eat_slim 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2010-11-10
好耐冇來西環,真係變左好多,以前係好local的地方,而家竟然變左好似soho咁,有好多鬼出沒。 呢日我地來左呢間野度慶生,佢對住個有青馬大橋景的海,呢d先叫心曠神怡。我地叫左一個凱撒雞沙律,一個橄欖鯷魚+吞拿魚細pizza,一個火腿白pizza,同一個蕃茄意粉。個凱撒雞沙律配自製沙律汁,都幾清新。兩個pizza都好薄好脆,但d橄欖鯷魚太鹹,好彩叫左一半。個白pizza其實係白汁底,整得好香好好味,個意粉又俾你落好多芝士,正。 呢度環境同個view一流,但d枱櫈好鬼高,兼且係只包一杯水飲,逼你叫野飲。dwaiters好nice好有心機咁介紹野食,個老細又成日撩人講野,叫我地深入虎穴搵男人喎,又話自己唔結婚,勁搞笑!最後仲屈到佢請主角食tiramisu,睇其他食評先知佢係法國人,但佢d口音一d都唔法喎!
評分: 味道 5 環境 4 服務 4 衛生 4 抵食 4
2010-11-10
本來係來呢度食焗飯的,但點知冇開,就試下呢間印度野。 我地一坐得就有脆薄餅食,點d薄荷汁幾好味。朋友話呢d野好難整架喎,但我地唔駛一分鐘就食晒。 我地叫左一個咖哩魚同一個masala羊肉。由於我唔係好食得辣所以幾佢少辣,但點知係走辣,對食得辣的朋友真係唔好意思。佢呢個set就包一碗蘿蔔湯,都幾好味的,有咖哩,有飯,有naan,食完都飽到上喉嚨,仲加左錢飲賣飛佛mango lassi。本來要加我25蚊的,但老細見我地飲兩杯就減到20蚊,食飯都有價講,唔錯。 呢度入夜有好多印度鄉里來食,又可以睇bollywood mv,環境都幾好。
評分: 味道 4 環境 4 服務 4 衛生 4 抵食 4
2010-11-10
又到同人慶生的時間,由於有人唔得閒食晚飯,咁就同佢tea一tea啦。 朋友想食呢間野好耐啦,我地叫左一個tea set同一個puff。個tea set都幾豐富,有4鹹4甜點。甜點首先有朱古力mousse,好香又唔甜,有少少似雪糕;跟住有個cake係baileys味既,超好味,但如果dbaileys再勁d會更好味;一個朱古力mousse蛋糕都ok,另外有個vanilla puff都好食。鹹點方面有兩個係ham pastry,一個三文魚,一個係好似鵪鶉蛋,都唔錯的。 至於另叫的puff裡面有自製的vanilla雪糕,好好味呀!絕對唔係買個d咁味。 茶方面叫左一個vanilla味既紅茶,但唔夠vanilla味,仲有一個marco polo茶同一杯latte,個杯都幾靚。 呢度既裝修好似法國咁,但法國一定冇呢度咁多人同咁嘈,除左paris間amelie cafe之外。佢連個廁所都係寫法文既,不過好彩有公仔解釋!總之呢一餐大家都食得好滿意!
評分: 味道 5 環境 5 服務 3 衛生 4 抵食 3
|