影片
港鐵大埔墟站 A1 出口, 步行約8分鐘
繼續閱讀
電話號碼
92409222
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
今日去完東平洲，朋友話直落食埋晚飯，咁就 whatsapp Ben 哥訂檯，Ben 哥覆 “VIP 區”，我以為佢話安排我坐嗰區，就答 "😆" 點知原來佢等我答 OK 😅😅😅 ，去到無位話我無覆，我話佢無問號唔知係問題，咁行完山攰打咗去第 2 間有位就同 Ben 哥講聲下次再幫襯。行行吓八掛友話想返轉頭問嘢，其餘人就行住先，點知八掛友跟手打嚟話有位，咁我哋返轉頭之際打返去餐廳取消留檯 😅😅全部人去到又晴天霹靂，原本 Ben 哥揾唔到檯訂檯客諗住比張檯我哋，佢哋就偏偏呢個時候嚟到 😱😱😱😱 我哋照講啱啱取消咗第 2 度個訂檯， Ben 哥即刻諗計安排張檯比我哋坐底。緣分嚟到擋都擋唔住 🤭🤭 始終都係食到 🤣🤣正經講返食物啦，我哋 6 個人叫咗：椒鹽鮮魷：非常可口，夠椒鹽味，新鮮熱辣，咬一口入面仲出緊煙。白灼蝦：大大隻爆膏兼爽口，無嘢可以投訴。鮮果咕嚕肉：全部生果都係新鮮嘅，抵讚，但咕嚕肉唔係脆口差咗小小，但都係好味嘅。雞油豆苗：好味無渣。脆皮豬手：皮煙靭小脆，肉一啲都唔鞋口 👍👍臘味糯米飯：臘味一啲都唔慳，乾身仲有花生添。真係想問句：想點呀，樣樣都咁好味，點減肥啫？我哋都好識做，快快食完交檯，咁好嘅食店梗係想佢做多幾轉好生意啦，咁先可以生存到架嘛 🤭🤭
繼續閱讀
#20240413 💛📍 囍囍小廚 大埔運頭街20號廣安大廈地舖➖➖➖➖➖➖➖➖➖➖➖➖➖➖➖➖➖#菠蘿鮮果咕嚕肉 $128💭 係佢既十大名菜之一，梗係要叫尼試下，同出面啲冰鎮咕嚕肉有啲唔同，佢啲冰唔同墊係底而係同啲咕嚕肉撈埋一齊，食落舊肉會有機會一面凍一面熱幾得意，但要同時間競賽，如果唔係啲冰溶左就浸住左啲肉🧊另外佢除左菠蘿🍍仲有藍莓🫐提子🍇士多啤梨🍓色彩十分繽紛.#潮式炸蠔餅 $128💭 另一款十大名菜之一😎呢個好似以前叫Ben哥廚房果陣已經有既主打菜，半煎炸得香口，蠔仔份量好多，幾乎每夾一下都會夾到🦪個餅底食得出鴨蛋香味係好難得🥚點埋魚露食無得頂！.#蜜椒金薯安格斯牛柳粒 $128#沙茶芥蘭炒豬頸肉 $88#椒絲腐乳通菜 $78💭 食大排檔點都要食返啲鑊氣野，牛柳粒同豬頸肉都帶啲啲甜味，就咁食都唔會話重口味，總括三樣味道都不過不失啦，無乜邊樣話特別有記憶點，但係好味既😋.#蒜蓉粉絲蒸鮮魷 $158💭 睇落白雪雪唔多吸引咁，但唔可以以貌取餸架嘛😂其實魷魚幾鮮味，同平時啲蒜蓉粉絲蒸扇貝一樣，底果啲粉絲先係精華，夾埋一齊食好好味，如果豉油多啲仲正🦑.#魚香茄子煲 $98#懷舊粟米石斑塊 $108#紅燒豆腐班腩煲 $108💭 叫左兩個煲仔餸，反而略嫌啲煲無咩鑊氣同咩好似趕住出菜唔夠時間咁，啲茄子做唔到一絲絲摵開既效果🍆送飯尼講，三款都非常好送飯，唔送飯就咁食就會覺得咸😅.#梅香鹹魚雞粒炒飯 $68💭 其他餸比想像少，可能用左以前Ben哥廚房個準則，但都唔代表佢細份，完全對得住個價錢，而呢碟炒飯相對地比較大份，鹹魚個鹹香無兜勻成碟飯，會一啖有味一啖無味，比起啲餸尼講碟炒飯口味比較淡，勝在炒得乾身算唔錯啦～.#大埔美食 #大埔黃店 #🐷在大埔 #🐷_食
繼續閱讀
菜式好多款選擇 餐廳環境都好靚 食物質素唔差！正！由其係海鮮都好新鮮😍😍😍😍 豬骨湯都勁好飲 ！ 環境寬敞，坐得都舒服！ 未試過嘅朋友一定要試下😍😍😍😍😍😍😍😍😍
繼續閱讀
成日經過都見到好旺場，趁住屋企人生日過黎試下，坐出面好有大排檔feel,大埔已經好難搵到，入面裝修重好新干淨企利，一到去比抵個蛋糕老細幫我雪，老細見我地慶生送左支香賓比我地😳好驚喜，重會幫你播生日歌🤣菜式好豐富，基本你想係大排檔食到既小菜都有，我地叫左個羊腩煲幾個小菜人均都係200蚊左右，超抵食，食到好飽。老細好有人情味同埋d樓面伙計都好有禮貌，羊腩煲好夠味，椒鹽鮮魷超好食，蜜椒薯仔牛柳粒勁香，回頭之選👍
繼續閱讀
偶爾經過這街坊小館，喜出望外！砵仔蒸飯燉湯套餐：1.花菇雲耳蒸鮮雞係鮮雞唔係雪雞，肉嫩飯香。2.蟲草花海螺片花膠燉豬展湯：真材實料，夠火喉！3.簡單蒜蓉炒時菜：一個字，香！價錢相宜，性價比高，值得再來！
繼續閱讀