Riso Café (屯門)

下午茶時間...諗住去食上海婆婆...但又睇落冇咩興趣...
之後來到 riso cafe...下午茶餐由平價食到升價...

次次我都會點「鮮茄洋葱燴飯」呢次加埋香蜜腸+苺子集薈...
媽媽點「咖椰包+焗薯角+菠蘿阿囉哈」
d 腸幾好味...本身好香蜜糖味...還有兩款醬料去配它...
咖椰包幾特別...焗薯角麻麻地...
至於兩杯餐飲都唔錯...菠蘿阿囉哈清清地...
苺子集薈杯入面仲有幾粒士多啤梨 tim...
不過咬落去凍冰冰...冇味道!!!

五月花港台日料理 (荃灣)

睇過呢度ｄ食評...的確差多過好...去食都有ｄ驚驚...
6pm 開始客人未算多...經理會行埋來問有冇 coupon 啊...
之後就會話ｄ紙係度架啦...有咩需要再叫我地啦...

直至友人們都入座...我地由 6pm 食到 8pm...
有張 coupon 仲可以加 $8.8 叫埋海膽...
限時２個鐘梗係要食多ｄ野先回本啦...

我不斷叫刺身...頭幾輪刺身都幾新鮮...可惜 last order 既拖羅就唔多新鮮囉...
ｄsushi 叫得最就係花之戀+三文魚反卷+手卷...質素都唔差...
火鍋衰係個湯底...指定要「豬骨黑椒湯底」...唯有不斷加湯落去溝淡佢...
小食叫過「一口炸豆腐、炸薯餅、雜菜野菌、秋刀魚、汁燒冬菇...」
友人叫埋「桂花糕」做甜品...不過我冇食...

食到一半先記得海膽仲未有...去問經理...
經理反問我地「下~你地唔係食左咩...?」
我地答「咪玩啦...見都未見到啊...點食姐...唔通我地會呃你份海膽咩...」
之後經理好似十分錯愕咁拎份海膽來啦...

夠鐘前半個鐘會提一提你準備 last order...
而的確到左 8pm 會有人過來同我地講...「夠鐘啦! 埋單先啦!」
我地唯有拿拿聲食埋佢...望一望周圍都已經爆晒場...

我覺得２個鐘都夠食既...不過要一路食一路傾計...
食野速度會拖慢...最好食晒想食果ｄ先慢慢傾計...

薩莉亞意式餐廳 (荃灣)

見到 openrice 各位讚不絕口既食評...
自己都心郁郁想去試試...所以就叫埋媽媽一齊去啦...
落到荃灣仲未 6pm...仲可以叫下午茶...
首先叫左個咩奄列 $25 + 芝士焗西蘭花 $25 (已包 drink bar)...
之後食完就梗係要試埋 d 小食啦...以煙三文魚 & 焗田螺 & 焗薯角為先...
本來媽媽對煙三文魚都唔太討好...但一食之後亦點頭示好...
至於焗田螺直頭係媽媽至愛啊...焗薯角都唔錯...

諗住晚餐都係度食埋啦...
所以叫埋帕爾瑪風味蕃茄意粉 & 豚肉鐵板漢堡...
兩樣都好好味...叫埋甜品牛奶格拉圖配咖啡啫喱...
埋單都係 $200 內...果然又平又好食！

美中不足既係 d waiter 太少人...
客少都仲應付到...客多就唔係咁好啦...

味千拉麵 (深水埗)

今日去深水步行街...行到夜晚多數都會揀去西九龍食 dinner...
去到電梯邊...有兩個味千 waiter 係度派傳單...
一張係食滿 $100 減 $10．一張係小食買一送一...

入到門口有個 waiter 問幾位啦...我答兩位...
之後就問我地可唔可以坐長方形檯入面既中間位...
我梗答最好唔好啦...又逼又窄...
之後又再問可唔可以坐吧檯...我睇下ｄ位又好似所淨無幾...
諗諗下是但啦...反正坐完都走架啦...
卒之正想坐低就見到後面有卡位...咁我就問個 waiter 可以坐後面果張檯嗎...
個 waiter 諗左陣...之後又同第二個 waiter 講...我仲見到個 waiter 好不肖咁望左我一眼...
之後搵個經理來...個經理問我地幾位...我又答兩位囉...
跟住個四眼經理話而家有4個人要入來...可能要坐呢張....之後果4個人坐左第二張檯...
又叫我地可以坐呢張囉...明明後面大把位都唔知點解硬要ｄ人坐吧檯...

好似覺得我地食唔起咁...態度超級差！
算～化怒氣為食量！見有優惠卷一係減10蚊...一係小食買一送一...
我地點左「吉列豬扒拉麵、雜菌牛肉石頭鍋飯、蟹肉奶油薯餅」
古列豬扒拉麵：都 ok...冇咩問題

雜菌牛肉石頭鍋飯：ｄ飯好似炒到燶左先放落個石頭鍋度咁...
又搵唔到有咩雜菌囉...ｄ飯又乾但ｄ肉就ok...

蟹肉奶油薯餅：我次次食親味千都會點呢味...不負所託味道依舊...

埋單我就話有張 coupon 啦...個 waiter 就話要點菜前俾佢地喎...
之後就話去問四眼經理...問完又話可以用得...之後又問我係咪要埋單...(我咪答左囉)

意粉屋 (屯門)

做左好耐會員既我...都會同阿媽成日去食下午茶...
因為第二客有半價嘛...計落又唔太貴...

但今晚就決定食 dinner 啦...時間可能尚早...客人不多...
所以服務員每次都會問你要暖水定凍水...

本來諗住食芝士火鍋架...但最後俾 citibank 套餐吸住左...
我地叫左[南瓜湯、龍蝦湯、芝士焗龍蝦天使麵、黑白脆雲吞、兩杯凍檸茶]
南瓜湯幾清甜丫．龍蝦湯偏咸但好足料．天使麵ｄrｙ左d．
雲吞既汁係龍蝦汁...但個雲吞唔講既話真係唔知係雲吞囉...都幾特別既．

上菜都幾快...而且一見你食完就即刻收碟囉...
整體來講屯門有咁既服務態度都算唔錯架啦...
好過我上次係葵芳食意粉屋...d 服務員態度有ｄ寸!!!