小魚兒 (尖沙咀)

媽媽8月生日，上年有社會運動，仲可以出街去附近食。今年限聚令加禁堂食，唯有叫外送食品。爸爸媽媽未食過烤魚，又見有外賣烤魚。一於訂回家試。烤魚餐只有一款。



未食之前要講下送貨司機認真唔要得。落街拎唔係問題（仲要唔係樓下），自己唔識路仲發脾四 ，呢d態度差真係唔可能接受。還有，送貨費要俾50元的，唔係免費架.唔該改善下啦！真是未食已一肚氣



餐有菜有魚有海鮮有丸類，仲有2個前菜。佢有個架加2個gas仔係唔夠2個鐘，最後要用自己個鍋煮野食。

前菜：雲耳同螺（2款指定），2款都夠入味。



魚：餐是爐魚，家人不愛，最後加左$68轉江團魚。江團魚無乜特別，又唔覺好有魚味，係無乜骨易食。湯底係酸菜，湯的味道唔錯。無味精。除了跟一碗湯，店鋪仲送左2枝鴻x堂中size的樽。我地用唔晒，剩左1枝第2日煲蕃茄湯。



肉類：牛肉（美國精選肥牛）同黑毛豬腩片。牛有蘇味加肉質略韌。豬肉就有一舊骨仔，無乜豬味



魚：鱔片，無味







海鮮：鮑魚4隻，洗得洗淨。肉質太淋。花甲好細，肉算鮮甜。（外送對海鮮別太高要求）




菜有3樣，蕃茄加粟米，生菜同娃娃菜，洗得乾淨，份量足夠



丸：全部好淋，唔彈牙，又多粉，唔好食



鴨血：無腥味，唔算硬，質素不錯。



麵食：有2個稻庭烏冬（滑滑的美味），寬粉吸晒湯的精華，彈牙美味

嚮鈴加魚皮：2樣都淋晒，嚮鈴無豆味，2樣都唔好食（魚皮第2日用焗爐焗番脆佢比較好食）

價錢：$898（套餐）+$68（轉魚）+=50（車費）=$1016。 P.s,而家將餐的食物相inbox佢，下次堂食可減200元，我Inbox左知道係食$500減$200）

總結：
$1000多元咁的質素收貨，(未扣堂食$200） 始終唔同鋪頭食咁新鮮。份量是夠4至6人食。唔夠可以係佢店舖加餸。

高興 (觀塘)

今日同細妹請左半日假，一齊買父親節食物 。未買野之前緊係食左野先。妹妹之前食過晚餐讚不絕口，今次就一齊食Tea





Tea要3點開始，準時到左就睇餐牌有乜食啦！每人一個再Share,我點了高興公司三文治（$41）再加（$4）換了綠茶沙冰。妹妹點了迷你炸雞薯條（$39）加凍檸水



高興三文治先上。一向食開三文治唔係配薯條就一定係薯片，今次甚麼也沒配有點小失望。三文治是切開兩半。（佢包實，我影相先拆到咁樣衰）入邊材料有蕃茄，菜肉同煎過的雞肉都幾香口，三文治食時還暖暖地，ok. 綠茶沙冰只有一丁點綠茶味，唔夠香濃，加4元收貨。如果正價必定不點，唔值



迷你炸雞都唔算迷你，薯條份量都算多。可惜雞唔夠熱皮厚又唔脆，雞肉又小又唔夠入味。薯條又乾乾地。又唔知用左乜野調味，不喜歡



總結：下午茶食物味道好一般，但求填飽個肚的ok.價錢中等，2人食了$84。（無加一）同埋如果坐得出而多人的話都幾嘈。並不是傾計好地方。會再來下午茶嗎？未必。晚餐或許可考慮吧！

必勝客 (藍田)

由於會員又係有買二送一優惠，咁就黎呢到食啦！

星期五下午兩點半黎到都多人，待應太忙關係水無餐牌無。唔緊要睇番上次自己影低的餐牌吧!

