味中味餐廳 (太子)

突然想食煲仔飯,上黎 openrice 度search 下d食評~
感激前三位留食評報料既食家 ^^

佢位置應該算比較近深水埗, 如果係太子荔枝角既 "金鳳" 對面馬路黎行,
向深水埗方向直行兩至三個街口左右.好家庭式經營既感覺,好好服務啊~

我地5點幾去到,已經坐左7成人 ~.~ 好彩我地兩個都仲有卡位可以坐^^
一坐低已經放低兩個例湯,真係似無味精 ,清清地,幾好丫~

男友叫左個特式煲仔飯 : 勁麻辣牛柳粒飯 $48(唔太辣,連我呢個唔食得辣既人都食到.但佢都好惹味 -0- 仲有d翠玉瓜添,份量唔小架.唔止配菜甘簡單)

我就叫左個普通煲仔飯 : 雙腸飯 $38(好多腸 @.@ 竟然有三條臘腸+兩條潤腸,飯中間仲有d薑絲添 -0- i'm loving it ~)

==煲仔飯好夠身,有小小飯焦,d飯一粒粒架,豉油好味,同埋兩煲都係超多餸的! !
==叫煲仔飯個價錢,包埋熱飲架喇,只係凍飲要 +$2 囉~ 仲可以+ $5 要多碟油菜!! GD,d菜唔係頭頭尾尾架~

因為今次第一次黎試,所以只係同男朋友兩個人黎~叫唔到其他小菜食 ~.~
遲d叫埋d朋友黎就可以試埋其他菜式喇 (ps:見到 + 聞到 , 隔離幾枱d餸都好吸引 -3-)

>>坐低左一陣,就見到d人陸陸續續甘入黎,同埋買外賣等等~
開始明白點解d野食唔錯,但openrice都唔多食評...
大部份d食客都係成熟+一家大細,唔多後生仔女食~
都係附近一些街坊多~同埋可能地點同裝修既問題
(問心,如果我係個附近搵野食...見到佢門口其實我係5會入去架 -口-)
但d野食好好味又抵食~同埋d伙計好有禮貌~

(((係我會再番食既一間食店 -口-)))

高麗韓國餐廳 (北角)

之前成日同成班朋友一齊去~d台算大,地方好坐...最緊要價錢唔貴`d野新鮮又好食.

習慣性`每一次去都會先打電話.如果話無位要等,我寧願揀其他日子再去^^

呢度每樣野食都係我既喜愛~去親都覺得佢地d野好好味,好新鮮好整潔.

忘記了 128 or 138 一位.星期6 同 星期日 就 148 定 158 .周圍都係甘上下價錢啦.
但去過去多間都無一間令我覺得可以同高麗比較.^^ 高麗d飲品..
我飲過五花茶,酸梅湯,西瓜汁,橙汁... 每一次都係落足料. 100% 無+水架`
我其他朋友就飲佢d啤酒多因為我本身~好喜歡飲野..
所以一間食物店除左食物要好,我仲會要求飲品都好先可以.^^

無記得` 2-3人以上既就無限時間.我地去親都 6-8人up~
所以次次都...7pm 食到 11pm幾先走.好多次係人地要關舖...添.
但老細無趕人架~very nice^ d 服務員又好有禮貌~ 呢樣都幾緊要架~ccc

最最最緊要~ 一定要試佢個 人參雞湯 @0@ 我去親都飲 3幾碗ccc
同埋佢d 冷盤 ~ 韓國粉絲 同 凍瓜瓜菜菜 都好好食架.
我唔食chili~but我d朋友喜歡佢d泡菜so so much ^^

三記飯店 (慈雲山)

三記~ 我同st + 兩位老友` 平均每一個月都會落三記食 三 兩次.

我每一次去前都係5:30 -6:00pm 左右打定電話去留台(因為我去親都要坐門口張天2的).
haha~個度風涼水冷,好近個爐頭.方便問三哥有咩靚野食~同埋方便佢兩個煙民食煙丫麻~
個度d 啤酒正常價,算好抵飲. 藍妹 $20 定 $22 一支`我地去親都7pm 食到 11:xxpm先走`cc
如果坐門口~可以帶埋d狗狗去添,個度好多人帶埋d狗狗去.(當然要隻狗狗乖先得啦^^)

食過三記既人應該都知` 佢地d 花生,菜普 真係好好味架 ^^v
同埋 星期6 星期日,如果你係6位以上~最好早d打電話去留台.唔係有排等啊~

佢價錢唔貴~會有d時令靚既海鮮~佢d 海鮮真係靚同唔貴.
佢地入貨個檔海鮮~都係我同mum係街市買開個檔.ccc

d炒野完全掂...星期1 至 星期5 有d特價菜,唔好凜住特價既就無好野啊`
都一樣好好食架 ^^ 有生炒排骨,爽肉,等等`係個菜譜 最後一版.記得留意下喎~

我去食親來來去去個幾樣~ 就等我打晒落推介菜度先啦 ^^v
當然無可能次次款款都叫~but我就係食開呢d~呢一次食邊d~下一次咪再叫另外一d囉^^

仲有` 三記d湯 真係好足料~我自己就成日飲`唔覺有味精.各位可以試下丫 ^^v

明記麵家 (慈雲山)

呢度1星期最小食一次^^

牛腩超美味,湯底好清甜(飲完都唔會太口渴).
牛細腸+肺 係我既最愛~基本上我去親都1定...牛腩河 或 細腸肺河 架^^

我mum 同 sk 就食腩或雜河 ^^ 呢度d 奶茶又係 一流~

但就千祁唔好係度叫 [魚皮] ~"~ no good 的`要食 [魚皮] 過 隔離 [禾味] 啦~

我如果落街買番屋企食就....買完明記d腩河同奶茶`
再過隔離買一打雲吞(28蚊1打)同魚皮~ 嘩=3=

幾十蚊既野食~已經可以好飽飽同好滿足~hehe

浦田里茶餐廳 (慈雲山)

一樣...大約每1星期至10日左右就會叫一次 [蒲田里] 既外賣.

平靚正!!! $ 2x-30 左右一個炒野+杯野飲,仲要超大盒 0.0

我地平時多數 我+mummy+sk+姐姐+姐姐bf = 5個人就叫4個野.
(叫4個都1定有剩,可以比 mummy 筆起留工作時再食或留for我地下一餐的)

茶餐廳野,你凜得出既野...佢都可以做到比你,仲要係好好味個隻.
又係杯茶好掂~ 奶茶 or 檸茶 都好正, d 檸茶 - - 仲杯杯都有 4-6 塊檸檬...好似5洗錢甘....
我地叫親 檸檬茶 都要黎到即刻轉杯 同 +冰,因為佢好 溶架~超抵飲 ccc