onki123 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-08-30
契仔媽媽臨生仔仔前要同我地食餐打氣飯, 問媽媽想食咩,媽媽話咩都得。 本來諗住去coffees academic, 可以坐得舒服d傾下計,點知好多人, 唔忍心餓親契仔所以轉左去BLT BUTGER。 我地6個人好叫哂佢3個Combo (Burger,Fries+Soda/Milk Shake) Combo 1: Classic Burger with Fat Fries & Lime Soda 我地叫左Medium Well太熟怕會好似柴皮。 好快食物就送到, 而且仲好貼心切好哂,唔會食到就圍都係。 3款Burgers 入面Classic同Wagyu 比較淡, 而BLT因為有Bacon所以相對下味道好。 但個人認為Wagyu係比較好食嫁,塊肉好似無 薯條Waffle Fries反而好好食過Fat Fries,應該係Waffle Fries炸得脆D,所以香口d。 而飲品方面就一般般,Rocket Road Milk Shake真係好甜。
評分: 味道 3 環境 4 服務 4 衛生 4 抵食 3
2014-07-29
之前op都見過呢間cafe,今次終於去試試佢。 一行十人同朋友仔慶生。 一早book左所以上到去已經有位唔洗等。 星期六,七點半都差唔多坐滿。 暗淡o既燈光,似餐廳多過似cafe。 我地十個人叫左個6人餐,餐廳有低消, 所以我地再單點左沙律同甜品。 六人餐有意大利香草包、餐湯、沙律、2款小食、 意粉意大利飯pizza、甜品同飲品。 其實佢d食物份量都幾大,所以我地9個女仔一個仔已經好夠。 香草包配油醋,就咁齋食有d硬, 用黎送湯食會好d。 小食拼盤基本上成碟都係炸野。 (烤雞、炸芝士、炸蝦同洋蔥圈) 朋友仔讚爆左個炸芝士佢話好食到死。 芝士肉醬焗薯好多肉醬,條條薯角都充滿芝士同肉醬。 個pizza唔係厚批係薄薄地脆脆地隻, 料係火腿,粟米同菠蘿。 同忌廉海鮮意大利飯, 兩樣都好好食,羅勒葉同蕃茄醬原來好夾, 而且d醬佈滿哂每一條意粉。 意大利食煙煙unun好有咬口。 跟餐甜品係brownie,之後我地再叫多左朱古力心太軟同芒果拿破侖。 Brownie佢幫我地一次上, brownie 包圍住朱古力、士多啤梨雪糕同雲利拿雪糕。 最後一片片拎黎食。 用匙拮落去一不,的確無令我地失望啊! 幫我地劃上完美的句號。 推介美食: 朱古力心太軟配雲利拿雪糕,芝士肉醬焗薯角
評分: 味道 5 環境 4 服務 3 衛生 4 抵食 4
2014-06-29
同事興喜提意lunch time買便當去公司附公園食。 難得係一個鐘嘅lunch 可以偷下閒當然比面比面。 同事帶我地轉左條巷仔, 唔講真係唔知有間賣日式便當嘅鋪頭。 原來便當係要預訂嘅, 同事已經一早訂好哂去到比錢就ok啦! 每份便當都有汽水同沙律附送。 (可樂,忌廉,雪碧同Coke Lite) 我地叫左三份便當share黎食。 綠之便當、雞肉煮物南瓜便當、西京幕之內。 一打開完全唔捨得開動,唔想破壞個賣相。 由其係綠之便當,係一個寶盒一樣。 便當用一個盒會裝住,有上下兩層。 上層: 菜沙律、涼拌牛蒡、豆腐沙律、粟米薯餅。 下層有日式冷麵同醃菜。 雞肉煮物南瓜便當: 紅蘿蔔、蘿蔔、煮雞肉。 配菜: 芝士千層茄子、甜蛋,醃菜。 飯: 紅米南瓜飯。 