買二送一係計送最平果個，咁就緊係揀番咁上下價錢先無蝕底。最後揀左一飯一粉一麵包。飲品係檸水加一個湯同朱古力曲奇咖啡冰（加8元）。（每餐包飲品一杯或餐湯），但唔係個個餐都可揀餐湯。

公司三文治配薯條$59，有4件三文治，材料有薄如嬋翼雞蛋，雞肉，菜同蕃茄。包烘得香脆。薯片今次唔夠熱，無之前咁好食。同埋個擺盤絕對有進步空間唔好搞到打仗咁啦！


葡汁雞焗飯$60，今次飯夠熱，汁夠多唔會乾爭爭咁。雞肉份量足夠




卡邦尼煙肉意粉$64，汁太杰又小，意粉又煮得比較硬，熱度欠奉。每次叫呢個都覺得唔抵，意粉小，菇又小。。只是二人食三個餐份量太多，就叫小份量一點。如果無買二送一必定唔會叫來食

後記：買二送一的話，三個餐平均只需四十多元一個，在舒服環境食野算抵。今次可能太多人，食物比之前差左d希望下次去時有改善吧！

吉吉燒 (美孚)

今年新年又同中學朋友們燒烤了。前年去左九華徑今年去番吉吉燒。今次唔想太夜就揀下午去$168（包1次飲品，可揀水或罐裝飲品2，如改枝裝或某些飲品補多3元）。燒烤網加夾45元（得一個夾要夾生熟唔太衛生，下次自己帶一隻去），網去士多買（即取飲品地方）買左會有人拎多個架俾你放個網上去，隔離場無架的。

餐具有碟有叉有膠手套，沒有任何紙巾（唔知夜晚有無），好在一早預備定濕紙巾同紙巾。

唔知係下午關係定點，今次食物選擇比較小，腸仔種類比較多，蔬菜類比較小。丸同雞翼味道一般。如果講有乜印象深刻食物係豆卜，最重要拎佢d汁點。還有燒菠蘿也不錯，朋友們就喜歡青椒食了好多。

免費的每人一件羊或豬仔脾都唔差的。

最差係d扒類，完全係拿到好勁果d味，仲要醃到超鹹，食左一塊無再食了。魷魚都醃得唔夠入味。

服務：好到唔信，勁有禮貌。唔係網上講得咁差，唔知係咪下午小人d關係啦～

洗手間唔算好乾淨可接受水平，咁多人去又不能要求太高

總結：食物水準比以往差，無乜特別好好食的野。168元有4個鐘，兩手吉吉去又唔洗執野，咁的價錢絕對可以接受。

芋圓控 (觀塘)

見到某雜誌介紹就諗住遲下試，點知話就執笠。咁今日又有事係觀塘做有得放早，就買黎試

黎到4點幾，原來今日芋圓4點半先有得得無應，好在等左一陣就有得買。可能唔係夜晚都係得五人以下排好快到我

一早諗定要招牌手工芋圓$44（仙草凍，地球圓，紫薯圓，芋圓小丸子 西米）加椰汁，我覺得最好味係地瓜圓。食到蕃薯味，紫薯味就真係無乜味道 唔知食緊乜。仙草份量多夠滑其它材料都係靠個汁，可是汁味道唔甜，整碗都無甜的感覺

另一碗揀左自選3款$30(今日話無芋頭，粟子圓又話無賣好耐。係咪就執定時間尚早好多野都無，好失望吖）最後揀左桂花凍，地瓜圓同紫薯圓加黑糖汁。唔 ，D桂花.蜜有小小桂花味，可以甜d會更好

望落去價錢妳似唔係幾平。不過，佢俾平日大碗的，4個人分2碗都好足夠。

總結：如果喜歡超甜一定啱口味，喜歡清淡的人應該幾岩胃口了。我是介乎2者之間所以對我黎講淡左小小了.