咖啡亭 (尖沙咀)

一坐低 d waiter 即刻拎附有不眠王子 coupon 既兩款食物上檯...
<<焗和牛面頰酥皮盒>>超軟身...天娜仲問我個酥皮點食好呢...
我答：拎去自製酥皮蕃茄湯...味道應該唔錯...
哈哈哈 ~ 天娜直頭拎個酥皮殻出去裝 d 湯落去....

我地食唔慣生肉...所以問下 d waiter 可唔可以整熟 d...
結果當然可以啦...而且招呼態度十分好...走埋來我地檯度問左兩三次...
問咩呢...咪就係問<<確實要整熟佢???>>
我地答：係啊...因為我地食唔慣生肉...唔好意思...

生牛肉他他反而好正...放落口個 feel 根本唔始生牛肉...又唔腥...
芒果蝦都好味...配搭一流啊；但果杯湯就飲唔慣囉...
我地飲湯前仲會講<<乾杯!!!>>...飲第一啖就一額汗...

生蠔每人每次限取三隻...所以都係專攻蟹腳...
掛住食都唔記得影 d 蟹腳相...

傻傻地去拎三文魚刺身...原來可以拎三文魚腩架...
因為初頭去拎三文魚刺身後...有個女人排我後面...
話要三文魚腩丫...之後我再返天娜講你去拎刺身記得話要腩喎...

甜品出場啦...麵包布丁好香...熱辣辣香噴噴...
一放入口好正...不過我衰貪心...拎得太大舊...後尾其他甜品都冇眼睇...
甜品櫃嘅甜品都要分成兩碟先裝得晒...泡芙山好正啊...
唔洗自己夾...會有專人幫你夾 d 甜品出來...
放嘅位置果然係專業 d...好在唔係我自己擺...
個個都話燕窩燉蛋白超正...

Paul Lafayet (尖沙咀)

<<老佛爺>>...好多人啊...
雖然好想食佢 d cake...但因為夜晚要食 buffet..
所以極度忍口...但一場來到都買左兩粒馬卡龍試下...

lemon (法國旗) & caramel 各 $15/1粒...外脆內甜...
d 姐姐好好人啊...話要揀粒又靚又大粒架喎...
招呼超好啊...我...我下次要買多幾粒返去狂影啊...

喜客比薩 (屯門)

睇戲前的下午茶~同朋友叫左個 $98 二人下午茶餐~
坐係有風景 view 既卡位~~上菜速度都幾快~~
★有pizza~兩隻雞翼~兩塊薯塊~兩隻脆蝦~兩塊芝士餅~兩杯凍飲~~~~
pizza 薄脆得很~其餘食物都唔錯~~~

睇唔出禮拜六既喜客唔太多人~~
反觀後面既意粉屋就好多人等緊位~~

肇順名匯河鮮專門店 (屯門)

我都明白禮拜六飲茶係幾難...尤其係知名度頗高既酒樓...
本來枚去食稻香架...點知鬼咁多人...等到冇心機再等落去...

呢間肇順冇咁多人喎...雖然之前都有食過...我自評都唔錯...
一入去有位男經理企係入口處...頭岳岳咁周圍望...仲係好串既樣 bor...
咁"友善"既態度真係令我ｏ晒咀...食物即使有幾好都扣晒分啦...

★雪山叉燒包：唔夠熱~但味道尚可
★點心拼盤 $38：有蝦餃~燒賣~潮州粉果~各兩件
★梅菜蒸鯇魚(跟飯)：偏咸~但條鯇魚好好味

茶壼入面已經唔係用茶葉沖茶...而係改用茶包沖茶...
我好奇地問一問點解會係茶包沖茶既??
一般茶樓都會照用返茶葉沖架嘛....
d 待應姐姐話好飲ｄ喎....

Café Circles (荃灣)

原價 $148/1位...折實後 $141/1位...平左幾蚊雞...

環境都唔錯...不過唔夠光...都坐唔晒成個場...
我主攻刺身及甜品...刺身有三文魚 and 拖羅...
刺身唔夠甜...又係切到細細塊...好在任拎唔洗等廚師限住幾塊俾你...
煙三文魚個味 ok 喎...熟食我完全冇掂過...因為唔係好鐘意...
點心就好似淨係見到燒賣...仲有柴魚花生粥...
燒雞...東坡肉...白飯任裝...sushi...
前菜如芝麻八爪魚...中華沙律...冷麵
薯茸...中式湯好似係西洋菜湯...羅宋湯...
有塊薄到好似脆片但又唔係薄餅但幾香口...

食物款式唔算多...甜品亦都幾的式...
可惜 d 食物名個牌成日搵唔到...只好自己幫手改名...
有 d 食物係要個廚師切完拎俾你...本來我走過去問係咩來...
結果個鬼佬廚師就咁拎俾我...我唯有試下...
食落口係咩真係唔敢肯定...口感似火腿但幾好味...

甜品有一粒朱古力最正...外層係黑朱古力 (朱古力咩牌子我唔識)...
總之味道夠濃夠滑...甘得來又唔會好苦...裡面果層又軟身...
其餘都係布丁款... cheese cake...jelly...
lunch buffet 幾舊水唔好要求咁多...唔洗爭食唔洗排隊等食已經唔錯啦...