影片
電話號碼
26623968
營業時間
今日營業
11:30 - 03:00
星期一至日
11:30 - 03:00
以上資料只供參考, 請與餐廳確認詳情
有關獎賞計劃
自從食完聯和墟雅士餐廳之後，就一直都想試埋喺北區同樣有歷史背景嘅上水畢打奧餐廳😃。雖然去上水唔遠，但又唔想特登去食個飯就走，所以遲遲未有實現😆。點知最近去聯和墟食飯，比我見到畢打奧居然喺度開左分店，仲要喺正雅士對面，有少少打對台Feel!!😏2月14號平日星期三，約埋爸爸一齊去鋸扒🤓 我地上午11點半到達，唔駛等位可以直入。下午1點門外已經好多人等位，再對比下對面雅士門外只有幾個人等位😆，估計過多幾個月就會見真章，到底大家係中意試新野抑或真心覺得畢打奧好味架啦。😏當日午市有兩款原價$119嘅套餐做特價，分別係鐵板美式什扒$99、新西蘭西冷牛扒$99另外叫左畢打奧焗豬扒飯$89同埋寓意橫財就手嘅燒德國豬手$129，每個套餐都包餐包、餐湯、同熱飲。餐包拎上手暖暖地，望落有黑芝麻，但食落無芝麻香。餐湯要左羅宋湯，同埋加左$29轉酥皮龍蝦湯，前者唔辣偏酸，每碗湯都有好多蔬菜；後者酥皮酥脆但唔係我中意嘅牛油酥皮，龍蝦湯蝦味濃但有少少澀，內裡有幾隻蝦仁。新西蘭西冷牛扒配薯蓉$99份量望落唔多，但牛扒比雅士厚身；雖然有筋，不過整體肉質唔錯，牛味一般但有肉香。薯蓉好有薯香，食唔太出牛油或忌廉味，感覺油分唔多，較健康。畢打奧焗豬扒飯$89好傳統嘅焗飯，唔會加芝士。茄汁偏甜；飯粒望落似白飯底，但其實細心望會留意到有蛋絲，但真係無乜存在感；豬扒係吉列豬，如果怕熱氣嘅人要留意；豬扒係用新鮮豬，所以食落肉質偏實，亦比較鞋，但感覺健康D。燒德國豬手$129+$9配薯條豬手炸到好脆，食落膠質好重、好黏口，可惜肉質太軟淋，有少少湯渣Feel。鐵板美式什扒$99+$9配薯條什扒有豬牛雞、腸仔同煙肉；最好食係雞扒，夠濕潤；牛扒好薄、豬扒實正。由於職員比錯左薯蓉，所以後來補番個炸薯條比我地。整體環境唔錯，不過職員比較生手，當日有跌碟嘅情況出現，亦上錯薯蓉；特價套餐幾抵食，四個餐連加一共$541，可用信用卡付款。
繼續閱讀
終於抽空來這家慕名已久跨越半個世紀的餐廳的🥰🥰在小紅書上看到好幾次，各種心動📍畢打奧—粉嶺分店🎀特別誇讚戴眼鏡的小姐姐服務態度，一進門笑容滿滿地招呼我們，一下子被她正能量感染了嗚嗚嗚開心🥰還有其他服務員小哥哥小姐姐也特別熱情，首先態度上滿分！這個必須敲重點‼️🔥燒春雞套餐🐤燒春雞簡直是粉嶺這邊為數不多美味的饕餮盛宴！烤得金黃酥脆的春雞皮外，肉質鮮嫩多汁；選了個羅宋湯味道ok中規中矩，不會很驚艷也不會踩雷。🔥鐵板香草焗錫蘭羊排🐑這道菜讓我大開眼界。羊排肉質比較鮮嫩，配上鐵板烤制鎖住了肉汁，羊排烤得剛剛好，不會很硬。🔥燒德國鹹豬手🐷燒德國鹹豬手一直是我去餐廳的必點菜，這個豬手皮脆肉嫩配上醬汁，絕對是肉食愛好者的最愛。🔥焗豬扒飯🐷焗豬扒飯則是一道香噴噴的熱菜，香濃的焗飯搭配上鮮嫩多汁的豬扒，每一口都充滿了滿滿的幸福感。整個用餐體驗極佳，下次還來🥰🥰
繼續閱讀
粉嶺少有嘅西餐,難得想喺附近鋸扒,真係好難搵到好食嘅餐廳，好彩搵到呢度咁高質嘅西餐鋸扒,仲要開到三點,二人餐斧頭扒超級正🤤🤤真心好食😋😋啲侍應仲要服務超級好 超級有禮貌👍🏻👍🏻
繼續閱讀
新開嗰時已經留意到呢間餐廳，不過一開張好多人，所以未有去食，然後每次經過都見佢好多人，所以都無入去試。今日母親節，一於要試吓！三個人叫左三個餐！每個餐都都湯，麵包同飲品送！味道亦都幾好👍🏻不過唔知點解凍飲係無冰，慣咗有冰攪下攪下，所以問侍應拎冰加落嘢飲度，仲問左幾次，但佢哋都唔會嫌煩😅加一都抵加比佢！而家位位侍應都有禮貌，有傾有講！食物方面，味道適中，份量大，差啲食唔晒！而且價格相宜！實在值得再三幫襯👏🏻👏🏻值得一提係個焗意粉，真係焗到個粉乾身，唔會求其！
繼續閱讀
本人在4月13號晚上與朋友在這裏食晚餐，食物款式和質素我沒有什麼挑剔，唯一不滿的是餐後的飲品，我朋友叫了雜果賓治，但除杯送來的只有飲管而沒有匙之類的東西，這樣的話，怎樣去品嚐雜果呢？而我叫了凍檸茶為餐後飲品，味道一般，但我挑剔的不是味道，而是為什麼用了膠杯和膠飲管，我不是外賣，為什麼不是用玻璃杯呢？我發覺在這間餐廳除了特飲外，其他凍飲品一律是用膠杯。作為飲食界一份子，希望你們能為環保出一分力，可不可以改用玻璃杯和紙飲管，可環保也能節省成本，希望這篇報道可以給負責人見到，有所改善。
繼續閱讀
您可能會有興趣的...