七重天餐廳 (北角)

返到公司處理一下野，就同老細去食個QUICK LUNCH
唔想諗就是但落樓下過對面食算了人
唔洗諗當然是SET LUNCH啦
餐湯羅宋湯~~~好濃，味道不錯，夠HOT，不過就稍為咸左D肉醬意粉~~~NO GOOD！意粉冇味過"林"又好乾，意粉又凍凍地，肉醬得好少，味道麻麻

金豪茶餐廳 (九龍城)

約左契仔媽食糖水，佢宜家搬左去九龍城真係好方便呢！
落到九龍城先去食碗粉，我未食DINNER呀！

去左九龍城廣場兜左個圈，一出黎就見到LEE間粉麵就入去醫醫肚啦牛腩片頭河粉~~~牛腩好"鞋"，片頭得兩片，但河粉好滑喎！個湯底都不錯，碗野唔平架，要38大元架

LEE間茶餐廳環境都幾DIRTY，一入去好似有陣味咁......

翡翠海鮮酒家.明珠宴會廳 (太子)

LEE個食評我真係要插隊快快出呀！原因大家一定要睇內文

今晚我們這一家出去食飯同老豆慶祝生日呀
之前係BEECRAZY見到好似都幾抵食又話米芝蓮推介食店就買來試下啦！仲訂定位添
LEE個叫翡翠海鮮晚餐
真係搵笨一次過，真係唔會再來幫襯呀......
大家睇下LEE個餐食D乜啦！鮑汁扣鮮鮑魚~~~ 鮑魚冇鮑魚味，鮑魚D肉好"梅"一點口感都冇，勁多獻汁天婦羅脆蝦~~~蝦是冇味的玻璃雪藏蝦，唔可以叫天婦羅只可以叫炸蝦......煎焗石斑球~~~完全睇唔出邊到有煎焗，更睇唔出亦食唔到係石斑球，個魚最多只係雪藏魚柳，仲要係有雪味的，個魚柳係炸左再喺上面淋D獻汁，難食蟲草花螺頭燉豬展湯~~~個湯唯一的好是夠熱，其實燉湯應該係好濃味，但LEE個湯清到好似飲水咁......唉木耳彩椒炒珊瑚蚌~~~珊瑚蚌又是雪味好重，一點鮮味都冇珍菌泡翡翠~~~就係普通的上湯灼白菜囉珍珠糯米飯~~~一上枱已經"O"咀，珍珠雞......即是問唔係糯米飯咩，個上菜阿姐仲大大聲答，LEE個咪糯米飯囉，係咪當我地傻架！酥皮叉燒包~~~係成個餐唯一讚的，個包好好食，入面D叉燒餡仲超級熱，好味

食到一半其實已經知道不妙，快快ORDER多幾個餸啦蜜桃生炒骨~~~個味道可以啦，不過都係用番菠蘿好D囉！石鍋醬燒生蠔~~~一個幾惹味的煲仔菜，個蠔都算鮮味的，不過個獻都係太傑八珍海鮮豆腐煲~~~一個唔夠熱的煲仔菜，可以叫唔好食原個南瓜牛仔肉~~~原來係咖喱，不過冇咖喱味，牛仔肉又是雪味好重，NO GOOD AGAIN金衣花姿球~~~好味！個花姿球好彈牙花尾龍躉~~~價值$498，魚蒸的時間剛好，味道不錯！

LEE間店我真係唔會再幫襯，食物難食已經係事實，仲要係冇服務可言，冇服務唔係態度差，係真係冇人服務呀！
仲有我真係好想知道點解會係米芝蓮推介食店......！

食物質素差，侍應不足導致零服務

海皇粥店 (北角)

今日係平安夜，收早喎！
諗住去北角間12蚊店買D野，跟經海皇就諗住食碗粥暖下身啦

又冇理由只係食粥咁悶麻艇仔粥~~~味道OK的，但個粥好"傑"，個粥加左粉漿仲要撈唔勻，有大大粒粉粒架......
炸兩~~~唔熱已經好錯，入面條油炸鬼又凍又硬又林......食左唔夠兩件就唔想食了

唔知點解宜家海皇越來越難食，又越來越貴喎

發記甜品 (銅鑼灣)

朋友相聚，食左個開心DINNER，還未傾夠就去食甜味啦

經過就LEE間啦藍莓綿綿冰~~~沒有藥水味，味道不錯喎，紅豆又好"林"甜芒果益力多綿綿冰~~~有益力多的酸味又會芒果的香甜，好味楊枝甘露~~~退步了不少，芒果沒有切粒一大件的，個汁底又麻麻，冇下次芒果糯米卷SHARE~~~點解會變成咁架，以前喺深圳總店食的係好好味，糯米卷皮好"煙UN"，芒果好香味，但LEE碟糯米卷皮係"硬"的，沒有香味，芒果雖然還是厚肉但酸的而且沒有芒果香味.....TOO BAD

以前一路都覺得LEE間甜品很不錯，但今次真係覺得差左好多