瀛風 (藍田)

天氣熱又唔想煮飯，都係外賣算。今次用外賣apps叫，然後自取，一早叫定去到拎得。



今次叫左雜錦刺身丼，飲品加 $8點了草莓乳酸梳打。由於太愛赤蝦，今次叫了赤蝦手卷。

先講丼飯話明刺身丼即係有唔同口味的刺食，食得呢d都預左係頭頭尾尾的了。入邊有三文魚，吞拿魚，甜蛋，青瓜，小柱貝。刺身唔算新鮮，尤其小柱貝有股腥味，不喜歡。最後飯量絕對夠的，大食之人例外吧！

赤蝦刺身手卷有，2隻蝦，有鮮味無腥味唔錯，紫菜自己包，如果唔慢手慢腳紫菜仲係脆

飲品，唔知係咪太甜，好涸喉，有痰痰作怪。之前飲過熱雪梨茶同熱柚子蜜比較好飲。跟餐仲要免費同大大杯，下次還是飲熱比較好吧！

全單75折後價錢$80.2元

總結:食物質數唔會話非常高，又唔係太差，質素中上吧！

渝味曉宇重慶老火鍋 (觀塘)

上星期新開張時試過妹妹跟同事試過一次一人火鍋，覺得味道不錯。於是約埋今個星期一齊再食過。差唔多3點去到，無乜人有卡位座.




我點了菌湯 （湯底免費），套餐價錢$98，再加安格斯牛$20，合共$118（未加一）。餐入邊好多都有2份或粒，2件如蟹柳，腸仔，蝦。一份的是腐皮，豆腐，牛丸，芝士丸最後有半份烏冬。






糠水應該坐低就有，最後食食下發覺無俾我地，食完野問待應之後有補俾番我地。糠水有紅棗同一條條野，甜甜地咁唔算好好味，未試過可以一試。

湯底味道ok,再濃小小更好。如果想要鴛鴦自鍋，自己點湯時留意清楚，唔係佢只會俾1款湯你.


美國安格斯優質肥牛

肉類牛肉只得4 片，仲要有1塊係碎到一開3塊，肉味有的，但係加20元只換來4小片，感覺唔太抵啦！菜就洗得乾淨的。金菇呢係無5條，好孤寒。。。豆腐就唔太吸到湯。蟹柳唔係果d散修修一淥即散同假味，腸仔都唔係Cheap野。蝦肉質彈牙，蝦味就無乜，唔係霉Dum Dum就歸納去好果邊囉！丸子有牛丸同芝士丸，質素平平。烏冬係稻亭，滑溜的，只係得半個唔夠喉。妹妹叫飯好細碗仲要無米香，我寧願食烏冬



新張期內可任飲無酒精飲品



飲品包1杯，飲左洛神花茶，我覺得個味似山渣多過洛神花唔太喜愛啦！由於新開張可以免費任P飲無酒精飲品，（都係可樂，豆漿，加多寶，水等等。。。）我就叫左罐加多寶清熱，妹妹就要豆漿，叫左佢勁後悔，第一大陸製造，第二有花生味道太古怪，她飲左幾啖放棄左。

總結：食物質素唔差，份量偏小。服務好，環境舒適，未食過可以一試

養心殿台式養生鍋 (尖沙咀)

2年前生日飯係養心殿，今年又有限聚令，還是留在家舒舒服服打邊爐算。今次6個人揀左4人餐$880（折後價），再加左1款丸1款餃












湯底：美人鍋， 有南棗，桃膠，龍眼肉，半隻烏雞，湯底鮮甜。






肉類：（可選3款）
手切安格斯牛肉/雪花肥牛，2款牛肉味都唔錯，唔太韌有肉味
嘉美雞，肉質鮮甜，正

自家制丸類：（可選4款，每款2粒）
丸打得比較實，唔推薦



自家制餃類：（可選4款每款3粒）
餃類唔推薦，肉太硬，蝦又唔夠新鮮

豆品類：（任選2款1份）
千層凍豆腐：無乜豆味，吸汁唔算多
炸脆響鈴：第2日先食，唔知係咪咁無乜豆味，仲仲脆地



其它任選3款
鴨血：軟滑無腥味，好食
炸午餐肉：厚切，有炸過，可惜凍左。堂食熱辣辣更美味
老油條：唔夠脆



主食任選兩款
烏冬同關廟麵：無份食唔評論



一個雜錦菜藍（大）加什菌藍（細），即晚無食到，過左2日拎去煲湯（唔評論）

餐有醬料，芫茜，白醋，蒜汁，豉油，蔥，紅椒

提提餐具爐具鍋均需自備

送貨：800元以上免運費，偏遠地區除外。比我訂貨時間稍遲可接受時間，同時送上門外女職員好有禮貌有為遲到道歉的。Wtsapp同職員落單都好快，讚。

總結：用番外賣標準就唔差的，有d始終我自己遲食同埋唔係堂食質係差小小的.880元4人餐算抵食。加上唔洗出門都有美食勁好。

P.s外賣都有會員職分儲,Gd!











l

豪宴海鮮酒家 (藍田)

對上果次飲茶應該係上年，一向唔太愛飲茶。見咁耐無飲過茶加上未試過去呢到飲，一於試試佢

得2個人唔叫得太多野食，只叫了以下食物：



特價點心如下：

鮮竹牛肉球$9.8，竹牛肉球2個，墊底腐竹好多，牛肉有鮮味同夠彈彈下，最弊個喼汁唔知仲乜水溜溜，無喼汁味係咪溝水太多呢



鮮蝦炸雲吞$8.8：雲吞2隻，黎到已經凍冰冰，蝦算大隻。汁洗敗筆，稀加太酸



鮮竹卷$19.8：一碟有3條，剪開左有6條，鮮竹卷脆口的，夠熱，只係剪唔開要自己用筷采叉開佢



豪宴蝦餃皇$16.8：一籠2隻，皮厚唔算煙韌，蝦大隻但麻油味勁重



燒腩仔粉：$21.6，燒腩仔塊皮唔夠脆，米粉份量算多。只係個湯底用蝦籽有d怪

茶錢$7

服務好的，無問題。

總結：叫了4碟點心加一碗燒腩米粉，共100元。話貴唔貴，平又唔算。始終有d點心一籠得2隻。食物質素平平，未心會再去了。。

元気寿司 (觀塘)

元氣出左好多特價壽司，又有30元Coupon.媽咪生日就食好小小吧！



一定要緊係三文魚壽司盛$59.5,有3款14件壽司,最愛火炙三文魚腩，油脂豐富，正。反為三文魚帶點失望，沒有魚香味.

大滿足$8：赤海蝦，蝦無鮮甜味

蟹肉蟹膏軍艦同甜蝦蟹膏，今次的蟹膏無乜味。甜蝦比蟹肉出色

吞拿魚三點盛$23.2：三款之中大吞魚腩最好食，無乜筋油脂多。其餘2件質素平平

期間限定珍寶白鳥貝$9.6,肉質好韌，好難咬開



總結：價錢抵的，3人食，人均消費$70，只是太耐無食，覺得元氣壽司退步左，飯一夾即散 希望只是偶然失手，唔係將貨就價吧！