湯底：顏色望上去好似好辣咁，食落又唔算話辣到好誇，但就比起一般出面既小辣辣奶茶既茶唔濃，有澀味，一般
繼續閱讀
去佐敦探姨媽後，出街揾食嘢。在吳松街頭見到間招牌好搶眼名為雲桂坊的米線鋪。我仲意食酸辣嘢進去點碗小鍋米線加腩肉小辣，好快一碗紅色湯的米線上嚟，湯濃郁米線爽口，最好味系佢的腩肉，呢間腩肉是眾多米線中最好食下次一定會食。推介！
繼續閱讀
一直都唔中意食有湯既米線，特別係夏天，真係好熱好難入口。朋友介紹依到有拌米線後，佢就成為我想食米線時既飯堂。我明白物價上升，但從前涼拌米線係有辣炸醬做配菜，依家竟然要當一個餸嗌，太過份啦! 無炸醬點叫涼拌呀! 腩肉同豬軟骨，加加埋埋又四十幾落樓，都幾貴! 花生香小小脆, 小辣加埋酸菜酸味, 米線滑溜有小小彈。今次D腩肉太肥，有2/3係肥膏；但個味好好，小小辣好惹味。豬軟骨就不過不失，如果可以再淋多小小會好D，依家有小小硬，同D軟骨係食唔到!
繼續閱讀
這個魔鬼八月的流程, 每逢週末都是嘔心瀝血, 心力交瘁。賽程比英超列強的魔鬼四線賽程還要密, 早午晚有部分的工作, 接著第二日又繼續, 直至星期一半夜才要終止, 三個星期如是。這樣的鐵血態度, 相信無人不驚。但無論如何, 吃東西才是我的心靈安慰與前進動力。星期日在晚上上課之前, 先要打好個底, 以免餓壞胃部。到了佐敦一帶, 想吃個雲南米線。不過近排吃得湯類粉麵太多, 真想吃點乾爽點的。於是點來了這個熱拌米線, 熱拌即是湯煮之後, 米線拖乾水而未放涼之後吃。拌上了醋辣醬汁, 酸菜, 芫荽, 花生等用料為底。餸菜選擇上, 加入了腩肉, 豬大腸及木耳絲。米線入口依然是暖的, 醋香辣味給帶動出來。花生香口而略脆, 酸菜酸味提昇口中層次, 米線滑溜可口, 帶點點的稔韌彈性, 水煮時間掌握不為過。腩肉略鹹而有丁點辣味, 肉有甜香但不自然, 肉質軟淋而算有彈性。肉片下層時有肋骨粒, 不能咬開。豬大腸軟稔, 但味道不香。水泡形切片太薄令大腸斷開如絲, 口中彈性質感減弱。而木耳絲就為整個米線口感, 其爽口脆口的質感, 令滑中而有彈性的米線多了一份嚼勁。木耳絲在口中“啪啪”的響, 令人吃後更覺醒神。雲南米線在港上超過十多年, 該類店舖有竄紅之時, 也有所低落之時。轉到現在, 雲南米線大既也已跟車仔麵走到了同一跑道上。從前的腩肉, 腐竹, 火腿, 現在都加上蘿蔔, 魚旦, 紅腸, 令餐廳選擇更多。不過老實說, 收費HK$22才只換得一個熱拌米線底, 感覺太也貴吧!!
繼續閱讀