一盒分為九格,有兩格係飯, 分別係梅味嘅飯同另一種黃黃地色嘅飯。 而其餘有比目魚、帶子蝦蟹柳、魷魚條、m 獅子狗、嗚門卷、玉子、芋頭、車厘茄同醃菜。 森川日式便當o既味道都比較清淡, 感覺上都好健康。 其實三款便當做得比較好o既係西京幕之內。 帶子唔會煮過火侯,比目魚都好,係味道較淡。 梅飯帶小小酸配餸食都幾好味。 反而主菜雞肉有小小煮過火。 芝士千層茄子就有小小漏。 而賣相最靚o既綠之便當味道就最普通, 冷麵配醬油有青瓜、蛋、紅蘿蔔絲。 沙律配芝麻醬,味道都好淡。 涼拌牛蒡算係最有味o既。 森川便當食賣相真係一百分, 睇得岀廚司o既用心,食物精美又擺得靚, 未食望到已經好開心啦,仲洗食咩。
評分: 味道 3 環境 4 服務 3 衛生 4 抵食 2
2014-06-07
坐巴士總會經過呢間茶餐廳, 因為地點唔算就腳未有機會幫襯。 今日突登係九龍灣行過去, 經過一堆車行終於到啦。 宜家舊式茶餐廳真係越黎越小, 重要係有麵包櫃o既。 麵包櫃堆滿各式各樣西餅, 卷蛋,合桃酥,椰撻,蛋撻,牛油蛋糕等等。 叫左牛奶餐同特餐,其實同早餐都差唔多。 今次係雙腸通(紅腸香腸)配奶茶。 朋友依然係沙嗲牛肉米, 牛油多士加火腸奄烈配牛奶。 至少唔係腸仔切半扮多, 仲有2條菜添。 奶茶都好有水准。 牛油多士雖然得半塊,但係係有厚度o既。 發現一個好得意o既野, 就係枱枱都有一個杯放住d出出前一丁o既味粉, 點解呢?
評分: 味道 3 環境 3 服務 3 衛生 3 抵食 3
2014-05-29
朋友仔生日飯,見佢學緊德文就決定去食德國菜。 其實我都未食過德國菜,咸豬手就食過嘅。 經op table map book位,非常方便,填哂d資料確定時間就ok啦。 上到去地方都幾舒服至小唔會痴實隔離枱, 而且有室外同室內,因為天氣太熱都無人坐室外。 Berliner做緊main course buy one free one, 只要print張coupon每枱最多可以叫4個main courses,再free 4個。 我地點左Pork Knuckle (德國鹹豬手配酸菜薯蓉),Sausage Platter (德國香腸拼盤) ,Flammkuchen with Black Forest Ham Pizza,蝦意粉。 豬手皮好脆肉好嫩,埋酸菜一齊食無咁漏, 我自己覺得白色腸好食d,因為紅色嘅都好咸。 Pizza料有ham,蘑菇同火箭菜,仲有小小菘子仁。但都係好咸突別係塊ham。 不過食完咁咸嘅中和返都ok o既。 加點左個酥炸薄豬柳同燴牛肉醬拌意粉。 而且每啖意粉都充滿住牛腩同醬汁,真心覺得好食。 加左檸檬汁會無咁肥。 佢仲有一個好似忌廉蘑菇醬可以dip。 尾升當然係要以甜品畫上句號啦。 因為朋友仔生日,我地自備左蠟燭, 餐廳仲幫我地o係碟邊寫字, 我地點左Dessert Platter,有三層。 第一層係栗子mousse同朱古力餅, 栗子mousse用個杯裝住上面仲有幾粒士多啤梨,同幾條朱古力脆條。 個栗子mousse其實有小小食唔岀係栗子味,大家仲係度估係咪chocolate mousse。 朱古力脆條非常的甜。 朋友話好好食,半碟佢食哂咁制。開頭佢用Apple strudel d雪糕點黎食, 之後佢再試raspberry sauce佢話無咁漏。 好好味,因為自己本身都好蘋果同玉桂,暖暖嘅Apple strudel 配凍冰冰嘅雪糕,簡直一流!
評分: 味道 3 環境 4 服務 4 衛生 4 抵食 3
|